Jeremiya 16:13 - Bhibhiliya Nya Guage

¹³ “Khu guralo, nyi na mi dusa tigoni momu nyi mi yisa ga litigo mu si litigo enu ambari ni vavelegi vanu va ngamba liti; iyoyo mu na ya thumelani vanungungulu nya malipha, wutshigu ni mihani, kholu eni kha nyi na khathala gambe khenu.”

Jeremiya 16:13 Iomraidhean Croise

2 Dzipfhumu 25:21

Va diya songwa Ribala khu mufumeli wa Bhabhiloni, tigoni ga Hamati; Judha a di duswa tigoni gwaye a vbagedwa a yiswa hwindzo ni litigo laye.

2 Dzikoronika 7:20

Eni nyi na mi dusani khu ga litigo langu nyi mi ningidego, ni ga nyumba yeyi nyi yi agisedego Lina Langu, nyi mi dzudzuga hwindzo ni Eni, mu ya khala givalo ni gihegiso ga mayigo yatshavbo.

Dzindzimo 81:12

Khu guralo, nyi di va diga va gira guhaladza gwawe, va landrisela gugola nya myonyo yawe.

Jeremiya 10:18

Kholu Pfhumu Nungungulu a ngu ganela kharati, khuye: “Khu gikhati gegi nyi na va dzudzuga hwindzo vatshavbo vavbanyi va tigoni, nyi na va tshanisa kala va ganela, khavo:

Jeremiya 14:8

Uwe khuwe gitumbo gya Israyeli, mutshudzisi gikhatini nya wuvi! Khu ginani u khala nga muluveli tigoni, kha nga muvbindri nya ndzila a ndreyago gasi guya lala a gedwa basi?

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 15:14

U na girwa khumbi khu valala vago ga litigo u si li pimigo; kholu nilo nya likhulo langu wu khondride, wu na dzura wu mi vbisa.

Jeremiya 15:4

Nyi na va ningela va khala gihegiso ga mifumo yatshavbo ya mafuni; khu kotani ya Manasi, mwamana wa Ezekhiya, mufumeli wa Judha, khu satshavbo iso a giridego Jerusalema.

Jeremiya 16:5

Kholu, Pfhumu Nungungulu a ngu ganela kharati, khuye: U nga beli nyumbani nya gililo, ambari guya lila, gambe u nga va pweli gisiro; kholu Pfhumu Nungungulu wari khuye vathu vava kha nyi nga gu khathala gambe khavo, kha nyi va goli ambari gu va pwela wusiwana.

Jeremiya 17:4

Khu guralo, nyi na dusa mandzani gwago thomba yatshavbo nyi gu ningidego, nyi na gu gira u thumela valala vago, ga litigo u si litigo; kholu u vaside nilo nya likhulo langu, wu na khondra nyamba tshimega.

Jeremiya 22:26

Uwe gumogo ni mayi wago a nga gu velega, nyi na mi tutumisa mu ya ga litigo mu si litigo, u ngamba velegedwa umo, mu ya fela yoyo.

Jeremiya 22:28

Ina kamwe Jekoniya a di vbindrugedza a khala gindzengele nya khali yi pandregidego, mwendro gyombo nyamba phasa gilo gi si khathaledwigo khu muthu, gani? Khu kotani nya ginani va nga dzegwago gumogo ni livelego lawe va ya dzudzugwa ga litigo va si litigo?

Jeremiya 5:19

Aholu va gu wudzisa, khavo: “Khu ginani Pfhumu Nungungulu wathu, a hi giredego silo satshavbo sesi?” Khavbo avbo, va hakheni, khenu: Kha nga olu enu mu nyi digidego mu ya thumela vambe vanungungulu nya va nya mayigo, tigoni gwanu, kharato nugo, mu naya thumela va nya mayigo ga litigo li gu siri lanu.

Jeremiya 6:15

Ina va na dzipwa dzitshoni, khu gu bani va giride gihoso nyi gi nyenyago, gani? Ahihi! Avo va mwalo dzitshoni. Gambe kha va giti gilo gi va thelago dzitshoni; khu guralo, va na thega gumogo ni vambe, va mbembiswa muphelo litshigu nya gulamudwe. A ngu ganela Pfhumu Nungungulu.

Dhewuteronome 28:36

Pfhumu Nungungulu a na gu dzega uwe gumogo ni mufumeli, u na mu emisago gu khala mufumeli wago, a gu yisa ga vathu u gu gima uwe ni vababe vago mu si gu vati; iyoyo u na ya khozela vambe vanungungulu nya guvatwe khu misimbo ni siwindri.

Dhewuteronome 29:28

Khu kotani nya likhulo, Pfhumu Nungungulu a di va sigula tigoni gwawe, khu gu vbisega ni khorodza, a va dzudzuga ga limbe litigo, kha nga mu si wonago muhuno.