Jeremiya 16:6 - Bhibhiliya Nya Guage

⁶ Vakhongolo ni sanana va nafa tigoni momu nyamba dzingwa khu muthu; kha va na lidwa ambari gu dzi hatshela ni gu vbalula ndzudzu mihungoni gwawe.

Jeremiya 16:6 Iomraidhean Croise

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Isaya 24:2

Esi si na dugelelago ga vathu, si na dugelela gambe ga muphasi nya mhamba; ga githumi nya mwama, kha nga ga mune waye; ga githumi nya nyamayi, kha nga ga mune waye; ga murengi, kha nga ga murengisi; ga uye a lombisago, kha nga ga mulombi; ga mufiyarisi, kha nga ga uye a fiyarigo.

Jeremiya 13:13

Aholu uwe u na va embela, khuwe: Pfhumu Nungungulu a ngu ganela kharati, khuye: Wona nya gukhuwe vatshavbo vavbanyi va tigoni momu, vafumeli va khalago gikhaloni nya wufumu wa Dhavhidhe, vaphasi nya mhamba, vaprofeti ni vatshavbo vavbanyi va Jerusalema, nyi na va levisa khu wadwa.

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 41:5

gu dzude khu madhoropani ya Sikemi, Silo ni Samariya, livbandre na mararu magumi vama na va vidwe siledzo, na va pferulede dzingandzu dzawe ni gu dzi hendrelela sivili sawe, va resa Nyumbani ga Pfhumu Nungungulu, miningelo nya dzimbewu ni libani.

Jeremiya 47:5

Vavbanyi va dhoropani ga Gaza va gayide ndzudzu, Asikalomi mwalo lito, mbembide gumogo ni mitshaledwa ya kovani gwaye. Kala lini nu ngu dzi hendrelela givili gyago?

Jeremiya 48:37

Kholu mihungoni gwawe gu na vbaludwa ni siledzo sawe si na vidwa; va na thedwa dzimbanga mandzani gwawe, siwununi gwawe gu fenengedzidwe khu silendra.

Jeremiya 7:29

Vbalulani ndzudzu wa hungoni gwanu mu dzudzuga hwindzo; wombani huwa ni gu lila musigomoni nya gulaphe, kholu Pfhumu Nungungulu hambanide ni gitugulwana gegi gi wusidego likhulo laye, a gi diga.

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Levhi 19:27

Mu nga vili tshiba mahegiso nya hungo wanu, mwendro guvila giledzu sihayani.

Levhi 19:28

Mu nga hatshedwi milini gwanu khu kotani nya vafi, mwendro gu hatshedwa dzindrova milini gwanu. Eni kheni Pfhumu Nungungulu.

Amosi 6:11

Kholu wona nya gukhuwe Pfhumu Nungungulu, a ngu rumela gukhuye nyumba nya yikhongolo yi na pfhungumudwe yi khala marumbi nyumba nya yidugwana yi pandreledwa yi khala malufa.

Matewu 9:23

Jesu, na vbohide ndrangani ga muthangeli nya nyumba nya nombelo, a diya mana va nya gu womba sitoliyo ni vathu va nga bani va wombedzelana dzihuwa nya gililo, a va embela, khuye:

Dhewuteronome 14:1

Enu mu sanana sa Pfhumu Nungungulu wanu. Khu guralo, mu nga hatshedwi dzindrova milini gwanu, ambari guvbaludwa ndzudzu hungoni gwanu khu kotani nya gufe muthu nya gukari.

Gutuledwa 20:12

Nyi di wona va nya gufa, vakhongolo ni sanana, va na emide mbeli nya gikhalo nya wufumu. Ma di tudwa mabhuku. Li tudwa gambe libhuku nya womi. Vafi va di lamudwa nga idzo gu nga bani gu lovidwe khidzo mabhukuni, gupima khu mithumo yawe.

Gutuledwa 6:15

Vafumeli nya mayigo, ni vathangeli nya dzinyimbi, sitetema, va nya tshivba, vatshavbo, dzikhumbi ni va nya gutshulega, va di sihala mudziphagoni nya siwindri sa musigomoni;