Jeremiya 11:6 - Bhibhiliya Nya Guage

⁶ Pfhumu Nungungulu a engedza a nyi embela, khuye: Tivisa madhoropani gwatshavbo ga Judha ni mudzindzilani dza Jerusalema magana yaya, khuwe: Yingisani magana yaya nya gidzumeledzwano, mu bwelo khavbo mu ma landrisa.

Jeremiya 11:6 Iomraidhean Croise

Dzindzimo 15:5

Oyu a si fiyarisigo dzitsapawu khu gu fela bhindzu oyu a si dzumeligo gu rengeledwa khu dzitsapawu, a girela guvivba muthu kwawe nyambana nandru. Oyu a girago kharati, gima kha na dhedhereka.

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Jeremiya 19:2

u relela navo kovani wa mwamana wa Hinomi, vbafuvbi ni Nyangwa nya Lidambo, u naya ganela magana nyi na gu embelago;

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 7:2

Indra ema nyangwani nya Nyumba ya Pfhumu Nungungulu, u ya huwelela avbo magana yaya, khuwe: Upwani magana ya Pfhumu Nungungulu enu va na Judha ni enu mwatshavbo mu belago khu dzinyangwa dzedzi gasi guya khozela Pfhumu Nungungulu;

Zakariya 7:7

Kha mwa ma pwani magana ya Pfhumu Nungungulu a nga ma tivisago khu magana ya vaprofeti va gale, matshiguni yale Jerusalema gu nga bani gu vbanya vathu khu gurula gumogo ni madhoropa yaye ma mu randredego, gikhati sipandre nya mayigo ya Negebhi ni Sefela ma nga bani ma tade khu vathu, gani?”

Johane 13:17

Kha nga olu mu sitigo silo sesi, mu na bani mu kategile mwa gu si landrisa.

Varoma 2:13

Kholu muthu kha khali wa guluma mahoni ga Nungungulu khu guti Nayo basi. Aholu khu gu landrisa esi wu rumago Nayo.

Dhewuteronome 4:1

Gasi olu, uwe Israyeli, yingisa milayo ni sileletelo, esi nyi mi hevbudzago, gasi mu si landrisa, mu kodza guvbanya ni gu bela, gumogo ni gu dzega litigo eli Pfhumu Nungungulu wa vababe vanu, a mi ningago.

Dhewuteronome 4:5

Wonani nya gukhenu nyi hevbudzide milayo ni sileletelo kha nga edzi nyi rumidwego khidzo khu Pfhumu Nungungulu wangu, gasi mu girani kharato vbakari nya litigo mu na li dzegago li khala thomba yanu.

Jakobe 1:22

Khalani valandrisi nya mahungu yaya, mu si khali basi vayingisi, mu dzi kanganyisa khu magana nya gukanganyise.