Jeremiya 1:8 - Bhibhiliya Nya Guage

⁸ U nga va thavi, kholu eni nyi nago gasi gu gu vbulugisa, a ngu ganela Pfhumu Nungungulu.

Jeremiya 1:8 Iomraidhean Croise

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Isaya 43:2

Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Isaya 51:12

Eni kheni kamwe nyi na gu mi tangadzisago; gasi uwe, khuwe mani, nya gukala u thava vathu va fago va hina, mwendro sanana nya vathu si na bangago gu fanana ni mwasi?

Isaya 51:7

Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.

Jeremiya 1:17

Aholu uwe, khuga u ema u dzi hunga giwunu khu libhandri, u va embeledzela satshavbo nyi na gu rumago; u nga vbeli tshivba mbeli gwawe, kholu gimwalo gi na gu thelago hwanga.

Jeremiya 1:19

“Va na dwana nago, aholu kha va na gu pala; kholu eni nyi na bani nyiri nago gasi gu gu vbulugisa; a ngu ganela Pfhumu Nungungulu.”

Jeremiya 20:11

Aholu Pfhumu Nungungulu a na ni eni, kha nga ndrena nya tshivba; khu guralo, uye a na tshunganisa vatshanisi vangu vatshavbo va thega, va na poyidwa va tala khu dzitshoni; wusiwana wawe kha wu na vbela, gambe gima kha va na wu divala.

Jeremiya 30:11

Kholu, Eni Pfhumu Nungungulu nyi ngu ganela gukheni, nyi nago gikhati gyatshavbo gasi gu gu vbulugisa; nyi na sasela mayigo yatshavbo nyi nga bani nyi mi phalalegisede umo; aholu enu, kha nyi na diga gu mi tsayisa, gambe kha nyi na mi tsayisa khu tshivba, kholu kha nyi vbweti gukheni mu mbemba.

Jeremiya 39:11

Aholu Nabhukodhonosori, mufumeli wa Bhabhiloni, a di ningide nayo Nebhuzaradhani muthangeli nya dzighadhi, mayelano khu Jeremiya, khuye:

Jeremiya 42:11

Mu nga khali hwanga khu gu thava mufumeli wa Bhabhiloni, mu thusedzedwago khuye; Pfhumu Nungungulu a ngu ganela khuye, mu nga mu thavi, kholu eni nyi nanu, gasi gu mi vbanyisa ni gu mi tshudzisa mandzani gwaye.

Dhaniyeli 3:17

Sa gu girega kharato, Nungungulu wathu hi mu khozelago, khuye a yelago gu hi vbulugisa mandzani gwago uwe mufumeli, ni gu hi dusa khu niloni gidhingiseloni nya gudzure.

Dhaniyeli 3:25

Uye a di hakha, khuye: “Eni nya gu wona vama vana nyamba hungwa va gimbila gimbilago vbakari nya nilo nyambavbya, giyemo gya uye nya wu na gya gu fanana ni mwamana wa vanungungulu.”

Matewu 10:26

“Khu kharato, mu nga thavi gilo, kholu gi mwalo gi nga fenengedzwago gi na gumba funungudwa; kha nga gambe, mwalo sihalo wu na gumba tidwa.

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Mithumo 18:10

kholu eni nyi nago. Mwalo a na handzegago mandza vbatshani gwago. Kholu nyi na ni vathu nya vangi dhoropani momu.”

Mithumo 26:17

Nyi na guvbulugisa ga Vajudha ni ga va nya mayigo nyi gu rumelago vbakari gwawe.

Mithumo 4:13

Va di liwuga khu gu wona gutiya ga Pedro ni Johane, va tidwago gupwani vathu nyambana sihevbulo, gambe va di si dugeli dzindrangani nya guwonegele va di gu vati khu lisine khavo vapizane va Jesu.

Mithumo 4:29

Gasi olu, Pfhumu, wona, va ngu hi thela hwanga; ninga tshivba sithumi sago si huwelela mahungu yago khu gu tiya gwatshavbo;

Vaefeso 6:20

Eni kheni mutivisi nya Mahungu yaya, ambari olu nyi guromo pasoni. Khavbo avbo, lombelelani gasi nyi ganele na nyi tiyide kha nga edzi gu vbwetegago khidzo.

Dhewuteronome 31:6

Khalani vathu nya gutiye ni gutimisela, mu nga thavi ambari gu thuruga mbeli gwawe, kholu Pfhumu Nungungulu wanu, khuye a na gimbilago nanu; kha na mi diga ambari gu hambana nanu.”

Dhewuteronome 31:8

Pfhumu Nungungulu khuye a na thangago mbeli gwago; Uye a na bani nari nago, kha na hambana nago ambari gu gu diga; u nga vbeli tshivba ambari gu khala hwanga.

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”