Isaya 27:9 - Bhibhiliya Nya Guage

⁹ Khidzo kharato, nandru wa Jakobe wu na handzwa, owu a nga bani nari handro nya gutsetseledwe sighoho saye, si na dzi yeyedza khu gu va khungumulela siluvelo satshavbo, va pandrelela siwindri sakone si khala wuguvbi, va sigulela madingo ya nungungulu nya malipha Asitaroti ni sifananiso nya lidambo, si thega vbavbatshi.

Isaya 27:9 Iomraidhean Croise

2 Dzipfhumu 10:26

va ya dusa madingo nya sithombe sa nyumbani ga Bhahali va si vbisa.

2 Dzipfhumu 23:14

A di khungumula gambe sifananiso, a pilela ni madingo nya gifananiso gya Asitaroti, malanga yakone a ma tadza khu marambo nya vathu.

2 Dzipfhumu 25:9

a ta vbisa Nyumba ya Pfhumu Nungungulu, nyumba ya mufumeli, gumogo ni dzinyumba dzatshavbo dza Jerusalema; a vbisa ni dzinyumba dzatshavbo dza vathangeli.

2 Dzikoronika 14:5

Fuviside gambe madhoropani gwatshavbo gwa Judha, miphaselo ya malangani nya sigomo, sifananiso nya lidambo; ni mufumo waye wu di mana gurula gipandre nya likhumi myaga.

2 Dzikoronika 34:4

Uye a di khungumulela siluvelo sa Vabhahali, a thesela sifananiso nya lidambo, si nga bani siri vbatshani gakone iso; sihuru ni sifananiso nya guvatwe niso nya gupfhudwe, a di si khungumulela si khala nguma, a si vbaladzela marowoni ga vale va nga bani va si khozela.

2 Dzikoronika 36:19

Va di vbisa Nyumba ya Pfhumu Nungungulu, va khungumulela makhokhola ya Jerusalema, dzinyumba dzawe nya wufumu dzi di vbiswa khu nilo, va pandrelela mikanvu yawe yatshavbo nya lisima.

Dzindzimo 119:67

Nyi pengide ngudzu nu si gu nyi tsayisi, olu nyi ngu vegisa magana yago.

Dzindzimo 119:71

Gutshaniseka gwangu gu nyi phaside, kholu nyi hevbude guti milayo yago.

Ekisodha 34:13

Aholu mu na pfhungumulela malanga yawe nya miphaso, mu pandrelela sifananiso sawe, mu kokelela sihuru sawe nya miphaso.

Mavingu 20:30

Dzimbanga dza guhandza guvivba, ni dzipama dza gululamisa mapimo.

Isaya 1:29

Mu na khala dzitshoni khu kotani nya miguhu yi nga bani yi mi tsakisa, mu thedwa dzitshoni khu marembwe mu ma hathidego.

Isaya 17:8

Kha va na khedza gambe sihuru sawe nya miphaso, esi va nga dzi girelago khu mandza yawe, ambari gu khedza gifananiso gya Asitaroti gi nga girwa khu dzinyala dzawe, ambari gu khedza giluvelo nya guvbisele libani.

Isaya 30:22

Khu guralo, mu na nyenyezisa parata yi namegidwego umo nya sifananiso nya guvatwe ni ndralama yi nga namegwago umo nya sifananiso sawe nya gupfhudwe, mu na si dzudzugani hwindzo kha nga gilo nya gunyenyeze, muthu ni muthu, khuye: “Duga avba!”

Isaya 4:4

Gikhati Pfhumu a na handzago manyala ya vanyamahegyane va Siyoni ni gu handza novba wu guromo vbakari ga Jerusalema, khu Liphuvbo nya gululame ni Liphuvbo nya agise.

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Isaya 48:10

Wona nya gukhuwe nyi gu hutide ambari u gu siri parata; nyi gu lingide umo nya nilo nya guthise.

Ezekiyeli 11:18

Gikhati va vbohago tigoni momo, va na duse sifananiso satshavbo nya guvivbe, ni gu diga gukhozela sifananiso.

Ezekiyeli 20:38

Nyi na kasa vbakari gwanu vale va nyi kanyisago ni gu nyi wugela. Nyi va dusa tigoni mule va vbanyago umo, aholu kha va na wuya tigoni ga Israyeli. Khavbo mu na dzitigo gukhenu, eni kheni Pfhumu Nungungulu.

Ezekiyeli 6:4

Siluvelo sanu niso si na khungumudwa, niso nya mabani yanu si na khungumudwa, ni sifananiso sanu nya lidambo si na pandreledwa; nyi na songa vathu vaye mbeli nya sifananiso sawe.

Dhaniyeli 11:35

Aholu vambe va nya guti, va na songwa gasi gu lingwa, ni gu agiswa kala gikhati nya mahegiso, kholu guhegisa gu na vboha khu gikhati gi emisidwego.

Hoseya 14:8

Enu va na Efrayimi: Kha nyi vbweti gambe gupwa gilo khu sifananiso sanu? Kheni kamwe nyi mu ningago phindrulo nyi bwelo khavbo nyi mu sayisa. Eni nya gu nyuga gu fanana ni simbo nya pinyu, mihandro yago, ya gu dugela avbo gwangu.

Levhi 26:30

Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Mikeya 5:11

nyi na khungumulela madhoropa ya tigoni gwago, nyi thesa vbavbatshi makhokhola yago yatshavbo.

Zakariya 13:2

Khu litshigu lolo, a ngu ganela Pfhumu Nungungulu nya Tshivba Yatshavbo, khuye nyi na fuvisa tigoni ga Israyeli malina ya vanungungulu nya malipha, gima va si alakanywi gambe, nyi na tutumisa gambe tigoni vaprofeti nya malipha ni liphuvbo nya gunyenyeze.

Varoma 11:27

Khigyo gidzumeledzwano nyi na hungago navo, hwane nya gu na nyi va duside khu sighohoni gwawe.”

1 Vakorinto 11:32

Pfhumu a gu hi lamula a gu hi laya, gasi hi si tsayiswi gumogo ni litigo.

Dhewuteronome 12:3

mu na khungumulela siluvelo sawe, mu pilela madingo yawe, mu vbisa sihuru sa vanungungulu vawe, mu pandrelela sifananiso nya vanungungulu vawe nya dzisimbi nya gunyiviligiswe, mu futa lina lawe ga wulanga wule.

Vahebheru 12:6

kholu, Pfhumu a gu kawuka uye a mu haladzago, a gu tsayisa oyu a mu hakhago nga gyanana gyaye.”