Jeremiya 28:11 - Bhibhiliya Nya Guage

¹¹ a ganela mbeli nya vathu vatshavbo, khuye: “Pfhumu Nungungulu a ngu ganela kharati, khuye: Gu na girega kharato, hwane nya myaga mivili, nyi na bani nyi fanyide kanga wa Nabhukodhonosori, mufumeli wa Bhabhiloni a wu rwegidego dzithamoni nya mayigo yatshavbo.” Khu guralo, muprofeti Jeremiya a di khuga a hongola.

Jeremiya 28:11 Iomraidhean Croise

1 Dzipfhumu 13:18

Aholu muprofeti nya gikhosane a di mu embela, khuye: Eni neni nyi muprofeti, ngilozi yi nyi embede khu magana ya Pfhumu Nungungulu, khiyo: Mu bweledze u wuya naye gaya gwago, gasi uye a ta hodza guhodza ni gu sela mati, aholu uye a di gu mu liphela.

1 Dzipfhumu 22:6

Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

2 Dzikoronika 18:10

Zedhekiya, mwamana wa Kanahana, a di dzi girela dzikeho nya gukari nya dzisimbi, a ganela, khuye: Khu dzikeho dzedzi, Pfhumu Nungungulu a ngu ganela, khuye: “U na bayisa khidzo Vaharami, kala u va mbembisa, havo bhi!”

Mavingu 14:7

U nga hengeli ni muthu nya guvivbedwe khu monyo, kholu kanani gwaye ma mwalo magana nya yadi.

Jeremiya 14:14

Pfhumu Nungungulu a di nyi embela, khuye: “Vaprofeti va gu profeta malipha khu lina langu; khandri eni nyi va rumedego, ambari gu leletela ni gu va embela; va gu profeta avbo gwanu khu siwoniso nya malipha ni misihalo nya gu pfhadzwe khu guwegela nya myonyo yawe.”

Jeremiya 23:17

Va gu simama va embela vale va bombago magana yangu, khavo: Pfhumu Nungungulu a ngu ganela, khuye: Mu na khalega khu gurula; va tiyisa gambe vale va si khathaligo khu magana yaye, khavo: “Li mwalo libango li na gu mi dugelelago.”

Jeremiya 28:15

Muprofeti Jeremiya a di embela muprofeti Hananiya, khuye: “Hananiya, olu yingisa malito yangu: Uwe khwa rumedwa khu Pfhumu Nungungulu, uwe wa gu pengisa vathu va khodwa khu malipha yago.

Jeremiya 29:9

kholu avo va gu mi girela wuprofeti nya malipha khu lina langu; khandri eni nyi va rumedego, a ngu ganela Pfhumu Nungungulu.

Ezekiyeli 13:7

Ina khandri mwa gu wona siwoniso nyamba phasa gilo, ni nyatumbatumbane nya malipha, mwa gu ganelani, khenu: Khu Pfhumu Nungungulu a ganelago, narigu eni kha nya ganela gilo!