Jeremiya 15:19 - Bhibhiliya Nya Guage

¹⁹ Khu guralo, Pfhumu Nungungulu a ngu ganela kharati, khuye: “Wa gu dzi laya, u wuya eno gwangu, nyi na gu hakha u ta khala mbeli gwangu; wa gu ganela silo nya lisima u hambana niso nya guvivbe, uwe u na khala kha nga likana langu, vathu va na wuya iyo gwago, khandri uwe u na gu bwelelago iyo gwawe.

Jeremiya 15:19 Iomraidhean Croise

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

Ekisodha 4:12

Khu guralo, indra olu, Eni nyi na bani nyiri kanani gwago, nyi na gu hevbudza iso u yelago gu ganela.”

Mavingu 22:29

Ina uwe khu mu woni muthu a thumago khu wugengeli thumo waye, gani? Uye a na vegwa a thumela vafumeli, nasiri gu thumela vanyalidede.

Jeremiya 1:9

Khu gulandrela, Pfhumu Nungungulu a di thawuludza gyandza gyaye, a kuha likana langu a ganela, khuye: “Wona, nyi ngu vega magana yangu kanani gwago.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jeremiya 35:19

Pfhumu Nungungulu nya Tshivba Yatshavbo, Nungungulu wa Israyeli a ngu ganela kharati, khuye: Ndrani nya livelego la Jonadhabhi, mwamana wa Rekabhi, gima kha gu na hamugega muthu a na gu thumago mbeli gwangu matshigu yatshavbo.”

Jeremiya 4:1

Pfhumu Nungungulu a ngu ganela, khuye: Wa gu vbindrugedza mavbanyelo uwe Israyeli, u na wuya avbo gwangu. Wa gu ndreyisa mbeli gwangu manyala yago, khu na legalega gambe,

Jeremiya 6:29

Nilo wu vbiside khu tshivba, wu nyiviligisa thovhu; aholu munyegisi thumide mahala, kholu va nya guvivbedwa khu monyo, kha va duswa.

Gililo 1:11

Vathu vaye vatshavbo va gu keta khu gu vbweta guhodza. Va rengisede dzithomba dzawe gasi gu renga guhodza va vbanye. “Nyi wone, Pfhumu Nungungulu, nyi khade muthu nya gusolege!” Lamed

Ezekiyeli 2:7

Aholu uwe, u na va embela magana yangu, ambari va gu dzumela gu yingisa, mwendro gumba dzumela gu yingisa, kholu avo vathu nya guyeyise.

Ezekiyeli 22:26

Vaphasi vaye nya mhamba va gu hambanisa nayo wangu, ni gunyenyezisa sombo sangu nya guage; kha va kodzi gu hambanisa igyo nya guage nigyo nya gunyenyeze, ambari gu hambanisa igyo nya gulolele nigyo nya guage, kha va khathali khu litshigu langu nya Sabhadho; khu guralo, nyi ngu nyenyeziswa vbakari gwawe.

Ezekiyeli 44:23

Avo va na hevbudza vathu vangu gu tugula igyo gi agidego ni igyo gi nyenyezidego, ni gu va nonedza guhambanisa vbakari nya igyo nya gunyenyeze ni igyo gi agidego.

Levhi 10:10

gu vbwetega mu kodza gu hambanisa esi si agisidwego ni esi si ngamba agiswa, esi si tshambidego ni esi si nyenyezidego,

Levhi 14:57

gasi guhevbudza gya gu bani gi romo gilo nya guage mwendro nya gunyenyeze. Oyu khu nayo nya sokono.”

Jona 3:2

“Khuga u hongole Ninivha, lidhoropa nya likhongolo, u ya huwelela magana nyi na gu embelago.”

Zakariya 3:7

“Pfhumu Nungungulu nya Tshivba Yatshavbo, a ngu ganela kharati, khuye: Wa gu landrisa dzindzila dzangu, u yingisa sileletelo sangu, u na fumela nyumba yangu, gambe u na sayisa makupakupani gwangu. Nyi na gu ninga wulanga vbakari ga avo va guromo mbeli gwangu.

Luka 1:19

Ngilozi yi di mu phindrula, khiyo: “Eni kheni Gabriyeli, wule a guromo mbeli ga Nungungulu; nyi di rumedwa gasi guta gu tivisa mahungu yaya nya gutsakise.

Luka 10:16

Khu guralo, a di embela vapizane, khuye: “Uye a yingisago enu, kheni a nyi yingisago; gasi uye a nyenyago enu kheni a nyi nyenyago. Kholu wule a nyi nyenyago, a gu nyenya wule a nga nyi rumelago.”

Luka 12:12

kholu Liphuvbo nya Guage li na mi hevbudza phindrulo mu na va ningago.”

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Luka 21:36

Khu kharato, khalani na mu dongide, na mu gu lombelela gikhati gyatshavbo, gasi mu mane tshivba nya guvbuluge ga satshavbo si na gu dugelelago, mu kodza guta manwa khu Mwamana wa Muthu na mu nga tsaramide.”

Mithumo 20:27

kholu eni nyi mi tiviside makungo yatshavbo ya Nungungulu. Gimwalo nyi mi sihedego.

2 Vakorinto 5:16

Ethu olu kha hi nga gu pimisa gambe muthu khu mawonelo nya wuthu wa mafuni. Ambari olu gale hi nga pimisa kharato khu Kristo, olu kha hi pimisi gambe kharato khu uye.

Vagalatiya 1:10

Ina nya gu gola ngudzu gu zundzwa khu vathu guvbindra gu zundzwa khu Nungungulu, gani? Mwa gu alakanya gukhenu nya gudwanela gu tsakisa vathu, gani? Nari gu khwatshi khiso nyi si dwanelago, na nyi siri githumi gya Kristo.

Vagalatiya 2:5

Aholu ethu kha ha dzumela ni vbadugwana gu pengiswa khu avo, khu gufela gukhethu enu mu khale na mu tiyide lisineni nya Mahungu nya Yadi.

Vahebheru 5:14

Guhodza nya vathu vakhongolo khogu nya gutiye, kholu avo va hevbude va kodza gu hambanisa esi nya sadi ni esi nya guvivbe.

Judha 1:24

Aholu, wule a gu na ni tshivba nya gu mi vhikele, gasi mu si dhedhereki; ni gu mi vbwelegedza a mi vbohisa na mu tsakide, na mu agide nyambana giwono mbeli nya wudhumo waye;