Isaya 64:2 - Bhibhiliya Nya Guage

² Gufanana ni nilo gikhati wu thedwago dzikhuni nya gubange wu khondra, wu vilisa mati, gasi valala vago va kodza guti lina lago, kharati mayigo ma di hadza gu ndrendremela mbeli gwago!

Isaya 64:2 Iomraidhean Croise

Dzindzimo 106:8

Ambari ulo a di va vbanyisa khu kotani nya gisambanyo gyaye, afela gu wonegisa tshivba nya wugulu waye.

Dzindzimo 46:10

Rulani, mu dzitini gukhenu: Eni nyi Nungungulu nyi guromo vbatshani nyi ngu khusedzwa vbakari nya mayigo, nyi ngu zundzwa khu litigo.

Dzindzimo 79:10

Kholu mayigo ma na wudzisa, khayo: Womo hayi Nungungulu wawe? Yeyedza vathu vovo hi wona gu phodzela nya novba wa vathu vago va nga wu vbaladza.

Dzindzimo 83:13

Nungungulu wangu, va phalalegise kha nga mungu, kha nga marego nya gubange ma vbuvbiswago khu phuvbo.

Dzindzimo 9:20

Va thele hwanga, Pfhumu Nungungulu; va nya mayigo va na dziti gukhavo vathu basi.

Dzindzimo 99:1

Pfhumu Nungungulu a ngu fuma! Ma na ndrendremele mayigo. Khade vbatshani nya dzikerubhimi li ngu khuyuga litigo.

Ekisodha 14:4

Khavbo avbo, Eni nyi na bangisa monyo wa Faro ni mabutho yaye yatshavbo nya nyimbi, khavbo va na dzitigo Vagipiti gukhavo Eni kheni Pfhumu Nungungulu. Avo va di gira kharato.

Isaya 28:21

Kholu Pfhumu Nungungulu a na khuga a ema nga idzo a nga girago gigomoni gya Perazimi, a goroga kha nga idzo a nga girago kovani wa Gibheyoni, gasi gu gira thumo waye, thumo nya guthise, a vbedzisa thumo waye, thumo waye nya gu samadzise.

Isaya 37:20

Gasi olu, uwe Pfhumu Nungungulu wathu, hi vbulugise khu mandzani gwaye, gasi mifumo yatshavbo ya mafuni yi dziti gukhiyo uwe khuwe basi u gu Pfhumu ni Nungungulu.

Isaya 63:12

wule libogo laye nya wudhumo a va giridego va gimbila khu libogo la nyamudye la Mosi? A nga kabanisago mati khu vbakari mbeli gwawe, gasi gu dzi girela lina nya gupindruge, gani?

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Amosi 4:12

Khu guralo, nyi nga na gu gu tsayisa, uwe Israyeli! Kholu nyi na gu gira kharalo! Olu uwe Israyeli dzi dongisele, gasi u ta tshangana ni Nungungulu wago.

Mikeya 1:4

Sigomo si na nyiviliga vbavbatshi nya migondro yaye, ni mikova yi na tulega nga mafura vbavbatshi nya nilo, kha nga mati ma gogago releloni ma khala nondrwa.

Zakariya 14:4

Khu litshigu lolo, a na ema khu migondro yaye mugigomoni nya Miolivha gi guromo mbeli nya lidhoropa la Jerusalema, khu phuvbo ga Khugadambo. Gigomo nya Miolivha gi khedzanidego ni Jerusalema khu Khugadambo kala Muhwadambo, gu na manega kova nya wukhongolo ngudzu. Gimbe gipandre nya gigomo gi na thegela Wuronga, gimbe gi thegela Marandzi.

Dhewuteronome 2:25

Muhuno, nyi na phela gu thela likhulo ni hwanga khu uwe ga vathu va vbanyago mafuni; avo va na pwago ndruma yago va na ndrendremela ni gu thava mbeli gwago.