Jeremiya 2:21 - Bhibhiliya Nya Guage

²¹ Eni kamwe nyi gu hathide kha nga simbo nya wadi nya vhinya nyi gu yala kha nga mbewu nya wuzundzo; khu ginani olu u nga dzi vbindrugedza u khala simbo nya limbe lifumbu nyamba phasa gilo?

Jeremiya 2:21 Iomraidhean Croise

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

Genesi 32:28

Khavbo avbo, a di mu embela, khuye: “Khu na ranwa gambe Jakobe; aholu u na ranwa gupwani khuwe Israyeli; kholu u dwanide ni Nungungulu ni vathu, u pade.”

Dzindzimo 105:6

enu situgulwana sa Abrahama, githumi gyaye, ni enu sanana sa Jakobe, gihathwa gaye.

Dzindzimo 44:2

Uwe khu mandza yago u tutumiside mayigo u fela gu emisa vababe vathu; u tshaniside mahundzu, gasi gu dandrisa vababe vathu.

Dzindzimo 80:8

U wuyiside litshina nya wuvha khu tigoni ga Egipito, u tutumisa va nya mayigo u li yala tigoni gwawe.

Dzindzimo 80:9

U dongisede wulime gasi gu li yala umo, mikhamba yaye yi tsitside vbavbatshi nya mafu, li navide li enedza litigo latshavbo.

Ekisodha 15:17

Uwe u na va bedza tigoni, u ya va vega mugigomoni gi gu lumbago; wulanga u va dongisedego gu ya va vbanyisa avbo, Uwe Pfhumu Nungungulu, wulanga nya miphaso wu giridwego khu mandza yago, Uwe Pfhumu Nungungulu.

Isaya 1:21

Wonani lidhoropa leli nya gutumbege, li vbindrugedzidego li khala libhemba! Umo gu nga bani na gu tade khu gululama, olu, gu tade khu sighevenga!

Isaya 27:2

Khu litshigu lolo, gu na bani na guri ni lithembwe li tadego khu mihandro, va na embelela ga ilo, khavo:

Isaya 41:8

Aholu, uwe Israyeli, githumi gyangu, ni uwe Jakobe, nyi gu hathidego, livelego la pari yangu Abrahama,

Isaya 5:4

Hwane nya gu bani nyi giride satshavbo sesi, ginani gambe nyi nga yela gu gira ga lithembwe langu, nyi ngamba gi gira? Eni nyi di gu lirela gu hakha dziuvha nya dzadi, khu ginani olu ilo li nga velega idzo nya guvave, na?

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Jeremiya 11:16

Pfhumu Nungungulu a gu riyide lina nya gukhuye khuwe Olivha nya gunyuge, nya gumbure khu kotani nya mihandro yaye nya gutsakise; aholu, olu khu kotani nya ligwaha nya likhongolo, a na khondrisa nilo khu dzibambe gwaye, wu vbisa matamo yaye.

Jeremiya 11:17

Kholu Pfhumu Nungungulu nya Tshivba Yatshavbo, Uye a gu yadego a tiviside gu gu resela mhango khu kotani nya sighoho si giridwego khu ndranga ya Israyeli ni ya Judha, kholu mu nyi wusede likhulo khu gu vbisela libani Bhahali.

Jeremiya 5:10

Litani mabhiyo yaye mu ma khungumula, aholu, mu nga ma pfhungumuleli muphelo; duselani matamo yaye, kholu ayo kha ma lumbi Pfhumu Nungungulu.

Gililo 4:1

Gasi yi pfhurede kharini ndralama! Ndralama yi hutidwego yi pfhurede kharini! Siwindri sa wulangani nya miphaso si mbambamede umo nya mahandzakanya yatshavbo nya dzindzila! Bet

Ezekiyeli 15:2

“Mwamana wa muthu, khu ginani simbo nya uvha wu gu ni lisima guvbindra mimbe misimbo ya khabini?

Matewu 21:33

“Yingisani gimbe gipimaniso: Babe moyo nya ndranga a di lima lithembwe, a yala miuvha, a gu bhiya, a gira gitshindro nya dziuvha ni gikoli nya gughadhe khavbo. Na vbedzide, a di li tshiyedza valimi a gu endra a hongola hwindzo.

Marko 12:1

Khu hwane, Jesu a di phela gu ganela vbakari gwawe khu sipimaniso, khuye: “Muthu nya gukari a di yala lithembwe nya miuvha, a li bhiya, a gira gikhwathi, a vbaha gitezi, na vbedzide, a di tshiyedza valimi, a endra a gu hongola hwindzo.

Luka 20:9

Khavbo avbo, Jesu a di phela gu ganela vbakari nya vathu, a gu va ninga gipimaniso gegi, khuye: “Muthu nya gukari a di lima lithembwe nya miuvha, a li tshiyedza valimi, a gu endra nya guya vbedza matshigu nya gulaphe, vbavbandze nya mayigo.

Johane 15:1

Jesu a di khuye: “Eni nyi litshina nya lisine nya miuvha, Babe wangu khu mulimi wakone.

Dhewuteronome 32:32

Kholu lithembwe lawe nya miuvha la gu dugela tigoni ga Sodhoma, ni mahangeni ga Ghomora; dziuvha dzawe khya wuhungu, sitsatsa sakone khya guvava;

Dhewuteronome 4:37

Khu guralo, khu kotani nya lihaladzo ga vababe vago, hathide uwe livelego lawe, a gu dusa khu tigoni ga Egipito, uye mune wurumba khu tshivba yaye nya yikhongolo,

Josuwa 24:31

Israyeli a di khozela Pfhumu Nungungulu gikhatini gwatshavbo nya guvbanye ga Josuwa, ni gikhati gya madhota ma vbanyidego hwane nya gufe ga Josuwa; avo va nga bani va yiti mithumo yatshavbo Pfhumu Nungungulu a yi giridego ga va na Israyeli