Jeremiya 26:4 - Bhibhiliya Nya Guage

⁴ Khu guralo, va embele, khuwe: Pfhumu Nungungulu a ngu ganela kharati, khuye: Mwa gumba nyi yingisa ni gumba gimbila khu nayo wangu, nyi wu vegidego mbeli gwanu,

Jeremiya 26:4 Iomraidhean Croise

1 Dzipfhumu 9:6

Aholu enu, gumogo ni sanana sanu, mwa gu nyi pfhurarela, mu diga gu sayisa milayo ni sileletelo sangu, nyi si vegidego mbeli gwanu, aholu, mu khozela vambe vanungungulu mu va khidzimela,

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Jeremiya 17:27

“Aholu, mwa gumba nyi yingisani, mu si dzumeli gu agisa litshigu nya Sabhadho, ni gu rwalani mirwalo nya gulemele, mu bela nayo khu dzinyangwani nya lidhoropa khu litshigu nya Sabhadho, nyi na vasa nilo wu nata dagaredzisago dzinyumba dzatshavbo nya wufumu dza Jerusalema, uwo wu na gumba tshimega gambe.”

Jeremiya 22:5

Aholu, mwa gumba yingisa magana yaya, Eni Pfhumu Nungungulu, nyi ngu sambanya khu lina langu gukheni, ndranga yeyi yi na vbindrugedza yi khala marumbi.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 44:10

Kala na muhuno mu si gu dzi layi, ambari gu yeyedza githawo ni gu landrisa nayo ni sileletelo nyi si vegidego mbeli gwanu ni ga vababe vanu.”

Jeremiya 44:23

Libango leli, li mi thegede kholu enu mu di vbisela libani sifananiso, mu ghohela Pfhumu Nungungulu, mu si yingisi magana yaye, ni gu landrisa nayo ni sileletelo saye, kha nga mu si wonago muhuno.”

Jeremiya 7:14

nyumbani momu li khozedwago umo lina langu, umo mu vegidego umo gitumbo gyanu, wulanga nyi mi ningidego enu ni vababe vanu, nyi na wu gira kha nga idzo nyi giridego lidhoropa la Silo.

Dhewuteronome 11:32

Khu guralo, khathalelani gu landrisa milayo ni sileletelo satshavbo muhuno nyi mi lovelago.

Dhewuteronome 31:20

Gikhati nyi na va bedzago ga litigo eli nyi li sambanyedego ga vababe vawe, litigo li gogago mahwe ni wulombe, mu na ya hodza mu khura, gambe mu naya ena. Aholu va na phela guya khozela vambe vanungungulu, va nyenya Eni, va hambanisa gidzumeledzwano gyangu.

Dhewuteronome 4:44

Owu khuwo nayo Mosi a nga wu huwelela ga sanana sa Israyeli.

Dhewuteronome 4:8

Ni gu gambe, khu levbini litigo nya likhongolo li gu na ni milayo ni sileletelo nya gululame kha nga nayo yoyu watshavbo nyi mu ningago muhuno?

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.