Jeremiya 1:12 - Bhibhiliya Nya Guage

¹² Pfhumu Nungungulu a di nyi embela, khuye: “U wonide gwadi; kholu eni neni nyi vbiredzede gu gira iso nyi ganedego.”

Jeremiya 1:12 Iomraidhean Croise

Isaya 55:11

Kharato nayo magana ma dugago khu kanani gwangu; kha ma na bwelela mahala nyamba ninga mihandro yaye, aholu ma na tadzisa guhaladza gwangu, ni gu gira iso nyi ma rumedego iso.

Jeremiya 1:13

Khu gulandrela, Pfhumu Nungungulu, a di nyi rumela magana yaya, khuye: “Ginani u gi wonago?” Nyi di hakha, kheni: “Nya gu wona khali yi vilago, na yi wegelede phuvbo ga Wuronga.”

Jeremiya 24:3

Khavbo avbo, Pfhumu Nungungulu a di nyi wudzisa, khuye: “Jeremiya, gasi ginani u gi wonago?” Eni nyi di mu hakha, kheni: “Nya gu wona dzindzawa nya dzadi ngudzu, ni dzindzawa nya guhine nyamba yela gu hodzwa khu muthu.”

Jeremiya 31:28

Pfhumu Nungungulu a ngu ganela, khuye: “Kha nga gikhati gi vbindridego nyi nga va khedza gasi gu va sigula ni gu va khungumula, ni gu va thesa, ni gu va tshanisa; nyi na va khedza gambe kharato gasi gu va vbaha ni gu va yala.”

Ezekiyeli 12:25

Kholu eni Pfhumu Nungungulu nyi na ganela iso nyi si golago, gambe isoso si na girega nyamba hwela. Kholu matshiguni yanu, enu vathu nya gukanyise, nyi na landrisa satshavbo iso nyi nga ganelago. A ngu ganela Mune Pfhumu Nungungulu.”

Ezekiyeli 12:28

Khu guralo, va embele, khuwe: Mune Pfhumu Nungungulu, a ngu ganela kharati, khuye: “Ni limwedo nya magana yangu kha li na nga hwela; satshavbo nyi nga ganelago si na girega. A ngu ganela Mune Pfhumu Nungungulu.”

Amosi 8:2

A di nyi wudzisa, khuye: “Amosi, ginani u gi wonago?” Eni nyi di mu hakha, kheni: “Nya gu wona gitundru nya mihandro nya guvidzwe.” Khavbo avbo, Pfhumu Nungungulu a di nyi embela, khuye: Ma vbohide mahegiso ya vathu vangu va na Israyeli; gukhugela olu guya mbeli, gima kha nyi na va tsetsa gambe.

Luka 10:28

Jesu a di mu embela, khuye: “U hakhide gwadi. Gira kharato, u na vbanya.”

Luka 20:39

Vambe vahevbudzi nya Nayo va di khusa lito, khavo: “Muhevbudzi, u ganede gwadi.”

Dhewuteronome 18:17

Khavbo avbo, Pfhumu Nungungulu a di nyi embela, khuye: Va ganede gwadi satshavbo esi va ganedego.

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.

Dhewuteronome 5:28

Avbo Pfhumu Nungungulu, a ngapwago magana yanu mu nga bani mu ganela gwangu, Pfhumu a di nyi embela, khuye: Eni nyi yingiside magana ya vathu vava, ayo va gu embedego; va ganede gwadi satshavbo.