Jakobe 3:10 - Bhibhiliya Nya Guage

¹⁰ Khu kanani ga gumogo, hi ngu dusa magana nya gurungudze ni magana nya guvale. Vandriyangu, kha gu vbwetegi kharato.

Jakobe 3:10 Iomraidhean Croise

Genesi 20:9

Hwane nya ugo, Abhimeleki a di ranisa Abrahama a mu embela, khuye: “Ginani u giridego gwathu? Gihoso muni hi giridego gwago, gu kala u rana nandru nya wukhongolo ngudzu ga eni ni litigo langu latshavbo? Uwe u nyi girede esi si si yeligo gu girwa khu muthu.”

2 Samuweli 13:12

Aholu Tamari a di mu embela, khuye: “Ahihi ndriyangu, u nga nyi gurumedzi gu gira silo nya nga isoso, kholu omu tigoni ga Israyeli, kha va giri silo nya guhandruge nya isoso.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Varoma 12:14

Lombelelani khu vale va mi tshanisago, va kategiseni, mu nga va vali.

1 Vakorinto 3:3

kholu mu nga gu vbanya kha nga vathu va mafuni momu basi. Olu gu manegago wufu ni mayunga vbakari gwanu, ina kha gu yeyedzi gupwani mu nga gu vbanya nga vathu nya mafu, gani? Khandri mwa gu vbanya kha nga avo, gani?

1 Thimoti 5:13

Va olovela gu khala basi, va gimbila khu ndranga ni ndranga, va ganelela mapepetela niso nyambaya khumo.

Jakobe 1:16

Mu nga dzi pfhadzi, vandriyangu nya sigodwa,

Jakobe 1:19

Sitini gwadi esi, vandriyangu nya sigodwa; muthu ni muthu a na vbiredze gupwa, a hwela gu ganela, a hwela gu goroga.

Jakobe 3:1

Vandriyangu, mu nga dwaneli mwatshavbo gu khala vahevbudzi, kholu, kha nga mu dzitigo, ethu hi hevbudzago hi na mana gulamudwa nya gugaradze ngudzu guvbindra vambe.

Jakobe 3:11

Ina gi ngu dzi kodza gifefe gya gimwegyo gu dusa mati nya dosi ni mati nya guvave, gani?

Jakobe 3:9

Khu lidimi, hi ngu rungudza Nungungulu a gu Babe wathu, khu ilo gambe, hi ngu vala vathu va giridwego khu mufananiso wa Nungungulu.

1 Pedro 3:9

Mu nga bweledzeli guvivba khu guvivba, ambari guvala khu guvala. Aholu kategisani kholu mu ranedwe guta hakha gikategiso.