Jakobe 3:6 - Bhibhiliya Nya Guage

⁶ Lidimi li khade nga nilo. Litigo nya guvivbe li gu na ni wulanga givilini gwathu, li ngu nyenyezisa wurumba wathu watshavbo. Na li khondrisidwe khu nilo wa Sathane, li ngu dzi kodza guvbisa guvbanya gwathu gwatshavbo.

Jakobe 3:6 Iomraidhean Croise

2 Samuweli 16:20

Khavbo avbo, Abhisalamo a di embela Ayitofeli, khuye: “Nga ningani wanu wusingalagadzi ga iso hi yelago gu gira!”

2 Samuweli 19:43

Va na Israyeli va di hakha va na Judha, khavo: “Hi na ni likhumi sipandre si hi lumbago ga mufumeli, ambari khavbo gwaye ethu hi ngu mi vbindra; khu ginani enu mu ngamba hi thela kota? Khandri a diri ethu hi nga hadza gu dusa lito nya gu wuyise mufumeli wathu, gani?” Aholu magana ya na Judha ma diri ni tshivba ngudzu guvbindra ya na Israyeli.

2 Dzikoronika 13:17

Abhiya ni vathu vaye, va di songa vathu nya gutale ngudzu va na Israyeli, gu thega khu gumogo tengo nya livbandre mazana magumi mazana (500.000) vama nya guhathwe.

Dzindzimo 140:3

Va gu lodza malimi yawe gukhwatshi dzinyoga, magana yawe kha nga wuhungu nya mamba.

Dzindzimo 64:3

Va gu lodza lidimi gu fanana ni litshari va khwandra magana nya guvivbe kha nga siholoma,

Mavingu 15:1

Phindrulo nya gu dzi nogise, yi ngu vbodzisa likhulo, aholu magana nya gupaye, ma gu wusa likhulo.

Mavingu 16:27

Muthu nya madhadhavale a gu luga mano nya guvivbe, magana yaye khya guvbisa nga malavbelavbe nya nilo.

Mavingu 6:19

fakazi nya gukanganyise yi phalalegisago malipha ni uye a wusago mayunga vbakari ga vandriyaye.

Mavingu 7:5

gasi si gu ndreyisa ga nyamayi nya gibhayi, uye a sengedzelago khu magana nya gulombele.

Isaya 30:27

Wonani nya gukhenu lina la Pfhumu Nungungulu la guta khu hwindzo na liri ni giviti. Likhulo laye na la gu khondra li dusa wutshi nya guthise, kanani gwaye gu tade khu khorodza, ni lidimi laye la gu fanana ni nilo nya gumbembise.

Isaya 50:11

Gasi enu mu khuthago nilo, ni gu wu furugedzela gasi wu khondre, mu na thegela umo nya malavbelavbe nya nilo mu wu khondrisidego mwabune, mu vbiswa khu dzitshahe nya gukhondre dzi pirigago, isoso si nata khu gu rumedwa khu gyandza gyangu, mu nafa khu tshanisa nya yikhongolo.

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 28:16

Khu guralo, Pfhumu Nungungulu a ngu ganela kharati, khuye: Wona nya gukhuwe Eni nyi na gu dusa mafuni, u nafa ndrani nya mwaga yoyu, kholu u profetide malipha u wugela Pfhumu Nungungulu.”

Levhi 24:11

Gyanana gya nyamayi nya Muisrayeli gi di hembulula gi vala Lina la Pfhumu Nungungulu; khavbo avbo, va di gi dzega va gi yisa ga Mosi. Mayi wakone a di ranwa pwani khu Selomiti, gyanana gya Dhebhiri, nya lihundzu la Dhani.

Mitengo 25:2

Avo va di ndrindredzela vathu umo nya miphaso ya vanungungulu vawe; khu guralo, vathu va na Israyeli va di hodza dzimhamba dzodzo, va wuya va khidzimela vanungungulu vawe, va va girela miphaso.

Mitengo 31:16

Wonani nya gukhenu, vanyamayi khavo va nga ghohisa va na Israyeli mbeli ga Pfhumu Nungungulu khu silayelo sa Bhalahama, gu kala va na Israyeli va ghoha mbeli ga Pfhumu Nungungulu, khu makungo ya Bhahali-Peyori, gu kala gu duga tungu wule tshanganoni ga Pfhumu Nungungulu.

Matewu 12:24

Aholu Vafarisi, na va pwide esi, va di khavo: “Uye a gu tutumisa maphuvbo nya guvivbe khu tshivba ya Bhelizebhu, khongolo nya maphuvbo nya guvivbe.”

Matewu 5:22

Gasi eni nyi ngu mi embelani, kheni: Uye a zangarelago ndriyaye a na thethiswa; uye a ranago muthu kwawe khuye mbeveve fanede gu lamudwa khu madhota. Uye a ranago muthu kwawe khuye gipumbu a na rinywa phalani nya nilo.

Marko 7:15

Muthu kha nyenyeziswi khu silo sa vbavbandze si belago ndrani gwaye, aholu a gu nyenyeziswa khu esi si dugago khu ndrani gwaye.

Luka 16:24

Khavbo avbo, a di khuye: Baba Abrahama, nyi pwele wusiwana u nyi rumela Lazaro ni simatyana khu nyala ata nyi dzidzidza lidimi, kholu nyi ngu dagarela vbakari nya nilo yoyu.

Mithumo 20:30

Ambari khu vbakari gwanu va na dugelela vathu va na gu hevbudzago malipha, va gu dzimedza vakhodwa.

Mithumo 5:3

Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

Mithumo 6:13

Va di mu singedza malipha, khavo: “Oyu mwama kha garali khu gu hembulula Nyumba ya Nungungulu ni Nayo.

Dhewuteronome 13:6

Ndriyago, u velegidwego naye khu mayi moyo, mwendro gyanana gyago nya mwama mwendro nya nyamayi, mwendro mwangadzi wago nya gu mu haladze, mwendro pari yago nya gu yi gole kha nga hefemulo wago, a gu ganela khu gisihaledza, khuye: Hongole hi khozela vambe vanungungulu, avo uwe u ngamba vati, ambari vababe vago,

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

Jakobe 2:7

Ina khandriso sitetema si ganelago guvivba khu lina nya ladi, eli a mi ningidego, gani?

Jakobe 3:7

Kholu muthu a ngu dzi kodza gu fumela sivangwa satshavbo, sirengo nya likhabi, ni sinyoni, ni sirengo si khwirirago khu lididi mafuni, ni sa matini si ngu fuywa ni gu fumwa khu vathu.

2 Pedro 3:3

Guphela gu vbweta mu dzitini gukhenu guvbelani nya matshigu va na dugelela vathu va nya gufumwa khu gunavela gwawe, va na mi poyila,

3 Johane 1:10

Khu guralo, gikhati nyi na vbohago iyoyo, nyi nata mu kawuka, khu kotani nya esi a girago; khu kotani nya silo nya guthise ni malipha a ganelago khu ethu. Aholu, kha tsaki basi khu gu gira isoso, kholu va gu vboha vandruye, uye kha va hakhi. Mumbe muthu a gu vbweta gu va hakha, uye kha mu dzumedzisi, gambe a gu mu tutumisa muthu yoyo ndrani nya libandla.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 18:23

Wenengedzo nya kandriya gima kha wu na wenengedza gambe ndrani gwago, kha li na pwala gambe dzinyumbani gwago lito la mwama ni ngadzi, khaguva vasundzi vago va diri vafumeli nya mayigo, kholu mafu yatshavbo ma pengisidwe khu wuloyi wago.”

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.