Jeremiya 12:8 - Bhibhiliya Nya Guage

⁸ Vathu nya thomba yangu, va di nyi wugela va khala kha nga nghala ya khabini; va khuside lito va nyi bhongela; khu kota nya isoso, nyi di va gorogela.

Jeremiya 12:8 Iomraidhean Croise

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Jeremiya 2:15

Singhalana si di bhonga vbakari gwawe, na si gu ngurura khu lito nya gukhugege; va vbisa madhoropa yawe, litigo lawe li khala marumbi nyamba khadwa khu muthu.

Jeremiya 51:38

Vathu vaye va na bhonga nga singhalana, va ngurangura nga sanana nya nghala.

Ezekiyeli 23:18

“Khu guralo, a di simama wuphuphuluni gwaye nyamba siha, a yeyedza wumbwiri waye, eni nyi di hidzimela hwindzo naye na nya sa tsaka, nya nga idzo nyi nga hambanago khidzo ni koma waye.”

Hoseya 9:15

Wuvivbi wawe watshavbo, wu khugede Giligali, kholu, khiyo iyo nyi nga phela gu va venga, khu kotani nya mithumo yawe nya guvivbe, nyi va tutumiside tigoni gwangu. Nyi si va goli gambe, Vathangeli vawe vatshavbo sindraga milayo.

Amosi 6:8

Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye: Nyi ngu swireka khu matshandza ya Jakobe, nyi ngu nyenya dzinyumba dzawe nya wufumu; nyi na ningela lidhoropa ni satshavbo si guromo umo.

Mikeya 2:8

Aholu, khu gikhati nya gidugwane, enu mu vbindrugedzide mu wugela vathu vangu gukhwatshi valala vanu. Mu wandrela gifenengelo vale va dzi vbindrelago khu gurula va si khathaligo khu gu dwana nyimbi.

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.