Jakobe 1:4 - Bhibhiliya Nya Guage

⁴ Aholu gutimisela gu vbwetega gu manega ni mithumo ya yadi yi vbeledego, mu fela gu khala vathu va vbeledego nyambana gihoso.

Jakobe 1:4 Iomraidhean Croise

Joba 17:9

Aholu, muthu nya gululame a na simama ndzilani gwaye, ni avo mandza yawe ma agidego, va na simama va mana tshivba.

Dzindzimo 37:7

Tumba Pfhumu Nungungulu u vega gwaye gitumbo gyago, u nga garadzegi khu vale va dugelelago guvbanyani gwawe, khu kotani nya muthu a thumisago wurena.

Dzindzimo 40:1

Nyi tumbide Pfhumu Nungungulu khu monyo wangu watshavbo; Uye a di noga a nyi yingisa gikhati nyi nga lomba giphaso.

Mavingu 4:8

Gu dandrise, ugo nugo wu na gu khusedza, wa gu gu gumbarela, ugo gu na gu dhumisa.

Habhakuka 2:3

Kholu giwoniso gi na vbedza gikhati nya gukari, gya gu ganela khu matshigu nya guhegise, gima kha gi na lipha; ambari gya gu hwela, gi lindrele, kholu gi nata, kha gi na hwela.

Matewu 10:22

Gasi enu mu na zondrwa khu vatshavbo khu kotani nya lina langu. Aholu uye a na tsaramago kala mahegiso a na vbanyiswa.

Matewu 19:20

Lidzaha li di mu embela, khilo: “Nyi ngu landrisa satshavbo soso gukhugela wananani gwangu; ginani gi nga tshadego?”

Matewu 5:48

Khu kharato, lulamani mulisineni kha nga Babe wanu wa Ndzadzini a lulamidego.

Marko 10:21

Jesu, na mu khedzide, a di tsakiswa khuye a gu mu embela, khuye: “U nga gu keneledwa khu gimwegyo basi. Indra u ya rengisa satshavbo u gu naso, u ninga sisiwana, gasi u mane thomba ya Ndzadzini. Hwane nya iso delu uta nyi landrela.”

Luka 18:22

Na pwide esi, Jesu a di mu embela, khuye: “Gimwegyo basi gi nga tshadego. Rengisa satshavbo u gu naso, u kabanisela dzitsapawu dzakone sisiwana, gasi u mane thomba ya Ndzadzini. Nu giride isoso, delu uta nyi landrela.”

Luka 21:19

Khu gu timisela gwanu, mu na vbanyisa mihefemulo yanu.

Luka 8:15

Yile yi nga thegela wulimeni nya wadi khu vale nya gu, na va ma pwide, va ma hakha khu monyo nya wadi nya gululame, va ma vegedza nyamba rereka kala va gu thela mihandro.

Johane 17:23

Eni gwawe, uwe gwangu, gasi avo va pwanane nya guvbelele, gasi litigo li dziti gwadi gukhilo khuwe u nyi rumedego, ni gukhilo u va gode kha nga idzo u nyi godego khidzo.

1 Vakorinto 2:6

Ga vale va vidzidwego gukhodwani, hi ngu tivisa guti. Khandri guti ga mafuni momu, mwendro ga vale va fumago khu tshivba mafuni, kholu avo, mahegiso yawe khu gu vbeledwa khu wufumu;

Vagalatiya 6:9

Hi nga garali khu gu gira esi nya sadi. Kholu, ha gumba rereka, hi na vbwera khu gikhati gyakone.

Vakolosi 4:12

Hakhani gambe malosedzela ya Epafrasi a gu moyo nya libandla lanu a guromo thumoni wa Kristo Jesu. Uye milombeloni gwaye a ngu lombelela ngudzu ga Nungungulu gukhuye mu simame gutiya, mu landrisa khu guvbelela guhaladza gwa Nungungulu.

1 Vatesalonika 5:23

Nungungulu nya gurule a na agise ni gu sayisa sivili sanu ni mihefemulo yanu kala a wuya Pfhumu yathu Jesu Kristo.

2 Thimoti 3:17

gasi muthu wa Nungungulu a khale nya guvbelele, a kodze gu gira mithumo yatshavbo nya yadi.

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

Jakobe 3:2

Kholu ethu hatshavbo hi ngu hosisa. Oyu nyamba hosisa guganelani gwaye muthu a vbeledego, a na ni tshivba nya gu dzi phare wurumba waye.

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.

2 Pedro 1:9

Aholu, uye a gu mwalo naso silo sesi, a ngu fanana ni gikhumu, mwendro ni muthu nya gurole mapimo, a divaledwago khu gukhuye sighoho saye sa gale si tsetseledwe.