Jeremiya 12:2 - Bhibhiliya Nya Guage

² U va yade, avo va thede mikhamba; va ngu dandra va ninga mihandro; va na ni Uwe khu magana, aholu khu myonyoni gwawe vomo hwindzo nago.

Jeremiya 12:2 Iomraidhean Croise

Joba 24:12

Dzihuwa dzawe dza gu pwala madhoropani, ni mihefemulo ya avo va bayisidwego, ya gu keta; aholu Nungungulu kha si woni isoso.

Joba 5:3

Nyi wonide gipumbu na gi gu nava mikhamba; khu gikhati gidugwana nyi di vala nyumba yaye.

Dzindzimo 37:35

Nyi wonide muthu nya guvivbe na tade khu gu dzi gugumugisa, a nava gu fanana ni simbo nya gunyuge wa Libhanoni.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Jeremiya 11:17

Kholu Pfhumu Nungungulu nya Tshivba Yatshavbo, Uye a gu yadego a tiviside gu gu resela mhango khu kotani nya sighoho si giridwego khu ndranga ya Israyeli ni ya Judha, kholu mu nyi wusede likhulo khu gu vbisela libani Bhahali.

Jeremiya 3:10

Ndriyaye Judha, nyamba tumbega, kha dzi kodza gu wuya gwangu khu monyo waye watshavbo, aholu a di nyi kanganyisa, a ngu ganela Pfhumu Nungungulu.

Jeremiya 45:4

U na va embela esi, khuwe: “Pfhumu Nungungulu a ngu ganela kharati, khuye: Nyi na pfhungumula iso nyi vbahidego, nyi bwelo khavbo nyi sigula iso nyi yadego tigoni gwatshavbo.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Hoseya 7:14

Kha va lila avbo gwangu khu monyo wawe watshavbo, aholu va di keta malawuni gwawe, va lomba tirigu ni vbinyu, aholu avo na va hambanide neni.

Habhakuka 1:13

Maho yago ma agide ngudzu ma si goligo gu wona guvivba, ma si tsakiswigo khu gu wona dzitshanisa, khu ginani u wonago va nya guvivbedwa khu monyo u degula, avbo uye nya guvivbedwe khu monyo, a midzago oyu a mu vbindrago khu gululama, na?

Matewu 15:8

Vathu vava va gu nyi rungudza khu likana, aholu myonyo yawe yomo hwindzo ni eni.

Marko 7:6

Jesu a di va hakha, khuye: “Khidzo muprofeti Isaya a nga ganelago na gu thula enu vapfhadzi nenu, khuye: ‘Ava vathu va gu nyi rungudza khu magana aholu myonyo yawe yomo hwindzo ni eni.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.