Jeremiya 21:9 - Bhibhiliya Nya Guage

⁹ Avo va na tshalago dhoropani momu, va na songwa khu matshari, ndzala mwendro tungu; aholu avo va na guya dzi ningelago ga Vakalidhiya, va mi randredego, va na vbanyisa womi wawe.

Jeremiya 21:9 Iomraidhean Croise

Jeremiya 14:12

“Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 24:10

Nyi na va wusela dzinyimbi, ndzala ni mitungu, kala va vbela vatshavbo havo bhi, gasi gu si tshali ni moyo ga litigo nyi nga ningago avo ni vababe vawe.

Jeremiya 27:11

“Aholu litigo li na gu dzumelago gu khoza ga mufumeli wa Bhabhiloni ni gu mu thumela, nyi na li diga li khala tigoni gwawe, a ngu ganela Pfhumu Nungungulu, li na dzi limela ni gu dzi vbahela dzindranga.”

Jeremiya 27:12

Mahungu yaya ma gu fanana nayo nya guhegule nyi ganedego ni Zedhekiya, mufumeli wa Judha, nyi nga mu embela, kheni: “Dzumelani gu hungwa kanga khu mufumeli wa Bhabhiloni, mu mu thumelani uye gumogo ni vathu vaye, gasi mu kodze guvbanya.

Jeremiya 27:13

Khu ginani u na gufago uwe gumogo ni vathu vago, khu nyimbi, ndzala ni mitungu, nga idzo a ganedego khidzo Pfhumu Nungungulu khu mahungu nya litigo li na gumba thumela mufumeli wa Bhabhiloni?

Jeremiya 38:2

Pfhumu Nungungulu a ngu ganela kharati, khuye: “Wule a na gu simamago gu khala dhoropani momu, a nafa khu gu songwa khu matshari, ndzala ni tungu; aholu uye a na gu dugago a dzi ningela ga Vakalidhiya, a na vbanya; kholu a na vbulugisa womi waye.

Jeremiya 38:3

Pfhumu Nungungulu a ngu ganela kharati, khuye: Lidhoropa leli khu lisine kamwe li na ningedwa mandzani nya mabutho ya mufumeli wa Bhabhiloni, va li sasela.”

Jeremiya 39:18

Kholu Eni khu lisine nyi na gu vhikela; khu na songwa khu litshari, aholu u na vbanyisa womi wago, kholu u tumbide Eni,” a ngu ganela Pfhumu Nungungulu.

Jeremiya 45:5

Ina uwe wa gu dogorela gu mana silo nya sikhongolo, gani? Diga gu dogorela gogo, kholu eni Pfhumu Nungungulu, nyi na resa dzitshanisa ga vathu vatshavbo; gasi uwe, nyi na gu vbanyisa malangani yatshavbo u na gu gimbilelago umo. A ngu ganela Pfhumu Nungungulu.”

Ezekiyeli 5:12

Gipandre nya wuraru nya vathu vago gi nafa khu mitungu mwendro ndzala vbakari gwago; gipandre nya wuraru va na songwa khu matshari vbavbandze nya lidhoropa, ni gipandre nya wuraru nyi na va phalalegisa khu maphuvbo yatshavbo ni gu va lundra na nyiri ni litshari mandzani.