Jakobe 1:9 - Bhibhiliya Nya Guage

⁹ Aholu ndriyathu nya gisiwana a na nengele a gu ningwa guvbanya nya wutshukwana.

Jakobe 1:9 Iomraidhean Croise

Dzindzimo 62:9

Vathu vatshavbo, sisiwana ni sitetema; va gu fanana ni furugedzo; va gu pimwa mugikaloni, va gu manega vasiri gilo, va gu vbevbuga guvbindra furugedzo.

Mavingu 17:5

Uye a nyenyago gisiwana, a gu vala Muvangi waye, ni uye a tsakiswago khu gu wona vambe vari mhangoni, kha na vbuluga.

Mavingu 19:1

Muthu nya gisiwana a gimbilago khu ndzila nya gululame, a ngu vbindra muthu nya gipumbu a dusago magana nya wukanganyisi khu kanani gwaye.

Isaya 29:19

Va nya gurula va na mana gunengela ga Pfhumu Nungungulu, sisiwana ni vahamugi vbakari nya vathu, va na nengela va ghiya ga Nyaguage wa Israyeli.

Luka 1:52

Tshiside vafumeli musikhaloni gwawe nya wufumu a gu khusedza va nya gusolega;

Luka 10:20

Gasi enu, mu nga tsakini basi khu gu yingiswa khu maphuvbo. Aholu tsakani kholu malina yanu ma lovidwe Ndzadzini.”

Luka 14:11

Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”

Luka 9:48

“Muthu watshavbo a na hakhago gyanana nya nga egi khu lina langu, kheni a nyi hakhago. Gasi uye a nyi hakhago, a gu hakha wule a nga nyi rumelago. Kholu wule a dzi sodzisago ngudzu vbakari gwanu, uyoyo khuye a gu khongolo.”

Varoma 8:17

Ha gu bani hiri sanana, gu yeyedza gu pwani hi vahodzi gambe nya thomba; hi vahodzi nya thomba ya Nungungulu gumogo ni Kristo. Ha gu tshaniseka naye, hi na hengela gambe naye wudhumoni gwaye.

2 Vakorinto 6:10

Gukhwatshi hi swihade, aholu hi ngu nengela gikhati gyatshavbo; gukhwatshi hi sisiwana, aholu hi fumiside nya vangi; gukhwatshi hi mwalo gilo, aholu hi naso satshavbo.

Dhewuteronome 15:11

Khu guralo, gima kha gu na hamugega sisiwana tigoni gwago; khu kotani nya isoso, nyi ngu gu leletela, kheni: Thawuludza mandza yago nu tshulegide u ninga ndriyago, ni muhamugi, ni gisiwana gi guromo tigoni gwago.

Dhewuteronome 15:7

Vbakari gwago gwa gu tshukha gumanega moyo nya gisiwana wa na gyanu, ga limwedo nya madhoropa yago, tigoni mule Pfhumu Nungungulu wago, a gu ningago, u nga bangisi monyo wago, gambe u nga fumbaredzi mandza yago ga ndriyago nya gisiwana;

Dhewuteronome 15:9

Dzi wonele, gu nga manegi mapimo nya guvivbe monyoni gwago, ambari gu ganela, khuwe: Womo vbafuvbi mwaga nya livbandre na wuvili, a gu mwaga nya tsetselelo, maho yago ma manega na ma gu vala ndriyago nya gisiwana, u si mu ningi gilo. Uye a gu lila khu uwe ga Pfhumu Nungungulu, u na manega nuri ni gighoho.

Vafilipi 3:14

Khu magirelo yoyo, nya gu simama gu hongola mbeli kala mahegiso, gasi guya mana tshatshazelo Nungungulu a tumbisidego guya hi ninga Ndzadzini khu ga Kristo Jesu.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

Gutuledwa 2:9

Nyi ngu guti gutshaniseka gwago ni wusiwana wago, (aholu u fumide.) Nyi ngu dziti gambe edzi va gu nyenyago khidzo vale va dzi ranago Vajudha vasiri avo, kholu avo tsawa nya valandreli va Sathane basi.

1 Samuweli 2:8

A ngu khusa gisiwana umo nya kudzudzwane ni gu dusa wusiwanani muhamugi, gasi gu va khadzisa gumogo ni dzipfhumu; ni gu va ninga thomba nya gikhalo nya wudhumo; kholu siseketelo nya mafu khya Pfhumu Nungungulu, vbatshani nya iso, handzegide litigo.