Jeremiya 29:12 - Bhibhiliya Nya Guage

¹² Mwa gu nyi rana ni gu nyi khozela, eni nyi na mi yingisa.

Jeremiya 29:12 Iomraidhean Croise

2 Dzikoronika 33:13

avbo a nga mu lombelelago, Nungungulu a di yingisa nombelo waye a mu pwela gisiro a mu bweledza nyaluphye mufumoni gwaye Jerusalema. Khu guralo, Manasi khavbo a dzitidego gukhuye Pfhumu Nungungulu, khuye Nungungulu nya lisine.

2 Dzikoronika 6:38

va gu vbindrugedza va wuya avbo gwago khu monyo wawe ni hefemulo wawe watshavbo, na vari khu tigoni momo nya wugumbi wawe, va gu lombelela na va khedzide phuvbo ga litigo leli U ningidego vababe vawe, ni lidhoropa leli U li hathidego ni phuvbo ga nyumba yeyi, nyi yi vbahidego yi lumba lina lago.

Joba 22:27

U na lombelela avbo gwaye, Uye a na gu hakha, kharato u na tadzisa gisambanyo gyago.

Dzindzimo 10:17

Pfhumu Nungungulu, yingisa nombelo wa gisiwana, va tiyise myonyo yawe, u va hakhe,

Dzindzimo 145:19

Uye a gu ninga esi va si vbwetago avo va mu thavago; a ngu va yingisa va gu mu lomba giphaso, a va vbanyisa.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Isaya 30:19

Kholu vathu va na vbanya Siyoni ni Jerusalema, gima kha va na lila gambe; mwa gu lilani avbo gwaye, khu lisine uye a na mi pwela gisiro, a mi yingisa a vbiredza gu mi ningani phindrulo.

Isaya 65:24

Gikhati va lombelelago, nyi na va ninga phindrulo na va si gu vbedzi; na va nga guganela, eni nyi na va yingisa.

Jeremiya 31:9

Va na wuya na va gu lila, nyi na va hetedza na nyi gu va bavbula marongo, nyi na va yisa mitsongoni nya mati khu ndzila nya gululame, mwalo a na tshunganelago; kholu Eni nyi womo kha nga babe wa Israyeli, ni Efrayimi khuye matiwula yangu.

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Jeremiya 50:4

Khu matshigu yoyo ni gikhati gyogyo, a ngu ganela Pfhumu Nungungulu, va na Israyeli ni va na Judha va na tombana va wuya gumogo, na va gu lila va vbweta Pfhumu Nungungulu wawe.

Jeremiya 51:50

Enu mu vbulugidego gu songwa khu matshari, thavani, vbiredzani gu khuga, thavelani mayigo ya hwindzo, ambari na muri hwindzo mu nga divaledwi khu Pfhumu Nungungulu, myonyo yanu yi na alakanye Jerusalema.

Ezekiyeli 36:37

Mune Pfhumu Nungungulu, a ngu ganela kharati, khuye: Ambari khu esi, nyi nga na gu dzumedzisa gukheni va na Israyeli, va na gire nombelo, va nyi lomba gukhavo nyi va phase, nyi andrisa vathu vawe kha nga tshambi nya dzinvuta.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.