Jeremiya 16:17 - Bhibhiliya Nya Guage

¹⁷ Kholu maho yangu ma ronogede dzindzilani gwawe gwatshavbo mu dzi wonago; ni sighoho sawe satshavbo kha si sihali mahoni gwangu.

Jeremiya 16:17 Iomraidhean Croise

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

Joba 10:14

Nya gu ghoha, u ngu nyi wona; aholu khu tsetseleli gighoho gyangu.

Joba 31:4

Ina Uye Nungungulu kha khedzi dzindzila dzangu, ni gu sayela migondro yangu, gani?

Dzindzimo 109:15

Guvivba nya siwono sawe gu na wonege mbeli ga Pfhumu Nungungulu, aholu Nungungulu a na fuvise lihundzu laye mafuni.

Dzindzimo 139:3

U ngu nyi wona nya gu bani nyi gimbila ni gu bani nyi lade, u ngu dziti dzindzila dzangu dzatshavbo.

Dzindzimo 33:15

Khuye a vbahago monyo nya muthu ni muthu, a wona satshavbo va girago.

Dzindzimo 51:9

Siha khovbe yago u si woni sighoho sangu, u futa guvivba gwangu gwatshavbo.

Dzindzimo 90:8

U vegide sighoho sathu mbeli gwago, u ngu vega guwonegelani sighoho hi giridego gusihalani.

Mavingu 15:3

Maho ya Pfhumu Nungungulu momo malangani yatshavbo, a khedza va nya guvivbedwa khu monyo ni va nya gululama.

Mavingu 5:21

Pfhumu Nungungulu gikhati gyatshavbo a gu khevisela dzindzila nya muthu a mu khedza gwadi ni magimbilelo yaye.

Isaya 29:15

Libango ga vathu vale va sihago makungo yawe, va sihela Pfhumu Nungungulu, va gira mithumo yawe mugidemani, na va gu ganela, khavo: “Khu mani a na gu hi wonago, khu mani a hitigo?”

Isaya 66:18

Kholu mithumo yawe ni mipimiso yawe, nyi ngu yiti! Gi nguta gikhati nyi na gu tombanisago mayigo ni malimi yatshavbo; va nata vata wona wudhumo wangu.

Jeremiya 2:22

Ambari mwa gu hamba khu levbini lifumbu nya sabawu, noda nya sighoho sanu kha yi na futega; A ngu ganela Pfhumu Nungungulu.

Jeremiya 23:24

Mwa gu alakanya gukhenu womo muthu a dzi kodzago gu sihala nyamba mu wona eni, gani? A ngu ganela Pfhumu Nungungulu, khuye: Ina kha mu dziti nya gukhenu eni nyi womo malangani yatshavbo ndzadzini ni mafuni, gani?

Jeremiya 29:23

kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.

Jeremiya 32:19

Uwe u khongolo khu dzindzila dzago nya gusamadzise, maho yago ma ngu wona gupima nya muthu ni muthu; gasi gu ninga tshatshazelo gukhedza khu mithumo yaye, gumogo ni handro nya mavbanyelo yaye.

Jeremiya 7:11

Gasi nyumbani momu, li khozedwago umo lina langu, mahoni gwanu mwa gu li wona nari liphala nya gusihale umo dzimbafa, gani? Khalani na mu gu dziti nya gukhenu eni nyi si wone isoso, a ngu ganela Pfhumu Nungungulu.

Ezekiyeli 8:12

Pfhumu Nungungulu a di nyi embela, khuye: “Mwamana wa muthu, u si wone iso madhota ya Israyeli ma girago mugidemani, moyo ni moyo na guromo nyumbani gwaye nya gulovetedwe khu sifananiso, gani? Na va gu ganela, khavo: Pfhumu Nungungulu kha hi woni; Uye dugide tigoni momu.”

Ezekiyeli 9:9

Uye a di nyi hakha, khuye: “Guvivba ga va na Israyeli ni ga va na Judha, gukhongolo ngudzu; litigo li tade khu novba wu vbaladzidwego, ni lidhoropa li tade khu wudambane. Avo va gu ganela, khavo: Pfhumu Nungungulu dugide tigoni momu; kha hi woni.

Sofoniya 1:12

Khu gikhati gyogyo, nyi na setsha gwadi Jerusalema nyi mu wenga khu myenge gasi gu tsayisa vale va gu ghaghaa vbamagimbatunu gwawe, va khalago na va levide khu vbinyu, va ganela khu myonyoni gwawe, khavo: Pfhumu Nungungulu kha kodzi gu gira gilo nya gyadi ambari nya guvivbe.

Zakariya 4:10

Khu mani a kanyisago litshigu nya silo nya sidugwana? Vatshavbo va na kulungela gikhati va na wonago giwindri giri mandzani ga Zorobhabheli.”

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.