Jakobe 5:17 - Bhibhiliya Nya Guage

¹⁷ Muprofeti Eliya a diri muthu kha nga ethu. Uye a di lombelela khu tshivba, gukhuye yi siwi ndzadzi, gu vbela myaga miraru ni livbandre na moyo migima nyambawa ndzadzi tigoni.

Jakobe 5:17 Iomraidhean Croise

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

1 Dzipfhumu 18:1

Hwane nya gu bani na ma vbindride matshigu nya gutale, khu mwaga nya wuraru, Pfhumu Nungungulu a di ganela kharati ga Eliya, khuye: “Indra dzi wonegisa ga Akabi; kholu nyi na wisa ndzadzi mafuni.”

Luka 4:25

“Aholu nyi ngu mi embelani gambe, khu lisine, kheni: Matshiguni ya Eliya dzi diromo dzinoni nya dzingi tigoni ga Israyeli, gikhati yi nga segegago ndzadzi myaga miraru ni livbandre na moyo migima, yi manega, ndzala nya yikhongolo tigoni gwatshavbo.

Mithumo 10:26

Aholu, Pedro a di mu khusedza, na gukhuye: “Khuga u eme, kholu eni neni nyi muthu nga uwe.”

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Varoma 11:2

Nungungulu kha tsukula vathu vaye a va hathidego gukhugela tshiguneneni. Ina kha mu si pimi esi milowo yi ganedego khu Eliya a ngaya dilela ga Nungungulu khu mahungu ya Israyeli, gani?

Gutuledwa 11:6

Dzifakazi dzedzi dzi na ni tshivba nya gusege ndzadzi yi siwi ndrani nya matshigu yatshavbo nya wuprofeti wawe, ni tshivba gambe nya gu vbindrugedze mati ma gu khala novba, ni gu tsayisa litigo khu mafumbu yatshavbo nya mitungu.