Jeremiya 2:6 - Bhibhiliya Nya Guage

⁶ Nyamba wudzisa, gukhavo: “Womo hayi Pfhumu Nungungulu a hi dusidego khu tigoni ga Egipito, uye a nga hi gimbidzisago giwulani, litigo nya gihala, nya gutale khu mavbala ni gidema nya guthise ni dzimhango; litigo nyamba gimbidwa ni gu khadwa khu muthu?”

Jeremiya 2:6 Iomraidhean Croise

2 Dzipfhumu 2:14

A dzega libhadzi la Eliya li nga mu thegelago, a veta khilo mati, a ganela, khuye: “U womo hayi Uwe Pfhumu Nungungulu wa Eliya?” Khavbo avbo, a di veta mati ma kabanega khu vbakari ma manega eno ni eno; Elizewu a vbindra khu vbakari.

Joba 3:5

Li na fenengedzwe khu gidema, li tshiredzwa khu lipfhi nya gufe. Vathu va thedwa hwanga khu pfhuphelo waye!

Joba 35:10

Aholu mwalo a ganelago, khuye: Womo hayi Nungungulu mugiri wangu, oyu a ningago dzindzimo nya wuzundzo vbawutshigutunu,

Dzindzimo 23:4

Ambari nyi gimbila kovani nya gidema nya lufu, kha nyi na thava gilo, kholu u womo vbafuvbi gwangu; ndronga ni tshetengelo wago yi ngu nyi tiyisa.

Dzindzimo 77:5

Nya gu alakanya matshigu ma vbindridego, nya gu dundruga myaga yi vbindridego gale.

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Isaya 64:7

Olu mwalo ni muthu moyo a lombelelago khu lina lago, gambe mwalo ni moyo a hidzimelago vbafuvbi gwago; kholu u ngu hi sihela khovbe yago, u ngu hi mbembisa khu kotani nya guvivbe gwathu.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 2:8

Vaphasi nya mhamba kha va wudzisa gilo, khavo: Womo hayi Pfhumu Nungungulu? Vahevbudzi nya nayo kha va khathala khu eni, vathangeli va di nyi wugela, vaprofeti va di profeta khu lina la Bhahali, va landrisela vanungungulu nyamba phasa gilo.

Jeremiya 5:12

Va di ganedza Pfhumu Nungungulu, khavo: “Gima kha hi na dugeledwa khu libango; gima kha hi na sasedwa khu matshari, ambari gufa khu ndzala.

Jeremiya 5:2

Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Jeremiya 51:43

Madhoropa yaye ma vbindrugedzide ma khala marumbi, ma khala marumbi ni gihala, giwula nyamba khadwa khu muthu umo ni muthu moyo a si vbindrigo khumo.

Hoseya 12:13

Aholu Pfhumu Nungungulu a di rumela muprofeti, guya dusa Israyeli khu tigoni ga Egipito. Vathu va di gimbidziswa khu muprofeti.

Hoseya 13:4

Ambari ulo, eni kheni Pfhumu Nungungulu wago, gukhugela tigoni ga Egipito. Khu guralo, khu na ngati mumbe nungungulu, vbavbandze gwangu, kholu mwalo mumbe mutshudzisi, vbavbandze gwangu.

Amosi 2:10

Eni kamwe nyi mi duside khu tigoni ga Egipito, nyi mi gimbidzisa giwulani gipimo nya magumana myaga, gasi guya mi ningani litigo la Vaamori.

Matewu 4:16

Vathu va nga bani va gu vbanyela mugidemani, va wonide wenengedzo nya wukhongolo ni avo va nga bani va gu vbanyela mugusivbalani nya lufu, va tumbulugedwe khu wenengedzo.”

Dhewuteronome 1:19

Khavbo avbo, hi di khuga khu Horebhi hi gimbila khu giwula gile nya gikhongolo nya guthise mu gi wonidego, khu ndzila nya sigomo sa Vaamori kha nga idzo Pfhumu Nungungulu wathu, a hi leletedego khidzo; kala hi vboha Kadhesi-Bharineya.

Dhewuteronome 32:10

A mu rode ga litigo nya giwula, wulanga nya pfilupfilu, nya dzihuwa ni guthisa; A mu vhikede a mu wundza, a mu sayiside gukhwatshi ndzololo nya liso laye.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

Valamuli 6:13

Aholu Gidhiyoni a di phindrula, khuye: “Nyi pwele wuhindzi uwe mune wangu, nari gukhwatshi Pfhumu Nungungulu a na ni ethu, khu ginani hi dugeledwago khu satshavbo sesi? Somo hayi siliwugiso saye satshavbo esi vababe vathu va hi embeledzelago, khavo: Pfhumu Nungungulu a hi duside tigoni ga Egipito? Khu guralo, olu Pfhumu Nungungulu a hi digide, bwelo khavbo, a hi ningela mandzani ga Vamedhiyani.”