Jeremiya 13:22 - Bhibhiliya Nya Guage

²² Avbo u na ganelago khu monyoni gwago, khuwe: “Khu ginani nyi taledwago khu sigaradzo satshavbo sesi?” Dziti gwadi gukhuwe, talo nya sighoho sago, khiso si giridego u fununguledwa dzitshalu dzago, ni sitshinandro sago si napwa wuvi nya wungi.

Jeremiya 13:22 Iomraidhean Croise

Isaya 20:4

a na gira kharato mufumeli wa Asiriya, a na vbagela sibotshwa sa Egipito ni valuveli Vaetiyopiya, a va yisa wugumbini madzaha mwendro sikhosane na vari wumbwiri ni gumbana silato migondroni gwawe, marago yawe mari vbavbandze, va thela dzitshoni litigo la Egipito.

Isaya 3:17

Pfhumu Nungungulu a na thela sidhole mihungoni ya vanyamahegyane va Siyoni, a va tshulela dzitshalu va khala wumbwiri.

Isaya 47:8

Gasi olu, yingisa esi, uwe u golago gu dzi tsakisa, uwe u dzi pwago na wu khalegide; uwe u alakanyago khu monyoni gwago, khuwe: “Eni kheni nyenga, mwalo mumbe. Gima kha nyi na khala noni ambari gu fedwa khu sanana sangu.”

Jeremiya 13:26

Eni neni kharato nyi na funungula dzitshalu dzago kala khovbeni gwago; gasi gu wonega dzitshoni dzago.

Jeremiya 14:16

Ni vathu va dzi girelago wuprofeti, va na mbambamela mudzindzilani dza Jerusalema, khu kotani nya gu songwe khu ndzala ni matshari; kha va na dzingwa khu muthu, avo gumogo ni vagadzi vawe, sanana sawe nya sikhwathana nesi nya sagadzyana; nyi na va fenengedza khu libango va li wusidego vabune.

Jeremiya 5:19

Aholu va gu wudzisa, khavo: “Khu ginani Pfhumu Nungungulu wathu, a hi giredego silo satshavbo sesi?” Khavbo avbo, va hakheni, khenu: Kha nga olu enu mu nyi digidego mu ya thumela vambe vanungungulu nya va nya mayigo, tigoni gwanu, kharato nugo, mu naya thumela va nya mayigo ga litigo li gu siri lanu.

Gililo 1:8

Jerusalema ghohide ngudzu; khu guralo, a dzi nyenyeziside. Vatshavbo va nga bani va mu zundza, olu va gu mu poyila, khu gu wona wumbwiri waye. Uye abune a ngu dzi wona a sihala khu dzitshoni. Tet

Ezekiyeli 23:26

Va na gu tshulela guambala gwago ni gu gu wandrela sombo sago nya lisima u dzi mburiselago khiso.

Hoseya 12:8

Efrayimi a di ganela, khuye: “Nyi khade gitetema khu gu ghanya thomba nya yingi! Ga mithumo yangu yatshavbo nyi giridego, kha va na mana avbo gwangu guvivba mwendro gighoho.”

Hoseya 2:10

Nyi na mu thela dzitshoni mbeli ga sibhayi saye; mwalo a na gu mu vbulugisa mandzani gwangu.

Hoseya 2:3

Kholu a gumba si diga eni nyi na mu tshulela dzitshalu, nyi mu tshiya kha nga litshigu a velegidwego khilo, a fanana ni giwula, a vbindrugedza a khala mafu nya gihala, nyi mu songa khu lidora.

Hoseya 2:5

Kholu mayi wawe bhayide, uye a nga va velegago, giride silo nya dzitshoni, kholu a di khuye: “Nyi na landrela sibhayi sangu, si nyi hodzisago ni gu nyi sedza mati, va nyi ninga myendra nya gufurumele, myendra nya seda, mafura nya guhodze ni mati.

Nahume 3:5

Wona nya gukhuwe nyi na gu wugela, a ngu ganela Pfhumu Nungungulu, nya Tshivba Yatshavbo, nyi na funungula dzitshalu dzago nyi fenengedza khovbe yago, nyi yeyedza wumbwiri wago va nya mayigo, ni ga mifumo, dzitshoni dzago.

Sofoniya 1:12

Khu gikhati gyogyo, nyi na setsha gwadi Jerusalema nyi mu wenga khu myenge gasi gu tsayisa vale va gu ghaghaa vbamagimbatunu gwawe, va khalago na va levide khu vbinyu, va ganela khu myonyoni gwawe, khavo: Pfhumu Nungungulu kha kodzi gu gira gilo nya gyadi ambari nya guvivbe.

Dhewuteronome 18:21

Wa gu ganela khu monyoni gwago, khuwe: “Nyi na mati kharini magana yaya, olu Pfhumu Nungungulu a ngamba ganela?

Dhewuteronome 7:17

Wa gu ganela khu monyoni gwago, khuwe: Vathu nya mayigo yaya vangi ngudzu gu nyi vbindra; nyi na dzi kodza kharini gu va pala, nyi va tutumisa?

Dhewuteronome 8:17

Khu guralo, u nga ganeli khu monyoni gwago, khuwe: Dzithomba dzedzi dzatshavbo nyi dzi mane khu tshivba yangu ni thumo nya mandza yangu.