Jeremiya 16:5 - Bhibhiliya Nya Guage

⁵ Kholu, Pfhumu Nungungulu a ngu ganela kharati, khuye: U nga beli nyumbani nya gililo, ambari guya lila, gambe u nga va pweli gisiro; kholu Pfhumu Nungungulu wari khuye vathu vava kha nyi nga gu khathala gambe khavo, kha nyi va goli ambari gu va pwela wusiwana.

Jeremiya 16:5 Iomraidhean Croise

Dzindzimo 25:6

Pfhumu Nungungulu, dundruga wuhindzi ni lihaladzo lago, ga ethu, gukhugela gupindruga nya gupindruge.

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Jeremiya 12:12

Vapfhungumuli va dita khu malangani yatshavbo nya sigomo ni ya giwulani; kholu litshari la Pfhumu Nungungulu li na vbiyela litigo leli gukhugela mahegiso kala mambe mahegiso nya litigo; mwalo ni moyo a na manago gurula.

Jeremiya 13:14

Nyi na va vbadzulela va khala khu sipandre va pandrana khu gyawe, vavelegi gumogo ni sanana, a ngu ganela Pfhumu Nungungulu; gima kha nyi na va divalela ni gu va tsetsa ambari gupwa gisiro khu avo gasi nyi si va mbembisi.

Jeremiya 16:13

“Khu guralo, nyi na mi dusa tigoni momu nyi mi yisa ga litigo mu si litigo enu ambari ni vavelegi vanu va ngamba liti; iyoyo mu na ya thumelani vanungungulu nya malipha, wutshigu ni mihani, kholu eni kha nyi na khathala gambe khenu.”

Gililo 3:17

U ndreyiside gurula hefemuloni gwangu, gutsaka kha nyi nga gu guti gambe.

Zakariya 8:10

Kholu na gu si gu vbohi matshigu yaya, mwalo ni moyo a nga bani a gu hakha nivbo nya thumo waye a nga bani a wu thuma, ambari ni thumo nya sirengo wu di si phasi gilo; gambe gu diri mwalo gurula ni gutangala ga vale va nga bani va dzi ningedzela mithumoni gwawe khu kotani ga nala; nyi di kutsedzela gu, moyo ni moyo a wugela muthu kwawe.

Dhewuteronome 31:17

Khu litshigu lolo, likhulo langu li na khondra vbakari gwawe, nyi va diga ni gu va sihela khovbe yangu, nyi va diga va mbembiswa khu dzimhango nya gutale; ni dzitshanisa dzi nata vbatshani gwawe; aholu avo va na ganela, khavo: Ina libango leli khandri la gu hi thegela kholu Pfhumu Nungungulu wathu, a gu mwalo vbakari gwathu, gani?

Gutuledwa 6:4

Khavbo avbo, yi di duga yimbe kavalu, nya gufuvile, na yi khiledwe khu muthu a nga ningwago tshivba nya guvbedze gurula tigoni, gasi vathu va songane khu gyawe. A di ningwa gambe litshari nya likhongolo.