Jeremiya 22:21 - Bhibhiliya Nya Guage

²¹ Nyi ganede nago na si nga gu gu gimbilela gwadi, aholu u di ganela, khuwe: “Kha nyi na nga yingisa.” Gukhugela wudzhahani gwago, mapimo yago ma di khala kharati; gima kha wa nga yingisa lito langu.

Jeremiya 22:21 Iomraidhean Croise

2 Dzikoronika 33:10

Pfhumu Nungungulu a di ganela ni Manasi gumogo ni vathu vaye, aholu avo gima kha va nga mu yingisa.

Dzindzimo 129:1

Va nyi tshaniside ngudzu gukhugela wanana wangu, a na ganela olu Israyeli;

Mavingu 30:9

Gasi gu si giregi gu, nya gu khura ngudzu nyi tshuka nyi gu danga, kheni: “Khu mani Uye Pfhumu Nungungulu wakone?” Kholu nya gu khala gisiwana, nyi phela guba; nyi na nyenyezisa kharati lina la Nungungulu.

Isaya 48:8

Gima u di si gu sipwi, ambari gu si pima, gukhugela gale dzindzeve dzago dzi di bani dzi si gu tulegi; kholu nyi di gu si pima gukheni kha wa tumbega ngudzu, gukhugela rumbuni ga mayi wago, wa gu tidwa pwani u gindragamilayo.

Jeremiya 13:10

Vathu vava nya guvivbedwe khu monyo, va si dzumeligo gu yingisa magana yangu, va gimbilago khu dzindzila dzi godwago khu myonyo yawe, ni gu landrisela vanungungulu nya valombo, va va khozela ni gu va thumela, va noga mbeli gwawe, va na fanana ni libhandri leli li si phasigo gilo.

Jeremiya 19:15

“Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wonani nya gukhenu nyi na resa libango dhoropani momu; ni sidhoropanani gwatshavbo ga Jerusalema ni mambe ya vbafuvbyana nyi mi tivisidego, kholu vathu va tigoni momu va bangiside mihungo yawe va si dzumeli gu yingisa magana yangu.”

Jeremiya 2:25

Thela kota khu ngondro wago gasi wu si tshulegedwi khu gilato, ni ngolo wago wu si bangi khu lidora. Aholu, uwe wari, khuwe: “Kha gu phasi gilo; kholu nyi manide vambe vanungungulu nya valombo, khavo nyi yelago gu va landra.”

Jeremiya 2:31

Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 25:3

Gukhugela khu mwaga nya likhumi na wuraru nya gufume ga Josiya, mwamana wa Amoni, mufumeli wa Judha, kala muhuno a gu magumavili na miraru myaga, Pfhumu Nungungulu a gu nyi rumela magana, eni nyi pinyama gu mi tivisa gikhati gi nga gu dzumela, aholu enu kha mwa nyi yingisa.

Jeremiya 25:4

Dzinyondro nya dzingi Pfhumu Nungungulu a mi rumedeni sithumi saye nya vaprofeti, aholu enu kha mwa va yingisani ambari gu neredza ndzeve gasi gu vapwa,

Jeremiya 25:7

“Enu kha mwa nyi yingisani, a ngu ganela Pfhumu Nungungulu, aholu mu di nyi wusela likhulo khu mithumo ya mandza yanu, gasi mu dzi wuselani libango.”

Jeremiya 25:8

Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Kha nga olu mu ngamba yingisani magana yangu,

Jeremiya 3:24

Gukhugela wananani gwathu, vanungungulu nya malipha va vbedzide gyuma gya vavelegi vathu, gukhugela dzinvuta ni mitshambi yawe gumogo ni sanana sawe nya sikhwathana ni esi nya sagadzyana.

Jeremiya 3:25

Dzitshoni dzi na khale lidawu lathu, hi fenengedzwa khu milandru yathu, ethu gumogo ni vababe vathu; kholu gukhugela wudzahani wathu kala na muhuno, ethu gumogo ni vababe vathu hi ghohede Pfhumu, Nungungulu wathu, gambe kha ha yingisa lito la Pfhumu Nungungulu wathu.

Jeremiya 32:30

Kholu va na Israyeli ni va na Judha, gukhugela wudzahani gwawe kha va kodza gu nyi girela silo nya sadi, aholu va di gira basi guvivba mbeli gwangu; va di nyi gorosa basi khu mithumo nya guvivbe nya gugirwe khu mandza yawe, a ngu ganela Pfhumu Nungungulu.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 48:11

Mowabhi gukhugela wudzahani gwaye a di vbanya gurulani, khade nga wadwa nya dziuvha wu vegwago ni gisese gyaye nyamba hutwa, gima wa sa thedwa ga gimbe gyombo, ambari gu yiswa wugumbini; khu guralo, gutshamba gwaye gu di simama, ni gunungela gwaye kha gwa vbindrugedza.

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Ezekiyeli 20:13

Aholu va na Israyeli va nyi kanyiside giwulani, va si landrisi sileletelo sangu, va hambana ni milayo yangu, gasi khu gu yi landrisa, va di hadza guvbanyiswa khiyo; gambe, va nyenyeziside dzisabhadho dzangu; khu guralo, nyi va embede gukheni nyi na guhula likhulo langu vbatshani gwawe, gasi nyi va mbembisa giwulani.

Ezekiyeli 20:21

Aholu sanana niso si di nyi wugela, si si landrisi sileletelo sangu, ambari gu sayisa milayo yangu, iyo va nga vbweta gu vbanyiswa khiyo, avo va nyenyeziside dzisabhadho dzangu; khu kotani nya isoso nyi nga ganela kheni nyi na guhula likhulo langu vbatshani gwawe giwulani, nyi wusa khorodza yangu.

Ezekiyeli 20:28

Kholu avbo nyi nga va resago ga litigo nyi va tumbiside gu va ninga, gikhati va nga wona vbale gigomo nya gulaphe, mwendro simbo nya khongolo, va di ya gira avbo miphaso yawe, va di gira miningelo yi nga bani yi wusa likhulo langu, va di gu bikela libani ni miningelo yawe nya mawadwa.

Ezekiyeli 20:8

Aholu avo va di nyi kanyisa, va si dzumeli gu nyi yingisa; mwalo a nga dzumela gu diga sifananiso nya gunyenyeze sa Egipito; khu guralo, eni nyi di va embela kheni nyi na guhula vbatshani gwawe likhulo langu, gasi gu landrisa khorodza yangu gwawe tigoni ga Egipito.

Sofoniya 3:2

Kha li yingisi lito, ambari gu yingisa gululekwa. Kha li vegi gitumbo ga Pfhumu Nungungulu, ambari gu hidzimela ga Nungungulu waye.

Zakariya 7:7

Kha mwa ma pwani magana ya Pfhumu Nungungulu a nga ma tivisago khu magana ya vaprofeti va gale, matshiguni yale Jerusalema gu nga bani gu vbanya vathu khu gurula gumogo ni madhoropa yaye ma mu randredego, gikhati sipandre nya mayigo ya Negebhi ni Sefela ma nga bani ma tade khu vathu, gani?”

Dhewuteronome 31:27

Kholu nyi ngu guti guyeyisa gwanu ni gu banga nya mihungo yanu; ambari nya gukhuwe nyi di bani nyi nga gu vbanya vbakari gwanu, enu mu kanyiside Pfhumu Nungungulu, ahati olu hwane nya gu bani nyi fude?

Dhewuteronome 9:24

Enu mu va gu kanyisa Pfhumu Nungungulu, gukhugela litshigu nyi phedego gu mitini.

Dhewuteronome 9:7

Alakanyani, gambe mu nga divalini gukhenu mu goroside Pfhumu Nungungulu wanu, giwulani; gukhugela litshigu mu dugidego khu tigoni ga Egipito kala mu vboha ga wulanga wowu, mu di wugela Pfhumu Nungungulu;