Jeremiya 1:1 - Bhibhiliya Nya Guage

¹ Magana ya Jeremiya, mwamana wa Hilikiya, moyo nya vaphasi nya mhamba a nga bani na gu khala dhoropani ga Anatoti, tigoni ga Bhejami;

Jeremiya 1:1 Iomraidhean Croise

1 Dzipfhumu 2:26

Aholu ga muphasi nya mhamba Abhiyatari, mufumeli a di mu embela, khuye: “Khuga u hongole mahangeni gwago Anatoti, kholu uwe nuwe u di gu fanedwa khu lufu, aholu muhuno kha nyi na gu songa, kholu u di gu rwala Ngasa nya Gidzumeledzwano mbeli ga babe wangu Dhavhidhe, gambe u tshanisekide gumogo ni babe wangu musigaradzoni gwaye gwatshavbo.”

1 Dzikoronika 6:60

Va na Bhejami, va di ningwa madhoropa ya Gebha, gumogo ni mayigwana yakone; ni Alemeti gumogo ni mayigwana yaye; madhoropa yawe yatshavbo, gu kabanisa khu dzinyumba dzawe, ma diri likhumi na mararu.

2 Dzikoronika 35:25

Jeremiya a di emba ndzimo nya gulile Josiya. Vatshavbo vaembeleli nya vama ni vanyamayi, gililoni gwawe, va di ganela khu Josiya, va nga gu simama gu embelela ndzimo yoyo kala na muhuno; owu wu khade nari nayo tigoni ga na Israyeli. Dzindzimo dzedzi nya gililo dzi lovidwe umo nya Libhuku nya gililo.

2 Dzikoronika 36:12

A di thuma ugo guvivbidego mahoni ga Pfhumu Nungungulu waye; uye gima kha nga dzi nogisa mbeli ga muprofeti Jeremiya, a nga bani a gu ganela khu mahungu ya Pfhumu Nungungulu.

2 Dzikoronika 36:21

Gasi gutadzisega magana ya Pfhumu Nungungulu ma ngatago khu kanani ga muprofeti Jeremiya, a nga khuye: Litigo li na pfhungumudwa li khala marumbi gipimo nya livbandre na mavili magumi (70) myaga, gikhati gyatshavbo gegi, litigo li na sayisa dzisabhadho dzaye, li bwelo khavbo li hefemula.

Ezira 1:1

Khu mwaga nya guhegule nya gufume ga Kiro, mufumeli wa Perisiya (gasi gu tadzisega magana ya Pfhumu Nungungulu, ma nga dugago khu kanani ga muprofeti Jeremiya). Pfhumu Nungungulu a di khendzugisa liphuvbo la Kiro, mufumeli wa Perisiya, a huwelela tigoni gwaye gwatshavbo bwelo khavbo a lova khu khwepa a ganela, khuye:

Ezira 2:23

Vathu va Anatoti, lizana ni magumavili na livbandre na vararu (128).

Isaya 1:1

Giwoniso gya Isaya, mwamana wa Amosi, a gi wonidego khu kotani ya Judha ni Jerusalema, matshiguni ya Uziya, Jotamo; Akazi; ni Ezekhiya; vafumeli va Judha.

Isaya 10:30

Laledza khu tshivba ni tshivba uwe nyamahegyane wa Galimi, dzi wonele uwe Layisi! Oh, Gisiwana wewe, Anatoti!

Isaya 2:1

Aya khu magana nya giwoniso gya Isaya, mwamana wa Amosi, mayelano khu Judha ni Jerusalema.

Jeremiya 11:21

Khu guralo, Pfhumu Nungungulu a ngu ganela kharati ga vathu va Anatoti, va vbwetago gu nyi songa na va gu ganela, khavo: “U nga profeti gambe khu lina la Pfhumu Nungungulu gasi u si feli mandzani gwathu.”

Jeremiya 29:27

Gasi olu, ginani gi gu giridego u ngamba kawuka Jeremiya, Muanatoti, oyu a profetago vbakari gwanu?

Jeremiya 30:1

Magana ma nga ta khu ga Pfhumu Nungungulu ga Jeremiya a mu embela, khuye:

Jeremiya 37:12

Jeremiya a di duga khu dhoropani gasi gu hongola tigoni ga Bhejami guya hakha vbakari ga va na gyawe thomba yi mu lumbago.

Ezekiyeli 1:3

Magana ya Pfhumu Nungungulu ma dita ga muphasi nya mhamba Ezekiyeli, mwamana wa muphasi nya mhamba Bhuzi, vbafuvbi ni tsongo wa Kebhari, tigoni gwa Vakalidhiya. Avbovbo, gyandza gya Pfhumu Nungungulu gi diromo gwaye.

Dhaniyeli 9:2

Khu mwaga nya guhegule nya gufume gwaye, eni Dhaniyeli, nyi di wu pima khu gu hevbula umo nya mabhuku, tengo nya myaga, eyi Pfhumu Nungungulu a nga ganelago ga muprofeti Jeremiya, gukhuye khu hwane nya livbandre na mavili magumi myaga, Jerusalema gu na pfhungumudwa gu khala marumbi.

Amosi 1:1

Magana ya Amosi, a nga bani nari moyo nya vahavisi va Tekowa, a ma wonidego khu giwoniso mayelano khu Israyeli, matshiguni ya Uziya, mufumeli wa Judha, ni matshiguni ya Jerobhowamo, mwamana wa Jowasi, mufumeli wa Israyeli, myaga mivili gu si gu manegi girevareva.

Amosi 7:10

Khu guralo, Amaziya, muphasi nya mhamba wa Bheteli, a di rumela guya embela Jerobhowamo, mufumeli wa Israyeli, khuye: Amosi giride gikungo nya gu guwugele, vbakari ga va na Israyeli; litigo kha li dzi kodzi gutimisela magana yatshavbo a ganelago.

Matewu 16:14

Va di hakha, khavo: “Vomo va gukhavo khu Johane Mubhapatisi; vambe vari khavo khu Eliya; vambe khavo khu Jeremiya mwendro moyo nya vaprofeti.”

Matewu 2:17

Gu di tadzisega, kharati, iso si nga ganedwago khu muprofeti Jeremiya, khuye:

Matewu 27:9

Ma di tadzisega kharati, mahungu ya muprofeti Jeremiya, nya gukhayo: “Va di dzega singerengere nya silivha, khu tengo watshavbo nya magumararu, a gu tengo a nga rengiswago khuwo wule a nga rengiswa khu sanana sa Israyeli,