Isaya 27:4 - Bhibhiliya Nya Guage

⁴ Eni kha nyi na goroga, khu gu manega umomo miba ni sirangalabwa! Nyi na dwana naso nyi si hengeledzela dangamwedo, nyi si vbisa.

Isaya 27:4 Iomraidhean Croise

2 Samuweli 23:6

Aholu, sanana sa Bheliyali satshavbo si na rinywa vbavbandze gu fanana ni miba, eyi yi si kodzwigo gu pharwa khu mandza;

2 Samuweli 23:7

aholu uye a na gu yi kuhago fanede nari ni gikete mwendro simbo nya litshari, khu kharato miba yi na vbisedwa muphelo.”

Dzindzimo 103:9

Kha hi tsayisi gikhati gyatshavbo, ni likhulo laye kha li simami kala gupindruga.

Dzindzimo 85:3

U vbedzide khorodza yago yatshavbo, u bosa likhulo lago.

Isaya 10:17

Kholu Wenengedzo wa Israyeli wu na vbindrugedza wu khala nilo, ni Uye a Agidego waye, a na khala kha nga lilavbelavbe, li na vbisago li dagaredzisa miba ni sirangalabwa sa Asiriya khu litshigu limwedo basi.

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 33:12

Va nya mayigo va na vbiswa kha nga idzo yi vbiswago khidzo phembe, kha nga miba yi kokeledwego yi vbiswa niloni.

Isaya 9:18

Kholu guvivba gwa gu vbisa nga nilo, wu vbisago sirangalabwa ni miba, wu vbisa ni magabi nya gukhume, gasi wutshi wu gwela vbatshani nga mapfhi.

Jeremiya 29:11

Eni kheni nyi matigo gwadi makungo nyi gu navo khu enu, a ngu ganela Pfhumu Nungungulu; makungo yangu khya gu mi kategisa nasiri gu mi reselani dzimhango, makungo nya gu mi ningeni gitumbo ga matshigu ma nga gutago.

Ezekiyeli 16:63

Nyi na gira esi, gasi u alakanye ni gu khala dzitshoni, gima u si tuli gambe likana lago khu kotani nya dzitshoni dzago, gikhati nyi nga tsetselelana nago khu satshavbo u giridego; a ngu ganela Mune Pfhumu Nungungulu.”

Malakiya 4:3

Mu na gandredzela sighohi, kholu va na fanana ni nguma vbavbatshi nya migondro yanu ga litshigu lile nyi li dongisedego; a ngu ganela Pfhumu Nungungulu nya Tshivba Yatshavbo.

Matewu 3:12

A na ni gisalava mandzani gwaye; a na vbiyela githala gyaye, a vbevbera dzimbewu a thela mugisangalani, gasi mafisi a na ma vbisa niloni nyamba tshimega.”

Vahebheru 6:8

Aholu, mafu yale ma ningago likhabi nya miba basi, kha ma phasi gilo, ma gu vadwa khu Nungungulu ma hegisa khu gu vbiswa.

2 Pedro 2:9

Pfhumu a ngu mati mano nya guvbulugise khayo ava va khodwago gwaye, a ngu kodza gambe gu vega tsayisoni ava nya guvivbedwe khu myonyo, kala litshigu nya gulamudwe.