Jeremiya 13:14 - Bhibhiliya Nya Guage

¹⁴ Nyi na va vbadzulela va khala khu sipandre va pandrana khu gyawe, vavelegi gumogo ni sanana, a ngu ganela Pfhumu Nungungulu; gima kha nyi na va divalela ni gu va tsetsa ambari gupwa gisiro khu avo gasi nyi si va mbembisi.

Jeremiya 13:14 Iomraidhean Croise

2 Dzikoronika 20:23

Kholu va na Amoni, ni va na Mowabhi, va di wugela vavbahi va gigomoni gya Seyiri, va di saselana khu gyawe.

Joba 27:22

Nungungulu a na mu veta nyamba mu tsetselela, a na zama gu mu thava a tutuma, a tandrega.

Dzindzimo 2:9

U na ma pandra khu ndronga nya dzisimbi, u na ma khungumulela kha nga kanvu nya libumba.

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Jeremiya 15:5

Khu guralo, uwe Jerusalema, khu mani a na gu pwelago gisiro, a vbisega khu mahungu yago? Khu mani a na ndreyago a gu wusela a pwa guvbanya gwago?

Jeremiya 15:6

Pfhumu Nungungulu a ngu ganela, khuye: Mu nyi digide mu nyi pfhurarela. Khu guralo, nyi na thawuludza gyandza gyangu vbatshani gwago, nyi gu mbembisa; nyi garade khu gu gu divalela.

Jeremiya 16:5

Kholu, Pfhumu Nungungulu a ngu ganela kharati, khuye: U nga beli nyumbani nya gililo, ambari guya lila, gambe u nga va pweli gisiro; kholu Pfhumu Nungungulu wari khuye vathu vava kha nyi nga gu khathala gambe khavo, kha nyi va goli ambari gu va pwela wusiwana.

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 25:16

Gasi ma sela, ma dhedhereka ni gu pepuga mapimo, khu kotani nya dzinyimbi nyi na gu dzi rumelago vbakari gwawe.”

Jeremiya 47:3

khu kotani nya sikingo nya samba nya dzikavalu, ni ligwaha nya gututume nya dzikareta ni gudzuma nya dzirodha dzaye. Vavelegi kha va na wuya guta dzega sanana sawe, kholu mawogo yawe ma na rereka;

Jeremiya 48:12

Khu guralo, wonani ma nguta matshigu, a ngu ganela Pfhumu Nungungulu: Nyi na rumelago vavbaladzeli va nata wegedzago va vbaladza dzikhali dzawe, va pandrelela ni maphiso yakone.

Jeremiya 6:21

Khu guralo, Pfhumu Nungungulu a ngu ganela kharati, khuye: “Wona nya gukhuwe nyi na thela giphili mbeli ga vathu vava; va na tshunganela gu thega vavelegi gumogo ni sanana sawe; vaakelane gumogo ni dzipari va nafa.”

Gililo 2:21

Sanana ni sikhosane si mbambamede mu dzindzilani. Dzimbiri ni madzaha yangu va sasedwe khu matshari. U va songide khu litshigu nya likhulo lago, u va mbembisa nyamba va tsetsa. Tau

Ezekiyeli 24:14

Eni Pfhumu Nungungulu nyi ganede. Olu gi vbohide gikhati nya gu nyi thuma. Kha nyi na bwelela hwane. Uwe u na lamudwa gukhedza khu mavbanyelo yago ni mithumo yago.” A ngu ganela Mune Pfhumu Nungungulu.

Ezekiyeli 7:3

Gikhati gyago nya mahegiso gi ngu vboha, nyi na gu rumela likhulo langu. Nyi na gu tsayisa gukhedza khu guvivba gwago ni mithumo yatshavbo nya gunyenyeze u giridego.

Ezekiyeli 7:4

Kha nyi na gu khedza khu maho nya gisiro, gambe kha nyi na gu tsetselela; aholu nyi na gu tsayisa gukhedza khu makhalelo ni esi u giridego avbo u vbanyago gwago; khavbo avbo, u na nyiti gukhuwe eni kheni Pfhumu Nungungulu.”

Ezekiyeli 7:9

Kha nyi na gu khedza khu maho nya gisiro, gambe kha nyi na gu tsetsa; nyi na gu bweledzela gukhedza khu mithumo yatshavbo nya guvivbe yi guromo vbakari gwago; u na dziti nya gukhuwe kheni, Pfhumu Nungungulu nyi gu tsayisago.

Ezekiyeli 8:18

Khu guralo, nyi na va lamula khu likhulo; kha nyi na va pwela gisiro, gambe kha nyi na va tsetsa. Ambari va gu womba huwa dzindzeveni gwangu, kha nyi na va yingisa.”

Ezekiyeli 9:10

Gasi khu gyangu gipandre, kha nyi na va pwela gisiro, gambe kha nyi na va tsetsa, aholu nyi na thesa mihungoni gwawe gukhedza khu esi va giridego.”

Ezekiyeli 9:5

Na nyi nga gu yingisa, uye a di embela vambe, khuye: “Mu landreni mu songetela vathu dhoropani gwatshavbo, va songeni nyamba va pwela gisiro mwendro gu va tsetsa.

Hoseya 2:4

Sanana saye kha nyi na si sayisa khu lihaladzo, kholu sanana sa wubhayini gwaye.

Zakariya 11:6

Khu guralo, Eni kha nyi na nga tsetselela gambe vathu va tigoni momu, a ngu ganela Pfhumu Nungungulu. Wonani nya gukhenu, nyi na ningela vathu, moyo ni moyo mandzani ga muthu kwawe ni mandzani ga mufumeli wawe; avo va na sasela litigo, aholu eni kha nyi na vbulugisa muthu mandzani gwawe.”

Matewu 10:21

Ndruye a na songa ndriyaye; babe a songisa mwanaye; sanana si na wugela vavelegi si va songa.

Marko 13:12

Muthu a na ningela ndriyaye a songwa, babe a ningela gyanana; sanana si na wugela vavelegi vawe, si va songisa.

Dhewuteronome 29:20

Pfhumu Nungungulu kha na nga dzumela gu mu tsetselela; gambe li na engedzelana gu khondra likhulo la Pfhumu Nungungulu ga muthu yoyu, sitsayiso satshavbo si lovidwego libhukuni momu, si na thegela vbatshani gwaye. Pfhumu Nungungulu a na futa lina laye mafuni.

1 Samuweli 14:16

Khu Gibheya ga Bhejami, vawoneleli va Sawule, va di wona masotshwa nya Vafilisitiya na ma gu tutuma ma phalalega khu maphuvbo yatshavbo, va hambana khu dzindzila.