Jeremiya 24:7 - Bhibhiliya Nya Guage

⁷ Nyi na va ninga monyo nya gu nyiti gukhavo eni kheni Pfhumu Nungungulu; avo va na khala vathu vangu, eni nyi na khala Nungungulu wawe; kholu va na wuya avbo gwangu khu monyo wawe watshavbo.

Jeremiya 24:7 Iomraidhean Croise

2 Dzikoronika 6:38

va gu vbindrugedza va wuya avbo gwago khu monyo wawe ni hefemulo wawe watshavbo, na vari khu tigoni momo nya wugumbi wawe, va gu lombelela na va khedzide phuvbo ga litigo leli U ningidego vababe vawe, ni lidhoropa leli U li hathidego ni phuvbo ga nyumba yeyi, nyi yi vbahidego yi lumba lina lago.

Dzindzimo 119:2

Va kategide avo va girago guhaladza gwaye, avo va mu vbwetago khu monyo wawe watshavbo.

Isaya 51:16

Nyi ngu thela magana yangu kanani gwago, nyi na gu siha mutsani nya gyandza gyangu. Eni nyi na ladza ndzadzini nya guphya, ni gu tsitsa giseketelo nya litigo nya liphya, ni gu embela Siyoni, kheni: “Enu mu vathu vangu.”

Jeremiya 11:4

nyi ningidego vababe vanu gikhati nyi va dusidego khu tigoni ga Egipito, gidhingiseloni nya dzisimbi, nyi nga va embela, kheni: Yingisani lito langu ni gu gira satshavbo nyi mi rumago; khu guralo, enu mu na bani muri vathu vangu, eni neni nyi na khala nyiri Nungungulu wanu;

Jeremiya 29:10

Pfhumu Nungungulu a ngu ganela kharati, khuye: Avbo gu na tadzisegago myaga nya livbandre na mavili magumi, na mu fumedwe khu Vabhabhiloni, Eni nyi nata mi holelani gasi nyita gira gidzumeledzwano nyi giridego nanu, ni gu mi wuyisa nyaluphye wulanga wowu.

Jeremiya 3:10

Ndriyaye Judha, nyamba tumbega, kha dzi kodza gu wuya gwangu khu monyo waye watshavbo, aholu a di nyi kanganyisa, a ngu ganela Pfhumu Nungungulu.

Jeremiya 30:22

Enu mu na bani muri vathu vangu, ni Eni nyi na bani nyiri Nungungulu wanu.”

Jeremiya 7:23

Aholu, nyi di va laya, kheni: Dembani ndzeve mu yingisa lito langu, eni nyi na khala Nungungulu wanu, enu mu khala vathu vangu; gimbilani khu ndzila nyi na gu mi nonedzago, gasi si mu dugela gwadi.

Ezekiyeli 11:17

Khu guralo, va embele, khuwe: Mune, Pfhumu Nungungulu a ngu ganela kharati, khuye: Eni nyi na mi tombanisa vbakari nya mayigo, nyi mi wuyisa khu mayigoni mu phalalegidego umo, nyi mi ninga litigo la Israyeli.

Ezekiyeli 14:11

gasi va na Israyeli va si hambani gambe ni Eni, ambari gu dzi nyenyezisa khu sighoho sawe, avo va na khala vathu vangu, ni Eni neni nyi na khala Nungungulu wawe; a ngu ganela Mune Pfhumu Nungungulu.

Ezekiyeli 16:62

Khu guralo nyi na hunga nago gidzumeledzwano, khavbo u na dzitigo gukhuwe Eni kheni Pfhumu Nungungulu.

Ezekiyeli 37:23

Gima kha va na dzi nyenyezisa gambe khu sifananiso sawe, ambari khu guvivba gwawe, mwendro khu gevbini gimbe nya guhambanise gwawe nya nayo; nyi na va vbulugisa guyeyisani gwawe gu nga va gurumedza gughoha, eni nyi va agisa. Khu guralo, avo va na khala vathu vangu, Eni nyi na khala Nungungulu wawe.

Ezekiyeli 37:27

Nyumba yangu nya miphaso, yi na bani yiri navo; eni nyi na khala Nungungulu wawe, avo va na khala vathu vangu.

Ezekiyeli 39:22

Khu litshigu lolo, ni mambe ma nga gutago, va na Israyeli va na dziti gukhavo Eni kheni Pfhumu Nungungulu wawe.

Hoseya 2:22

Mafu ma na ganela ni tirigu, vhinya ni mafura, iso niso si na ninga phindrulo Jezireyeli.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Zakariya 8:8

nyi na va resa, va ta khala vbakari ga Jerusalema; va na bani vari vathu vangu, Eni neni nyi na bani nyiri Nungungulu wawe khu lisine ni gululama.”

Varoma 6:17

Khu guralo, a na bongwe Nungungulu! Kholu enu gale mu nga bani muri dzikhumbi nya gighoho, olu mu ngu landrisa khu myonyo yanu yatshavbo ndzila nya sihevbudzo mu hakhidego.

Vahebheru 11:16

Aholu, avo va di vbweta litigo nya ladi ngudzu, litigo la ndzadzini. Nungungulu kha khali dzitshoni gu ranwa pwani Nungungulu wawe, kholu khuye a va dongisedego lidhoropa.

Vahebheru 8:10

Egi khu gidzumeledzwano nyi na girago ni vathu va na Israyeli, hwane nya matshigu yale, a ngu ganela Pfhumu, khuye: Nyi na thela milayo yangu mapimoni gwawe, nyi yi lova myonyoni gwawe. Eni nyi na khala Nungungulu wawe, avo va na khala vathu vangu.

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”