Jeremiya 25:1 - Bhibhiliya Nya Guage

¹ Khu mwaga nya wu na nya gufume ga Jowakimi, mwamana wa Josiya, mufumeli wa Judha, gu rumedwe magana yaya ga Jeremiya, mayelano khu vathu va Judha; a diri mwaga nya guphele gufuma ga Nabhukodhonosori, mufumeli wa Bhabhiloni.

Jeremiya 25:1 Iomraidhean Croise

2 Dzikoronika 36:4

Mufumeli wa Egipito a di emisa Eliyakimi, ndruye wa Jowakazi, gu khala mufumeli wa Judha ni Jerusalema, a vbindrugedza lina laye kheli la Jeyowakimi; aholu ndriyaye Neko, a di dzega Jowakazi a mu yisa Egipito.

2 Dzikoronika 36:6

A di ta dhumedwa khu Nabhukodhonosori, mufumeli wa Bhabhiloni, a mu hunga khu makhetshe a mu yisa Bhabhiloni.

Jeremiya 1:3

ma rumedwe gambe matshiguni ya Jowakimi, mwamana wa Josiya, mufumeli wa Judha, kala guvbelani nya ngima nya likhumi na moyo nya gufume ga Zedhekiya, mwamana wa Josiya, mufumeli wa Judha, kala avbo vathu va Jerusalema va nga modwa va vbagedwa vaya wugumbitunu khu ngima nya livbandre.

Jeremiya 32:1

Pfhumu Nungungulu a di rumela ga Jeremiya magana yaya, khuye: Khu mwaga nya likhumi nya gufume ga Zedhekiya, mufumeli wa Judha, owu khu mwaga gu enedzago likhumi na livbandre na miraru myaga nya gufume ga Nabhukodhonosori.

Jeremiya 35:1

Magana ya Pfhumu Nungungulu ma dzude ga Jeremiya, matshiguni ya Jowakimi, mwamana wa Josiya, mufumeli wa Judha, khayo:

Jeremiya 36:1

Khu mwaga nya wu na nya gufume ga Jowakimi, mwamana Josiya, mufumeli wa Judha, Pfhumu Nungungulu a di embela Jeremiya, khuye:

Jeremiya 45:1

Khu mwaga nya wu na nya gufume ga Jowakimi, mwamana wa Josiya, mufumeli wa Judha, muprofeti Jeremiya a di rumela magana ga Bharuki, mwamana wa Neriya, gikhati a nga vbedza gu lova mulibhukuni malito ma nga dugago khu kanani ga Jeremiya, a di mu embela, khuye:

Jeremiya 46:2

Khu mahungu ya Egipito, khu nyimbi ya Faro-Neko, mufumeli wa Egipito, a nga bani na khade bambe nya tsongo wa Ewufrate, dhoropani ga Karakemesi, avbo a nga palago Nabhukodhonosori, mufumeli wa Bhabhiloni, khu mwaga nya wu na nya gufume ga Jowakimi, mwamana wa Josiya, mufumeli wa Judha, khuye:

Jeremiya 7:1

Lito la Pfhumu Nungungulu li dita ga Jeremiya khu magirelo yaya, khilo:

Dhaniyeli 1:1

Khu mwaga nya wuraru nya gufume ga Jowakimi, mufumeli wa Judha, Nabhukodhonosori, mufumeli wa Bhabhiloni, a dita dhumela lidhoropa la Jerusalema a li sasela.

Dhaniyeli 1:2

Pfhumu a di ningela Jowakimi mandzani gwaye. Mufumeli wa Bhabhiloni a di dzega mufumeli wa Judha a gu hongola naye tigoni ga Sinari, gumogo ni gipandre nya sombo sa Nyumbani ga Nungungulu, a si yisa nyumbani ga nungungulu waye, aya si vega nyumbani nya thomba ya nungungulu waye.

Dhaniyeli 2:1

Khu mwaga nya wuvili nya gufume ga Nabhukodhonosori, uye a di lora dzindroro, a hambanega khidzo mapimo a si mani ligovbe.