Isaya 43:2 - Bhibhiliya Nya Guage

² Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Isaya 43:2 Iomraidhean Croise

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Dzindzimo 66:12

u hi ningede hi gandredzedwa khu valala vathu; u hi vbindrisa khu niloni ni matini, olu, khu guhegisa u hi duside, u hi vbohisa tigoni nya ladi, nya gukhadzisege.

Dzindzimo 23:4

Ambari nyi gimbila kovani nya gidema nya lufu, kha nyi na thava gilo, kholu u womo vbafuvbi gwangu; ndronga ni tshetengelo wago yi ngu nyi tiyisa.

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Vahebheru 11:29

Khu gukhodwa, va na Israyeli va di tshatuga yiphwa nya Gufuvile gukhwatshi va gu gimbila mafuni nya gubange. Gikhati Vagipiti va nga pima gu tshatuga navo, va di langaladzwa khu mati, vafa.

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Dzindzimo 66:10

Kholu uwe Nungungulu u hi lingide, u hi agisa kha nga idzo yi agiswago khidzo parata.

Ekisodha 14:29

Aholu sanana sa na Israyeli si di tshatuga khu mawundru vbakari nya yiphwa nya gubange na si gu giredwa libhiyo khu mati, khu nyamudye ni nyambade.

2 Thimoti 4:17

Aholu, Pfhumu yi diri ni eni yi nyi ninga tshivba nya gutivise Mahungu maphya nya Yadi ma hakhwa khu va nya mayigo. Khu kharato, nyi vbulugide kanani nya nghala

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

2 Thimoti 4:22

Pfhumu a na khale ni uwe, wuhigo wa Nungungulu wu na khale ni enu. Amen.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Isaya 30:27

Wonani nya gukhenu lina la Pfhumu Nungungulu la guta khu hwindzo na liri ni giviti. Likhulo laye na la gu khondra li dusa wutshi nya guthise, kanani gwaye gu tade khu khorodza, ni lidimi laye la gu fanana ni nilo nya gumbembise.

Isaya 29:6

Pfhumu Nungungulu nya Tshivba Yatshavbo, a nata gu tsayisa khu mabara, sirevareva, ni gudzuma nya guthise, ni singulu ni sipupwane ni malavbelavbe nya nilo nya gumbembise.

Malakiya 4:1

Kholu wonani nya gukhenu nya guvbise kha nga nilo nya magala; vatshavbo va nya matshandza, ni vatshavbo va girago guvivba va na gira kha nga mwasi nya gubange; litshigu lolo li na vbohago, li na va vbisa nyamba tshiya gilo gwawe, ambari khamba mwendro matamo, a ngu ganela Pfhumu Nungungulu nya Tshivba Yatshavbo.

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Dzindzimo 32:6

Khu guralo, watshavbo uye a gu gihathwa gyago, a na lomba gwago gikhati nya sigaradzo, wa gu manega talo nya ndrambi, uye gima kha na vbohedwa khuwo.

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Jeremiya 42:11

Mu nga khali hwanga khu gu thava mufumeli wa Bhabhiloni, mu thusedzedwago khuye; Pfhumu Nungungulu a ngu ganela khuye, mu nga mu thavi, kholu eni nyi nanu, gasi gu mi vbanyisa ni gu mi tshudzisa mandzani gwaye.

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.

Dhaniyeli 3:23

Vama vava va vararu, Sadraki, Misaki ni Abhedhi-Negho, va di thega gidhingiseloni nya nilo nya gudzure na va hungidwe.

Agewu 1:13

Khavbo avbo, Agewu, girumwa gya Pfhumu Nungungulu, a di ganela ga vathu gukhedza khidzo a nga rumedwago khidzo khu Pfhumu Nungungulu, khuye: “Eni nyi womo vbakari gwanu, a ngu ganela Pfhumu Nungungulu.”

Joba 5:19

Ambari wa gu dugeledwa khu livbandre na mweyo dzimhango, uye a na gu vbulugisa, guvivba ga iyo nya livbandre na dzimbili, kha gu na nga gutshanisa.