Jeremiya 25:10 - Bhibhiliya Nya Guage

¹⁰ Nyi na degudza mikulungwane yawe nya litsako ni gunengela, ni malito ya vadzegani kha ma na pwala, ni ligwaha nya gitshindro ni safa nya kandriya.

Jeremiya 25:10 Iomraidhean Croise

Esiteri 3:13

Malangalila yaya ma di rumedwa khu kureyu mayigoni yatshavbo ya mufumeli, gasi va pfhungumula, va songa ni gu mbembisa Vajudha vatshavbo, gukhugela madzaha, kala vakhongolo, sanana ni vanyamayi, khu litshigu la limwedo basi, litshigu nya likhumi na mararu nya ngima nya likhumi na mivili, a gu ngima nya Adhari, bwelo khavbo va phanga thomba yawe yatshavbo.

Esiteri 7:4

Kholu hi ningedwe eni gumogo ni va na gyathu, gasi hi songwe hi sasedwa hethu bhi, hi fuva hatshavbo. Nari gupwani hi di rengiswa basi hi khala dzikhumbi, vama ni vanyamayi nyi di hadza gu degula nyamba ganela gilo. Aholu nala wathu gima na sa dzi kodza gu agisa guvivba gwatshavbo a na girago ga mufumeli khu gusongwa gwathu.”

Esiteri 8:11

Malangalila yaya, mufumeli a di ma rumela ga Vajudha, va nga bani vari ga lidhoropa ni lidhoropa, gasi va gira tshangano va dzi wonela gasi va vhikela womi wawe, va mbembisa ni gu fuvisa ni wevbini tsawa nya vathu ni gipandrengulu wu dongidego matshari gasi gu sasela ni gu mbembisa mapango yawe gumogo ni sanana sawe, va bwelo khavbo va phanga thomba yawe.

Isaya 47:2

Dzega gitshindro u tshindra wuguvbi; tshula gikhongelo hungoni, u kunya myendra yago u tshatuga mitsongo.

Jeremiya 16:9

Kholu, Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wona nya gukhuwe ga matshigu yanu, nyi na fuvisa mbeli gwanu wulanga wowu, malito nya gutsake ni malito nya gunengele, malito ya mudzegi ni ya oyu a dzegwago.

Jeremiya 48:33

Dzindzimo ni mikulungwane, kha dzi nga gu pwala gambe tigoni nya gunone ga Mowabhi, nyi bangiside miphongolo yi thedwago umo vbinyu; mwalo gambe a na gu gamago dziuvha khu litsako, gwa gu manega ndzimo, yi na bani yiri ya gililo.

Jeremiya 7:34

Nyi na degudza madhoropani ya Judha ni dzindzilani dza Jerusalema, malito nya gutsake ni malito nya mihagano, malito ya mudzegi ni uye a dzegwago; kholu litigo li na bani liri giwula.

Gililo 5:15

Myonyoni gwathu gu mwalo gambe gutsaka; guhana gwathu gu vbindrugedzide gu khala gililo.

Ezekiyeli 26:13

Nyi na fuvisa dzindzimo dzago nya litsako, ni gudzuma nya sitendre gima kha gu na pwala gambe.

Hoseya 2:11

Nyi na fuvisa gutsaka gwaye gwatshavbo, ni mibuzo yaye, nya Gumege nya Ngima, nya dzisabhadho, ni yatshavbo mibuzo yaye.