Isaya 24:3 - Bhibhiliya Nya Guage

³ Mafu ma na khala giwula nya guvbelele, kholu Pfhumu Nungungulu ganede magana yaya.

Isaya 24:3 Iomraidhean Croise

2 Dzikoronika 36:21

Gasi gutadzisega magana ya Pfhumu Nungungulu ma ngatago khu kanani ga muprofeti Jeremiya, a nga khuye: Litigo li na pfhungumudwa li khala marumbi gipimo nya livbandre na mavili magumi (70) myaga, gikhati gyatshavbo gegi, litigo li na sayisa dzisabhadho dzaye, li bwelo khavbo li hefemula.

Isaya 21:17

Mitshaledwa nya dzindrena dza Kedhari va kodzago gu dwana khu siholoma, va na vbungudwa ngudzu, kholu eni Pfhumu Nungungulu wa Israyeli, nyi ganede kharato.

Isaya 22:25

“Khu litshigu lolo, a ngu ganela Pfhumu Nungungulu nya Tshivba Yatshavbo, simbo yoyu wu tsitsidwego wulangani nya gutiye, wu na sigudwa wu thega, ni satshavbo esi si nga bani siri vbatshani gwaye, si na mbembiswa.” Kholu Pfhumu Nungungulu ganede isoso.

Isaya 24:1

Wonani nya gukhenu! Pfhumu Nungungulu a na mbembisa litigo a li gira marumbi, a vbindrugedza litigo ni gu phalalegisa vavbanyi vaye.

Isaya 24:2

Esi si na dugelelago ga vathu, si na dugelela gambe ga muphasi nya mhamba; ga githumi nya mwama, kha nga ga mune waye; ga githumi nya nyamayi, kha nga ga mune waye; ga murengi, kha nga ga murengisi; ga uye a lombisago, kha nga ga mulombi; ga mufiyarisi, kha nga ga uye a fiyarigo.

Isaya 24:4

Mafu momo gililoni ma bwelo khavbo ma wu na; litigo li rerekide li vbela tshivba, vakhongolo nya vathu va tigoni va vbede tshivba.

Isaya 42:22

Gambe vathu vava, va dhumedwe ni gu bedwa silo sawe, vatshavbo va dzudzugidwe mavbalani ni gu khothedwa mapasoni; va modwe, aholu va mwalo mutshudzisi, va phangidwe, aholu mwalo a ganelago, khuye: “Va bweledzeleni!”

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Jeremiya 13:15

Dembani ndzeve mu yingisa, mu nga dzi khusedzi; kholu Pfhumu Nungungulu ganede.

Ezekiyeli 36:4

Khu guralo, yingisani enu sigomo sa Israyeli, magana ya Mune Pfhumu Nungungulu; Mune Pfhumu Nungungulu, a ngu ganela kharati ga sigomo ni ga sigomwana, ga mitsongo ni ga mikova, ga malanga nya siwula nya guthise, ni madhoropa yakone ma phangidwego ma khala marumbi, ma vbindrugedzidego ma khala givalo ni gihegiso ga mayigo ma tshadego ya vaakelane.

Mikeya 2:4

Khu litshigu lolo va na embelela ndzimo nya gu mu hege khiyo, va emba ndzimo yeyi nya gililo, khavo: Hi mbembisidwe muphelo! A dzega thomba ya tigoni gwathu a ninga vambe vathu! Uye a di hi wandrela! A dzega marembwe yathu a ningela avo va hi tshanisago.”

Mikeya 4:4

Muthu ni muthu, a na khala mutsani nya uvha waye, ni mutsani nya ngure waye, kha gu na manega muthu nya gu va thurugisele, kholu Pfhumu Nungungulu nya Tshivba Yatshavbo ganede.

Dhewuteronome 29:23

Va na wona litigo latshavbo na li vbisidwe khu nilo nya sulufa ni munyu, nyamba dzumela gu yadwa gilo, mwendro gu buga gilo ambari gu manega ni mwasi, kha nga iso si giregidego gukhungumudwani gwa Sodhoma ni Ghomora, Adhimani ni Zebhoyimi, madhoropa ma khungumudwego khu kotani nya likhulo la Pfhumu Nungungulu.

Dhewuteronome 29:28

Khu kotani nya likhulo, Pfhumu Nungungulu a di va sigula tigoni gwawe, khu gu vbisega ni khorodza, a va dzudzuga ga limbe litigo, kha nga mu si wonago muhuno.