Jeremiya 2:13 - Bhibhiliya Nya Guage

¹³ Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:13 Iomraidhean Croise

2 Dzipfhumu 22:17

Kholu va nyi pfhurarede, va vbisela libani vambe vanungungulu, va nyi gorosa khu mithumo yatshavbo nya mandza yawe, khu guralo, likhulo langu, li di vila khu wulanga wowu, gima kha li na tshimega.

Dzindzimo 36:9

Kholu gibuga nya womi gyomo gwago; khu wenengedzo wago, hi ngu wona guwonegela.

Muhevbudzi 1:14

Nyi wonide gukheni satshavbo si girwago mafuni khu vathu, satshavbo gu dzi pfhadza, ni gu tutuma hwane nya phuvbo yi vbindrago.

Muhevbudzi 1:2

Gu dzi pfhadza nya gu dzi pfhadze, a ngu ganela kharalo Muhevbudzi, gu dzi pfhadza nya gu dzi pfhadze! Satshavbo gu dzi pfhadza.

Muhevbudzi 12:8

Gu dzi pfhadza, nya gu dzi pfhadze, a di ganela kharato Muhevbudzi, khuye: Satshavbo gu dzi pfhadza.

Muhevbudzi 2:11

Nyi di khedzisa gwadi mithumo yangu yatshavbo nyi giridego khu mandza yangu, ni idzo nyi dzi garadzidego khidzo; nyi di wona gukheni gu diri gu dzi pfhadza ni gu tutuma hwane nya phuvbo vbindrago, gi mwalo nyi phasegidego khigyo mafuni momu.

Muhevbudzi 2:21

Kholu muthu a dzi garadzago khu gu thuma khu wugengeli ni guti, a guta wona handro nya thumo waye na wu tshiyedwa uye a ngamba dzi garadza khu gu thuma; satshavbo sesi gu dzi pfhadza, kha si phasi gilo.

Muhevbudzi 2:26

Wule a Mu golago, Nungungulu a ngu mu ninga wugengeli, guti ni gunengela; aholu, gighohi, a gu gi rwega thumo nya guwungedzele silo, gasi khu hwane a si tshiya ni wule Nungungulu a na golago gu mu ninga. Esi gambe nyi si wone gukheni gu dzi pfhadza, ni gututuma hwane nya phuvbo yi vbindrago.

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Isaya 1:3

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Isaya 1:4

Libango ga litigo leli nya gutale khu sighoho, vathu va rwadego sighoho, lifumbu nya mithumo nya guvivbe, sanana nya sidambane; va pfhurarede Pfhumu Nungungulu, va hembulula nya Guage wa Israyeli, va bwelelela hwane.

Isaya 12:3

Enu, na mu tade khu gutsaka, mu na ya rega mati sifefeni nya guvbanyise.

Isaya 5:13

Khu guralo, vathu vangu va na vbagedwa va yiswa wugumbitunu, khu gumbana mapimo. Vathu vawe nya guthavisege va nafa khu ndzala, ni gidzemo gyawe gi na dagarela khu lidora.

Isaya 55:2

Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Isaya 63:8

Kholu Pfhumu a di ganela, khuye: “Khu lisine, avo vathu vangu, sanana sangu si na gumba nyi kanganyisa. Khu guralo, uye khade Muvbanyisi wawe.”

Jeremiya 1:16

Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 14:3

Vathu vawe nya guthavisege va gu ruma sithumi sawe guya rega mati, aholu avo kha va ma mani kholu milamboni gu bangide; va bwelela ni dzikhali nya maphanga, va poyilega khu dzitshoni, va fenengedza mihungo.

Jeremiya 15:6

Pfhumu Nungungulu a ngu ganela, khuye: Mu nyi digide mu nyi pfhurarela. Khu guralo, nyi na thawuludza gyandza gyangu vbatshani gwago, nyi gu mbembisa; nyi garade khu gu gu divalela.

Jeremiya 17:13

Uwe Pfhumu Nungungulu u gitumbo gya Israyeli! Vatshavbo va gu digago va na thedwa dzitshoni; malina ya avo va hambanago ni uwe ma na lowa phalani nya vafi; kholu va hambanide ni Pfhumu Nungungulu, a gu nambo nya mati nya womi.

Jeremiya 18:14

Ina musiwindrini ga Libhanoni gu ngu khala nyambana thondrwane, gani? Mwendro mitsongo ya sigomoni yi gogago mati nya gudzidzile nya gute khu hwindzo, ina yi ngu vbwa, gani?

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 2:11

Ina lomo litigo li nga vbindrugedzago vanungungulu vawe, gani? Ambari vanungungulu vawe a gu siri vanungungulu nya lisine, gani? Aholu vathu vangu va digide wudhumo wawe, va khozela vanungungulu va si phasigo gilo.

Jeremiya 2:17

Ina satshavbo sesi, khandri si di gu dugelela kholu u nga hambana ni Pfhumu Nungungulu wago, a nga bani a gu gimbidzisa khu ndzila, gani?

Jeremiya 2:26

Kha nga mbafa ya gu manwa, yi khalago dzitshoni, gu na gira nugo kharato ga linyumba la Israyeli; avo gumogo ni vafumeli vawe, vathangeli, vaphasi nya mhamba ni vaprofeti vawe.

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 5:26

Kholu vbakari nya vathu vangu gu tade khu vathu nya guvivbedwe khu myonyo, va riyago milaphwi, kha nga wule a sotago sinyoni, va gu thawuludza dzikhoga va mola vathu.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Ezekiyeli 14:5

Esi nyi na si gira gasi gu wuyisela myonyo ya va na Israyeli, kholu vatshavbo va hambanide ni Eni, va landrisela sifananiso sawe.

Ezekiyeli 47:1

Khu hwane nya esi, mwama a di nyi dzega a nyi bweledza vbamwanyatunu nya Nyumba ya Nungungulu, nyi di wona mati ma nga bani ma gu goga khu vbavbatshi nya nvunvuri nya Nyumba ya Nungungulu, ma hongola phuvbo ga Khugadambo; kholu mwanya nya Nyumba ya Nungungulu, wu di khedzide Khugadambo, mati ma di guta khu vbavbatshi, khu phuvbo ga nyamudye nya Nyumba ya Nungungulu, khu phuvbo ga Marandzi nya giluvelo.

Mikeya 2:8

Aholu, khu gikhati nya gidugwane, enu mu vbindrugedzide mu wugela vathu vangu gukhwatshi valala vanu. Mu wandrela gifenengelo vale va dzi vbindrelago khu gurula va si khathaligo khu gu dwana nyimbi.

Mikeya 6:3

Enu vathu vangu, ginani nyi mi giredego? Nyi di mi lemedza ngudzu, gani? Nyi phindruleni.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Johane 4:10

Jesu a di mu hakha, khuye: “Nari pwani u ngu wuti wuhigo wa Nungungulu ni oyu a gukhuye: ‘Nyivbe mati nyi sele’, uwe khuwe u nga vbweta gu mu lomba, uye na gu ninga mati nya guvbanye.”

Johane 4:11

Nyamayi a di khuye: “Pfhumu, u mwalo purumwa, nari gu nambo khongolo; ayo mati uma thulago nya guvbanye wa gu ma mana hayi?

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Johane 7:37

Khu litshigu nya guhegise, a gu litshigu likhongolo nya buzo, Jesu, na emide, a di khusa lito, khuye: “Uye a gu ni lidora a nate gwangu ata sela!

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

2 Pedro 2:17

Vathu vovo, va khade nga milambo nyambana mati, nga mapfhi ma pengiswago khu phuvbo; Nungungulu a va hathede wulanga nya gidema nya guthise ngudzu kala gupindruga.

Gutuledwa 21:6

A di nyi embela gambe, khuye: “Satshavbo si giregide! Eni kheni Guphela ni Mahegiso (Alfa ni Omega). Oyu a gu ni lidora nyi na mu ninga a sela mahala mati nya gifefe nya guvbanye.

Gutuledwa 22:1

Khavbo avbo, ngilozi yi di nyi yeyedza tsongo nya mati nya womi, nya gukhedzige nga libona nya kristali, na ma gu duga khu vbagikhalotunu nya wufumu wa Nungungulu ni wa Nvutana.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.

Valamuli 10:13

Aholu enu mu di nyi digani, mu ya khozela vambe vanungungulu; khu guralo, kha nyi na mi tshudzisani gambe.

1 Samuweli 12:10

Va di lila ga Pfhumu Nungungulu, khavo: “Hi ghohide, kholu hi nga diga Nungungulu hi ya khozela vanungungulu nya Vabhahali ni sifananiso sa Asitaroti (nungungulu nya nyamayi), gasi olu, hi vbulugise mandzani ga valala vathu, hi na ta gu khozela.”