Isaya 41:2 - Bhibhiliya Nya Guage

² Khu mani a wugidego khu Khagadambo, muthu nya tshivba a palago ni evbini a hongolago, na? A wuya a mu ninga mayigo ni gu khozisa vafumeli mbeli gwaye? Khu litshari laye, a di va vbindrugedza va khala kudzudzwane, khu wulaho waye, a va gira kha nga mavivi ma vbuvbiswago khu phuvbo?

Isaya 41:2 Iomraidhean Croise

Genesi 11:31

Khavbo avbo, Tera a di khuga khu Uri, a gu dzega mwanaye Abrahama gumogo ni gitugulwana gyaye Loti, gyanana gya Harani, ni ngadzamwane waye Sarayi, mwangadzi wa Abrahama, va gu hongola tigoni ga Khanani. Aholu na va vbohide dhoropani ga Harani, va di vbaha umo va gu khala.

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

2 Samuweli 22:43

Eni nyi di va tshigira kha nga kudzudzwane nyi va suga nyi va gandredzela kha nga maraga ya mu dzindzilani.

2 Dzipfhumu 13:7

Kholu Jeyowakazi a diri mwalo gambe vathu nya vangi, a di tshala basi ni livbandre magumi vakhileli nya dzikavalu ni likhumi dzikareta, ni gikwata nya likhumi magumi mazana (10.000) vama basi, kholu mufumeli wa Siriya a di mbembiside va na Israyeli, a va gira gukhwatshi i kudzudzwane wu gandredzedwago.

2 Dzikoronika 36:23

“Kiro, mufumeli wa Perisiya, a ngu ganela kharati, khuye: Pfhumu Nungungulu wa Ndzadzini a nyi ningide mifumo yatshavbo ya mafuni, ni gu nyi rwega rwalo nya gu mu vbahele Nyumba Jerusalema tigoni ga Judha; ni wevbini a guromo vbakari gwanu a gu wa vathu vaye, a na khuge a hongola, Pfhumu Nungungulu waye, a na khale gumogo naye.

Ezira 1:2

Kiro, mufumeli wa Perisiya a ngu ganela kharati, khuye: Pfhumu Nungungulu wa Ndzadzini, a nyi ningide mifumo yatshavbo ya mafuni; uye gambe a nyi rwegide rwalo nya gu mu vbahele nyumba Jerusalema, tigoni ga Judha.

Isaya 40:24

Na va ngari gu sigedwa mwendro gu yadwa, avbo va phelago gu thela mikhamba, tshina yaye ya gu pidwa; va gu furugedzwa khu phuvbo vbatshani gwawe va vuna, va ta dzegwa khu gingulu va vbuvba kha nga mavivi.

Isaya 41:25

Nyi ranide mumbe muthu, khu Wuronga; a nata, khu Khugadambo, uye a na rungudza lina langu; a na gandredzela vafumeli kha nga maraga; kha nga muwumbi a gandredzelago libumba, a na va gandredzela kharato.

Isaya 41:3

A gu va lundra a thanga mbeli gwawe na tiyide, khu ndzila migondro yaye yi si gu gimbiligo khiyo.

Isaya 42:6

Eni, Pfhumu Nungungulu, nyi gu ranide guta thuma gululama, nyi na gu phara khu libogo, nyi gu sayisa, nyi na gu gira mutshanganisi nya vathu ni wenengedzo wa va nya mayigo;

Isaya 45:1

Pfhumu Nungungulu a ngu ganela ga Kiro, a mu todzidego khu mafura, uye a mu pharide khu libogo laye la nyamudye, a mu ninga tshivba gasi a pala mayigo mbeli gwaye, nyi na thela hwanga vafumeli gasi va tule malimba nya lidhoropa, nyamba segwa gambe.

Isaya 45:13

Kheni nyi khendzugisidego Kiro khu gululama gwangu, nyi lulamedza dzindzila dzaye dzatshavbo; uye a na vbaha lidhoropa langu ni gu tshudzisa vathu vangu va guromo wugumbini, nyamba livbwa dzitsapawu mwendro gu bongwa, a ngu ganela Pfhumu Nungungulu nya Tshivba Yatshavbo.

Isaya 46:11

Nyi ngu rana lighama khu Khugadambo, khu tigoni ga hwindzo, nyi rana muthu a na ta landrisago guhaladza gwangu, kholu nyi mu embede kharato, gambe si na girega; nyi si hungide, gambe si na girega.

Isaya 48:15

Kheni kamwe nyi ganedego; gambe nyi mu ranide, nyi mu reside, gambe nyi na mu andrisa ndzilani gwaye.

Gililo 1:15

Pfhumu theside dzindrena dzangu dzatshavbo dzi nga bani dzi nyi phasedzela, a rambide nyimbi, yi ta sasela madzaha yangu; Pfhumu gandredzede nyamahegyane nya likendzi wa Judha, gukhwatshi a gu gama dzindzawa. Ain

Vahebheru 7:1

Kholu Melikisedheki yoyu a nga bani ari mufumeli wa tigoni ga Salema, a diri muphasi nya mhamba ya Nungungulu a Khusegidego ngudzu. Gikhati Abrahama a nga bani a gu wuya khu litungatunu a nga ya songago vafumeli nya gutale, Melikisedheki a di mu khinga aya mu kategisa.

Gutuledwa 16:12

Ngilozi nya livbandre na mweyo yi di vbaladza gikombe gyaye tsongoni nya khongolo wa Ewufrate, mati yaye ma di banga gasi gu tulega ndzila nya guvbindre vafumeli va Khugadambo.

Gutuledwa 7:2

Nyi di wona gambe yimbe ngilozi ya Nungungulu yi nga bani yi guta khu Khugadambo, na yi pharide gifungo gya Nungungulu nya guvbanye. Yi di ganela khu tshivba ni tshivba, yi embela dzingilozi dza dzina, edzi Nungungulu a nga dzi ningago tshivba nya gusasele mafu ni yiphwa, khiyo: