Jakobe 2:6 - Bhibhiliya Nya Guage

⁶ Aholu, enu mwa gu nyenya sisiwana. Ina khandriso sitetema si mi sololago si mi yisani phathani muya lamudwa, gani?

Jakobe 2:6 Iomraidhean Croise

Joba 20:19

kholu, a di tshanisa sisiwana a si hembulula, a wandra dzinyumba a ngamba dzi vbaha.

Dzindzimo 10:10

A gu holelela, a dzi fumba, a ndraga; gisiwana gi thegela mandzani gwaye.

Dzindzimo 10:14

Aholu Uwe u ngu wona, guvbisega ni gutshaniseka, u si vega mandzani gwago. Uye a sanisekago a gu dzi ningela mandzani gwago; uwe khuwe u vhikelago khulungu.

Dzindzimo 10:2

Va nya guvivbedwa khu monyo, va gu dzi khusedza va tshanisa sisiwana; va na pfarwe khu kuni va nga riyago vabune.

Dzindzimo 10:8

A gu varamela vathu vbafuvbi nya dzindranga, a sihala afela gu songa muthu nyambana nandru; maho yaye ma gu holelela gisiwana.

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 14:6

Enu mu zamago gu sega wusingalagadzi nya sisiwana, dzitini gukhenu Pfhumu Nungungulu khuye wuthavelo wawe.

Mavingu 14:31

Uye a tshanisago gisiwana, a gu vala Muvangi waye, aholu uye a sayisago gwadi gisiwana a gu zundza Nungungulu.

Mavingu 17:5

Uye a nyenyago gisiwana, a gu vala Muvangi waye, ni uye a tsakiswago khu gu wona vambe vari mhangoni, kha na vbuluga.

Mavingu 18:23

Gisiwana gya gu ganela khu gu dzi thesa vbavbatshi, aholu gitetema gya gu phindrula khu dzihanyi.

Mavingu 22:16

Uye a tshanisago gisiwana, a gu gi ninga wufumu, aholu uye a ningago gitetema, a gu gi thela wusiwana.

Mavingu 22:7

Gisiwana gya gufumedwa khu gitetema, ni uye a fiyarigo mangava, a gu khala khumbi ya mufiyarisi.

Muhevbudzi 5:8

Wa gu tshuka u wona tigoni na gu tshaniswa sisiwana ni gu hambaniswa nayo, u nga samali kholu uye a gu khongolo a na ni mumbe vbatshani gwaye a mu kalavelago a gu khongolo guvbindra uye, vbatshani ga avo va vavili, womo gambe uye a khusegidego ngudzu gu va vbindra a va kalavelago nuyeavo.

Isaya 53:3

Uye a di nyenywa ni gu hembuludwa vbakari nya vathu; uye a diri muthu nya wuvi ni guti gutshaniseka, a di fanana ni muthu, nya gu, a gu wonwa khu vathu va mu sihalela.

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Habhakuka 3:14

Khu sighalala sago, u payide ndruna nya dzindrena dzaye, avo vatago kha nga gipupwane guta nyi phalalegisa; na va gu bhuma gukhwatshi va gu songa gisiwana umo gi sihadego.

Zakariya 7:10

Mu nga tshanisini dzinoni ni sigulungu, valuveli ni sisiwana ambari gu luga makungo myonyoni gwanu nya gutshanisane khu gyanu.

Johane 8:49

Jesu a di va phindrula, khuye: “Nyi mwalo liphuvbo nya guvivbe, aholu nya gu rungudza Babe wangu; gasi enu mwa gu nyi nyenya.

Mithumo 13:50

Aholu Vajudha va di kutsedzela vanyamayi nya vakhodwa nya guthavisege, ni vama nya sitetema va dhoropani mule va wugela Pawulo ni Bharinabha kala va va tutumisa tigoni gwawe.

Mithumo 17:6

Na va va hamugile, va di ndrindrandrindra Jasoni ni vambe vandruye va gu hongola navo ga vafumeli vaya, khavo: “Ava vama va wusidego pfilupfilu tigoni gwatshavbo va vbohide ni omu gwathu gambe,

Mithumo 18:12

Galiyo, nari mwamangulu wa Akaya, Vajudha va di pwanana va wugela Pawulo va mu yisa phathani,

Mithumo 8:3

Gasi Sawule, khu gu zondra libandla, a di gimbila khu ndranga ni ndranga a molela vama ni vanyamayi a va khothela pasoni.

1 Vakorinto 11:22

Ina mu mwalo magaya nya guhodze ni gu sela iyo, gani? Khu ginani mu kanyisa libandla la Nungungulu, muya thela dzitshoni vale va gu mwalo gilo? Mwa gu vbweta nyi mi embela kheni ginani? Mwa gu vbweta nyi mi zundza, gani? Ahihi, ga esi silo kha nyi mi zundzi ne vbadugwana!

Jakobe 2:3

enu mwa gu khatalela oyu nya gitetema a ambadego gwadi, khenu: “Khala avba wulanga nya guthavisege,” khu hwane, mu embela gisiwana, khenu: “Uwe ema avba, wa gu dzina khala vbavbatshi, migondroni gwangu.”

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.

Jakobe 5:6

Enu mu ngu ninga nandru, mu songa vathu nyambana nandru, avo kha va dzi kodzi gu dzi vhikela gwanu.