Jeremiya 28:14 - Bhibhiliya Nya Guage

¹⁴ Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Vatshavbo vathu vava nyi na va rwega kanga nya dzisimbi dzithamoni gwawe. Gasi va thumela Nabhukodhonosori, mufumeli wa Bhabhiloni; nyi mu ninga gambe ni tshivba nya gufumele sirengo sa khabini.”

Jeremiya 28:14 Iomraidhean Croise

Jeremiya 15:12

“Ina muthu a ngu dzi kodza gu funya simbi, yitago khu Wuronga mwendro sugu, gani?”

Jeremiya 27:4

Pfhumu Nungungulu nya Tshivba Yatshavbo, Nungungulu wa Israyeli, a di ganela kharati, khuye: U na va embela va yisa magana yaya ga vamune vawe va ya va embela, khavo:

Jeremiya 27:8

Pfhumu Nungungulu a di ganela kharati, khuye: Litigo mwendro mufumo wu na gumba dzumela gu khoza ga Nabhukodhonosori, mufumeli wa Bhabhiloni, litigo lolo nyi na li bayisa khu litshari, khu ndzala mwendro tungu, kala a va fuvisa khu mandza yaye.

Jeremiya 40:4

Gasi olu eni, nya gu vbweta gu gu tshula makhetshe u hungidwego mawogoni gwago, wa gu dzina hongole hatshavbo Bhabhiloni, eni nyi na khala musayisi wago; aholu wa gumba dzina, tshala. Wona! Litigo latshavbo lomo mandzani gwago, u hongola ni evbini u gunago, u gira iso u si wonago nari sadi mbeli gwago.”

Gililo 1:14

Rwalo nya sighoho sangu wu ngu nyi lemela. Pfhumu hungide nyandra khu mandza yaye a yi handzega magatani gwangu, nyi rereka nyi vbela tshivba. Pfhumu a di nyi ningela mawogoni ga va nya tshivba nyi si kodzi gu khuga. Samec

Dhaniyeli 2:38

Malangani yatshavbo a gu ningide vathu, sirengo sa khabini ni sinyoni sa damboni, a si ningede mandzani gwago, gasi satshavbo si fumwa khuwe, hungo nya ndralama khuwe.

Hoseya 10:11

Kholu Efrayimi, a diri gimombyana nya ngadzi nya gurule gi hevbudzidwego, gi nga bani gi tsakela guvbula tirigu; khu guralo, nyi mu thede kanga thamoni gwaye nya wumburi. Efrayimi a na ndrindra kareta, Judha a na lima, va na Jakobe va na hagula.

Dhewuteronome 28:48

Khu guralo, u na thumela valala avo Pfhumu Nungungulu a na gu va rumela avbo gwago, va ta gu tshanisa khu ndzala, lidora, wuhagadzo ni wusiwana nya wukhongolo ngudzu; avo va na gu rwega kanga nya dzisimbi nya gulemele thamoni gwago, kala va gu mbembisa.

Dhewuteronome 4:20

Aholu Pfhumu Nungungulu a mi dzegide a mi dusa niloni nya guvbise wa Egipito, uwo wu nyiviligisago ni simbi gasi mu khala vathu nya thomba yaye, kha nga mu si wonago kala na muhuno.