Jeremiya 14:18 - Bhibhiliya Nya Guage

¹⁸ Nya gu hongola gundze, nya gu wona vathu va sasedwego khu matshari, nya gu wuya dhoropani, nya gu wona avo va dagarelago khu ndzala; ambari vaprofeti ni vaphasi nya mhamba, va gu legalega tigoni nyamba pima gilo.

Jeremiya 14:18 Iomraidhean Croise

Isaya 22:2

Gasi nyenganyenga muni ni ligwaha li pwalago dhoropani, na? Vathu vanu kha vafa khu matshari mwendro guya songwa nyimbitunu!

Isaya 28:7

Aholu avo navo va ngu dhedhereka khu kotani nya vbinyu, kha va kodzi ni gu ema, kholu va sedego wadwa nya guvave. Ambari vaphasi nya mhamba ni vaprofeti va ngu dhedhereka khu kotani nya wadwa nya guvave ngudzu. Va levide khu vbinyu, va ngu dhedhereka khu kota nya wadwa; va gu profeta, va gu ganela mapongowongo, va tshomborosela mahungu gulamulani gwawe.

Jeremiya 2:8

Vaphasi nya mhamba kha va wudzisa gilo, khavo: Womo hayi Pfhumu Nungungulu? Vahevbudzi nya nayo kha va khathala khu eni, vathangeli va di nyi wugela, vaprofeti va di profeta khu lina la Bhahali, va landrisela vanungungulu nyamba phasa gilo.

Jeremiya 23:21

Khandri eni nyi va rumidego vaprofeti vovo, aholu avo va di dzi tela khu gugola gwawe; gi mwalo nyi va rumedego gu ganela, avo va di dzi girela wuprofeti vabune.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Jeremiya 6:25

U nga dugi uya mahangeni ambari gu gimbila khu dzindzila, kholu nala a na ni litshari, malangani yatshavbo gu pwala dzihuwa.

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Gililo 1:20

Pfhumu Nungungulu, nga wona idzo nyi tshanisekago khidzo! Hefemulo wangu wu ngu vbela tshivba. Monyo wangu wa gu ndragandraga ndrani gwangu kholu nyi gu pfhuraredego khu tshivba. Sanana sangu si ngu sasedwa vbavbandze khu matshari; ndrangani gwangu gu pwala lufu basi. Sini

Gililo 2:19

Wuga u womba huwa, u lila wutshigu watshavbo guphelani nya gupile; tula monyo wago u wu ningela watshavbo mbeli gwa Pfhumu, khusedza mandza yago u lombelela ga Pfhumu khu sanana sago si fago khu ndzala mahandzakanyani yatshavbo nya dzindzila. Resi

Gililo 4:9

Avo va nga songwago khu matshari va kategide guvbindra avo va ngafa khu ndzala; kholu va gu saniseka khu gu hamuga guhodza gwa mahangeni. Yod

Ezekiyeli 7:15

Vbavbandze yomo nyimbi, ndrani womo tungu ni ndzala; vale va guromo vbavbandze nya lidhoropa, va nafa khu matshari, vale va na gu bani varomo dhoropani, va nafa khu tungu ni ndzala.

Amosi 4:6

Khu guralo, enu nenu nyi mi guhide magwaha madhoropani gwanu gwatshavbo, ni malangani gwanu gwatshavbo gu mwalo guhodza. Ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Dhewuteronome 28:36

Pfhumu Nungungulu a na gu dzega uwe gumogo ni mufumeli, u na mu emisago gu khala mufumeli wago, a gu yisa ga vathu u gu gima uwe ni vababe vago mu si gu vati; iyoyo u na ya khozela vambe vanungungulu nya guvatwe khu misimbo ni siwindri.

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.