Isaya 51:3 - Bhibhiliya Nya Guage

³ Kholu Pfhumu Nungungulu a na tangadzisa Siyoni, ni gupwa gisiro khu malanga yatshavbo ma khadego marumbi; giwula gyaye, a na gi gira gi fanana ni Edheni, marumbi yaye ma fanana ni lithembwe la Pfhumu Nungungulu. Umomo gu na manega litsako ni gughiya, gu na manega gubonga ni dzindzimo nya sizimba.

Isaya 51:3 Iomraidhean Croise

Genesi 13:10

Loti a di khedzisa lipani latshavbo nya tsongo wa Joridhani. Lithembwe li di theledzedwe gwadi mati, gufanane ni Egipito, li anama kala gu vboha tigoni gwa Zowari. Esi satshavbo si giregide Pfhumu Nungungulu na si gu khungumuli Sodhoma ni Ghomora.

Dzindzimo 85:8

Nyi na yingisa esi Pfhumu Nungungulu a na ganelago, kholu a na ganela khu mahungu nya gurule ga vathu vaye, ni ga vale va khodwago gwaye; gasi va si wuyeleli gambe wupumbuni.

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 35:6

Silima si na ndragandraga kha nga dzimangwa, ni malimi nya sidudu ma na kulungela khu gutsaka, kholu mati ma na goga giwulani ni gu buga mitsongo mafuni nya gihala.

Isaya 41:16

U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 43:19

Wonani nya gukhenu nyi na gira gilo nya giphya, gi na dugago mu gi wona; ina kha mu si woni, gani? Wonani nya gukhenu nyi tude ndzila giwulani, nyi pola mitsongo mafuni nya gihala.

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Isaya 49:13

Ghiyani mu womba mikulungwane, enu ndzadzini, u nengela khu gutsaka, uwe litigo, ni enu sigomo bhumani mu kulungela, kholu Pfhumu Nungungulu pwide gisiro, a tangadzisa vathu vaye.

Isaya 49:19

Kholu Ambari siwulani gwago ni malangani gwago nya marumbi, ni litigo lago li mbembisidwego, kha li na enela guvbaha umo vathu vago; ni avo va nga gu mbembisago va na bani vari hwindzo nago.

Isaya 49:8

Pfhumu Nungungulu a ngu engedza a ganela kharati, khuye: Khu gikhati gi vbwetegago, nyi gu yingiside, khu litshigu nya guvbanyise nyi gu phaside, nyi gu sayisa u khala uwe gidzumeledzwano ni vathu, gasi u wusedza litigo, ni gu va kavedzela dzithomba dzi ghohetedwego;

Isaya 51:12

Eni kheni kamwe nyi na gu mi tangadzisago; gasi uwe, khuwe mani, nya gukala u thava vathu va fago va hina, mwendro sanana nya vathu si na bangago gu fanana ni mwasi?

Isaya 52:9

Ghiyani mu embelela gumogo, enu marumbi ya Jerusalema; kholu Pfhumu Nungungulu tangadziside vathu vaye, a tshudzisa Jerusalema.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 65:18

Aholu mu na tsaka mu nengela khu satshavbo iso nyi na gu si vangago; kholu wonani lidhoropa la Jerusalema, nyi na li gira nari ilo li tsakisago vathu vangu, ni vathu vaye va khala na va nengede.

Jeremiya 31:25

Kholu nyi na rudzisa mihefemulo yi garadego ni gu ninga tshivba iyo yi khuvegidego.

Ezekiyeli 28:13

Uwe u diromo Edheni, thembweni ga Nungungulu; u di gu dzi fenengedza khu siwindri satshavbo nya lisima a gu esi: Saridhiyo, topaziyo, dayimani, bherilo, onikisi, jasiperi, safira, karibhukulo ni esmeralidha; ndralama a diri iyo sikwinyaro sago, iso si lulamisedwego litshigu u vangidwego.

Ezekiyeli 36:11

Nyi na engedzela gwanu vathu ni sirengo; avo va na engedzelana, ni melego wawe wu na andra; gu na bwelo khavbo gu manega gambe vathu nya gukhale malangani momo kha nga gale, nyi na mi andrisa ngudzu guvbindra guhegulani; a ngu ganela Pfhumu Nungungulu.

Ezekiyeli 36:35

Va na ganela, khavo: Litigo leli li nga bani li khade marumbi, li khade nga lithembwe la Edheni; madhoropa ma nga bani ma khungumudwe ma vbindrugedza ma khala marumbi, olu ma vbahedzidwe ma bwelo khavbo gu khala vathu.

Joyele 2:3

Mbeli gwawe gu thangide nilo nya gumbembise; khu hwane gwawe gu wonega malavbelavbe nya nilo; mbeli gwawe mafu ma gu fanana ni lithembwe la Edheni, aholu khu hwane gwawe gu di fanana ni giwula nya gihala; mwalo a na vbulugago.

1 Pedro 1:8

Enu mu ngu mu haladza, ambari mu ngamba mu wona; mu ngu khodwa gwaye, ambari mu si mu wonigo olu. Khu guralo, enu mu ngu nengela khu gutsaka nya gukhongolo ngudzu, ni wudhumo wu tandrwago gu ganedwa khu magana.