Jeremiya 1:6 - Bhibhiliya Nya Guage

⁶ Khavbo avbo, eni nyi di hakha, kheni: “Oh! Pfhumu Nungungulu! Wona nya gukhuwe kha nyi kodzi gu ganela; kholu eni nyi ngari gyanana.”

Jeremiya 1:6 Iomraidhean Croise

Ekisodha 4:1

Aholu Mosi a di phindrula, khuye: “Ahati avo va gumba khodwa gwangu, va si yingisi lito langu va ganela, khavo: Pfhumu Nungungulu gima kha dzi wonegisa gwago!”

Ekisodha 6:12

Aholu Mosi a di ganela ga Pfhumu Nungungulu, khuye: “Wona gukhuwe sanana sa Israyeli kha si nyi yingisi. A na nyi yingisa kharini Faro, olu eni nyi si kodzigo gu ganela?”

Ekisodha 6:30

Khavbo avbo, Mosi a di hakha Pfhumu Nungungulu, khuye: “Wona nya gukhuwe eni kha nyi kodzi gu ganela; a na nyi yingisa kharini Faro?”

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Jeremiya 14:13

Khavbo avbo, eni nyi di mu phindrula, kheni: “Oh! Pfhumu Nungungulu, wona nya gukhuwe vaprofeti va gu va embela, gukhavo: Gima kha mu na sasedwa khu matshari, ni gu wona ndzala; aholu a na mi resela gurula nya gutiye wulangani wowu.”

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Jeremiya 34:6

Muprofeti Jeremiya, a diya tivisa yatshavbo magana yaya ga Zedhekiya, mufumeli wa Judha;

Jeremiya 4:10

Khavbo avbo, eni nyi di ganela, kheni: “Ah! Pfhumu Nungungulu! Khu lisine U kanganyiside vathu vava gumogo ni Jerusalema, khuwe: Va na mana gurula; nga wona olu matshari ma va payago kala vbamonyotunu.”

Ezekiyeli 4:14

Khavbo avbo, eni nyi di, kheni: Oh! Mune, Pfhumu Nungungulu! Eni gima kha nya dzi nyenyezisa. Gukhugela wudzahani gwangu kala olu, gima nyi si gu hodzi gilo nya gukari gi nga manwa na gi fude mwendro gu vbadzuledwa khu sirengo sa khabini. Gima kanani gwangu gu si gu beli nyama nya gukari nya gunyenyeze.

Zakariya 2:4

yi ya yi embela, khiyo: “Tutuma u ya embela lidzaha lile, khuwe: Jerusalema gu na khala kha nga mitalala nyambana mabhiyo khu kotani nya talo nya vathu vaye ni sifuyo saye nya singi.