Isaya 26:5 - Bhibhiliya Nya Guage

⁵ Kholu a ngu thesa avo va vbanyago malangani nya gukhugege, ni gu thesa vbavbatshi lidhoropa li dzi khusedzago, a pfhungumula lidhoropa lawe, a li thesa vbavbatshi li khala kudzudzwane.

Isaya 26:5 Iomraidhean Croise

Dzindzimo 79:8

U nga hi tsayisi khu kotani nya sighoho sa vababe vathu; vbiredza u ta hi pwela wusiwana kholu hi vbede tshivba.

Isaya 13:11

Nyi na tsayisa litigo khu kotani nya guvivbe gwaye, ni va nya guvivba khu kotani nya gughohe gwawe, nyi fuvisa matshandza ya avo va dzi khusedzago, nyi thela dzitshoni avo va dzi gugumugisago ni va nya dzihanyi.

Isaya 14:13

Kholu u di gu ganela khu monyoni gwago, khuwe: Nyi na khugega nyiya kala ndzadzini, gikhalo gyangu nya wufumu nyi na gi khusedza vbatshani nya dzinyeledzi dza Nungungulu, nyi na khala gigomoni nya tshangano, khu phuvbo ga Wuronga.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 24:10

Lidhoropa nya gutale khu pfilupfilu li khungumudwe, malimba yatshavbo ma segidwe, mwalo a dzi kodzago gu bela umo.

Isaya 25:2

U giride lidhoropa, li khala litala nya siwindri, ni lidhoropa nya likhokhola, u li pfhungumudwe li khala marumbi, lidhoropa nya gutiye la va nya mayigo, li thegide, khandri lidhoropa gambe, gima kha li na wusedzwa gambe.

Isaya 32:19

gu thega maralala, ma hagadza likhabi, lidhoropa li na pfhungumudwa latshavbo.

Isaya 47:1

Tshiga vbavbatshi, u khala ngumani, uwe likendzi nyamahegyane wa Bhabhiloni; khala vbavbatshi; kholu u mwalo gambe gikhalo nya wufumu, uwe nyamahegyane wa Vakalidhiya, kholu gima khu na ranwa gambe pwani khuwe nya gu dzi gole ni gumbura.

Jeremiya 51:37

Bhabhiloni a na vbindrugedza a khala litala nya siwindri umo yi na vbanyelago umo migehe, gilo nya gisamadziso ni gihegiso, wulanga wu si khadwigo khu muthu.

Jeremiya 51:64

u ganela, khuwe: A na rikiswe kharati Bhabhiloni, a si wonegi gambe khu kotani nya libango nyi na gu mu rumelago. Avo va na thega.” Ma gu hegisa avba magana ya Jeremiya.

Gililo 2:2

Pfhumu kha gira gisiro khu dzinyumba dzatshavbo dza Jakobe. Khu kotani nya likhulo laye, khungumude makhokhola ya nyamahegyane wa Judha, a ma thesa vbavbatshi; a poyila mifumo ni manganagana aye. Guimel

Ezekiyeli 26:11

Sitsendro nya dzikavalu dzaye, si na gandredzela dzindzilani gwago gwatshavbo; uye a na songetela vathu vago khu matshari, ni madingo yago nya gutiye, ma na theseledwa vbavbatshi.

Ezekiyeli 28:17

Monyo wago wu khade matshandza khu kotani nya gumbure gwago, u dzudzuga guti gwago khu kotani nya gungangamele gwago, khu guralo, nyi gu dzudzugide mafuni, nyi gu gira gihegiso mbeli ga vafumeli, gasi va fela gu gu wona.

Gutuledwa 18:2

Yi di huwata khu tshivba khu lito nya gukhugege, khiyo: “Thegide! Thegide Bhabhiloni nya khongolo, gu vbindrugedzide gu khala wulanga nya madhimoni, phago nya maphuvbo yatshavbo nya guvivbe, ni wuthavelo nya sinyoni satshavbo nya gunyenyeze, si vengegago.