Jeremiya 16:16 - Bhibhiliya Nya Guage

¹⁶ Pfhumu Nungungulu a ngu ganela kharati, khuye: Nyi na rumela tengo nya wungi nya vagogi vuta va goga; khu hwane nya isoso, nyi na rumela wumbe tengo nya vasoti, vaya va sota sigomoni ni sigomwanani, gumogo ni dziphagoni nya siwindri.

Jeremiya 16:16 Iomraidhean Croise

Genesi 10:9

Gambe a diri musoti nya tshivba mahoni gwa Pfhumu Nungungulu. Khidzo kala na muhuno gu nga gu ganedwago gupwani: “Pfhumu Nungungulu a na gu gire musoti nya tshivba kha nga Nimerodi.”

Isaya 2:21

Vathu va na bela dziphagoni nya siwindri ni mavbalani nya sigomo, khu gu thava likhulo la Pfhumu Nungungulu ni gungangamela nya wugulu waye, gikhati a na tago guta thusa litigo.

Isaya 7:19

Idzo dzi nata mbaka mikovani nya guete ni dziphagoni nya siwindri, mibani gwatshavbo, ni wuhaviseloni gwatshavbo.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 4:29

Madhoropa yatshavbo ma na tutuma ma thava khu kotani nya ligwaha nya vakhileli nya dzikavalu ni vakhwandri nya siholoma, vathu vaye va na thava va ya sihala sipoponi ni dziphagoni; madhoropa yatshavbo ma na khala na mari marumbi nyamba khadwa khu muthu.

Jeremiya 49:5

Wona nya gukhuwe nyi na gu resela libango, li na gutago khu ga vaakelane vago li ta mu phalalegisa, a ngu ganela Mune Pfhumu Nungungulu nya Tshivba Yatshavbo, muthu ni muthu a na dzega ndzila yaye; mwalo a na gu tombanisa avo va thavago.

Jeremiya 6:9

Pfhumu Nungungulu nya Tshivba Yatshavbo a ngu ganela kharati, khuye: Roledzela mitshaledwa ya na Israyeli yi wuya khu mandzani gwago; kha nga mulimi a roledzelago esi si tshalago thembweni, kha va tshiyi gilo litamoni nya vhinya.

Gililo 4:18

Valala va gu demba ni migondro yathu gasi hi tandrega gu gimbila dzindzilani. Matshigu yathu, ma ngu hidzimela kholu, guvbanya gwathu gu ngu vboha mahegiso. Qof

Gililo 4:19

Avo va hi lundrago va na ni mazambo guvbindra maghama ya damboni, va di hi tutumisa sigomoni va hi demba khu milaphwi giwulani. Resi

Hoseya 10:10

Nyi na va tsayisa gukhedza khidzo nyi golago khidzo; mayigo yatshavbo, ma na tombana ma va wugela vata va mola khu kotani va ghohidego guvili.

Amosi 4:2

Pfhumu Nungungulu sambanyide khu guaga gwaye, khuye: Ma nata matshigu vbakari gwanu, ma na ta mi ndrindrago khu silowo, ni situgulwana niso si na ndrindrwa khu silowo.

Amosi 5:19

Li na gira kha nga muthu a thavago mbeli nya nghala, bwelo khavbo a manana ni gikankanka, mwendro gu muthu a gu bela nyumbani gwaye, mandza yaye a gu phara vbandzaritunu a hodzwa khu nyoga.

Mikeya 7:2

Va nya gululama va fuvide tigoni; gu mwalo gambe vbakari nya vathu uye a lulamidego; vatshavbo vomo va dzi lulamisela gasi gu vbaladza novba; moyo ni moyo womo gu demba ndriyaye khu ligoga.

Sofoniya 1:12

Khu gikhati gyogyo, nyi na setsha gwadi Jerusalema nyi mu wenga khu myenge gasi gu tsayisa vale va gu ghaghaa vbamagimbatunu gwawe, va khalago na va levide khu vbinyu, va ganela khu myonyoni gwawe, khavo: Pfhumu Nungungulu kha kodzi gu gira gilo nya gyadi ambari nya guvivbe.

1 Samuweli 24:11

Gasi olu, uwe baba wangu, wona avba tshoka nya gifenengelo gyago nyi gu nagyo mandzani. Olu nyi pidego tshoka nya gifenengelo gyago nyamba gu songa, dziti gwadi u wona nya gukhuwe avba gwangu gu mwalo ni guvivba gumogo nya gugirele uwe, gimwalo gilo nyi gu ghohedego, nya gukala u nyi sota gu nyi songa.

1 Samuweli 26:20

Gasi olu, u nga vbaladzi novba wangu hwindzo nya litigo leli la Pfhumu Nungungulu; kholu mufumeli wa Israyeli, dugide gasi guya sota tshowane, gu fanana ni muthu a lundrago tshugwa sigomoni.”