Jakobe 4:1 - Bhibhiliya Nya Guage

¹ Ma guta khu hayi mayunga ni guhambana vbakari gwanu? Ma guta khu gunavela nya guvivbe gu dwanago gikhati gyatshavbo sivbangoni gwanu.

Jakobe 4:1 Iomraidhean Croise

Jeremiya 17:9

Gimwalo gi kanganyisago guvbindra monyo, madwali yaye kha ma thumwi. A na tidwa khu mani?

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Varoma 7:23

Aholu givilini gwangu nya gupwa na wuromo wumbe nayo wu dwanago ni owu wutago khu livhaloni gwangu. Khiso si nyi girago khumbi nya Nayo nya gighoho gi guromo givilini gwangu.

Varoma 7:5

Gikhati hi nga bani hi nga gu vbanya khu tumbunugo nya wuthu, hi di gu fumwa khu gudogolela esi nya guvivbe, khu gu kutsedzedwa khu nayo, iso si di hi yisa gufani.

Varoma 8:7

Gudogolela gwathu nya guvivbe nala wa Nungungulu, kholu kha gu yingeli Nayo wa Nungungulu, gambe kha gu dzi kodzi gu wu landrisa.

Vagalatiya 5:17

Kholu, esi si godwago khu tumbunugo nya wuthu, si ngu dwana ni esi si godwago khu Liphuvbo la Nungungulu; ni esi Liphuvbo la Nungungulu li si golago, si ngu dwana ni esi si godwago khu tumbunugo nya wuthu. Silo sesi sa sivili si hambane. Khiso si girago mu si dzi kodzi gu thuma esi mu si suvago.

Vakolosi 3:5

Songani myonyoni gwanu gunavela gwatshavbo nya wuthu wa mafuni: Wubhayi, horo, wuphuphulu, mahingigedzo nya guvivbe ni ligungo a gu idzosaye ni gu khozela vanungungulu nya malipha.

2 Thimoti 2:23

U nga dzumeli gu hakha mahungu nya wupumbu. U ngu dziti gwadi nya gukhuwe ma gu vanga guhambana.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

Tito 3:9

Aholu, nyenya guganedzisana khu silo nyamba phasa gilo, khu longoloko nya malina ya vakokwe, ni gu dwanisana khu mahungu nya nayo; silo soso satshavbo kha si phasi gilo, si mwalo lisima.

Jakobe 1:14

Aholu muthu ni muthu a gu lingwa khu gudogolela nya monyo waye, wu mu ndrindrago, wu mu senga.

Jakobe 4:3

Mwa gu lomba, kha mu ningwi, kholu, kha mu kodzi gu lomba. Enu mwa gu lombani silo nya gutsakise sivili sanu.

1 Pedro 1:14

Khalani sanana nya guyingise, mu nga dzumeli guvbanya gwanu gu fumwa khu gunavela nya mavbanyelo yanu ya gale; na mu si gu pimini gilo.

1 Pedro 2:11

Dzipari dzangu nya sigodwa, dundrugani gukhenu mu valuveli, mu vawuyi ga litigo leli. Khu guralo, nyi ngu mi lomba mu dige gunavela nya wuthu gu dwanago ni hefemulo.

2 Pedro 2:18

Avo va gu ganela silo nya gu dzi khusedze nya wupumbu, va sengedzela vathu khu gunavela gwawe nya silo nya guvivbe ni wubhayi, va ndreyisa vale va guromo vbafuvbi ni gu duga ndzilani ya vale va vbanyago guvivbani.

2 Pedro 3:3

Guphela gu vbweta mu dzitini gukhenu guvbelani nya matshigu va na dugelela vathu va nya gufumwa khu gunavela gwawe, va na mi poyila,