Isaya 2:12 - Bhibhiliya Nya Guage

¹² Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 2:12 Iomraidhean Croise

2 Samuweli 22:28

Kholu uwe wa gu vbanyisa va nya gusolega u tshisa vbavbatshi va nya matshandza.

Joba 24:1

Khu ginani Nungungulu nya Tshivba Yatshavbo a si dzi vegeli gikhati nya gulamule sighohi? Khu ginani vathu vaye va gumba ma wona matshigu yoyo?

Dzindzimo 131:1

Pfhumu Nungungulu, monyo wangu kha wu dzi gugumugisi, ambari maho yangu gu dzi khusedza; kha nyi gimbili nyi vbweta silo nya sikhongolo, ambari silo nya gu samadzise ngudzu gwangu.

Dzindzimo 18:28

Pfhumu Nungungulu, khuwe kandriya yangu, Nungungulu wangu, wenengedza gidema gyangu.

Dzindzimo 37:13

aholu Pfhumu a na mu hega, kholu a ngu wona gukhuye matshigu yaye ma vbohide.

Dzindzimo 94:2

Uwe u gu mulamuli nya litigo; khuga u ninga va nya matshandza tshatshazelo va fanedego gu yi hakha!

Mavingu 16:5

Pfhumu Nungungulu a ngu vengana ni va nya matshandza, vathu vovo gima kha va na vbuluga.

Isaya 10:12

Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Isaya 10:33

Aholu, wona nya gukhuwe Pfhumu Nungungulu nya Tshivba Yatshavbo, a na pila matamo khu gigaha, misimbo ya sigomoni yi na siguledwa, matamo nya gulaphe, ma na vbadzuledwa.

Isaya 13:11

Nyi na tsayisa litigo khu kotani nya guvivbe gwaye, ni va nya guvivba khu kotani nya gughohe gwawe, nyi fuvisa matshandza ya avo va dzi khusedzago, nyi thela dzitshoni avo va dzi gugumugisago ni va nya dzihanyi.

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 13:9

Wonani, li nguta Litshigu la Pfhumu Nungungulu, litshigu nya guthise ni likhulo li khondrago, gasi gu vbindrugedza litigo li khala marumbi, gumogo ni gu mbembisa sighohi si vbanyago umo.

Isaya 14:15

Aholu, u na rinywa thowoni nya vafi, phalani nya guete ngudzu.

Isaya 23:9

Khu Pfhumu Nungungulu nya Tshivba Yatshavbo a hungidego makungo nya guvbedze matshandza yatshavbo nya wumburi, ni gu vbwasamisa vale va gu ni ndruma tigoni.

Isaya 24:21

Khu litshigu lolo, Pfhumu Nungungulu a na lamula mabutho ya ndzadzini, gumogo ni vafumeli nya mafu, tigoni.

Isaya 24:4

Mafu momo gililoni ma bwelo khavbo ma wu na; litigo li rerekide li vbela tshivba, vakhongolo nya vathu va tigoni va vbede tshivba.

Isaya 40:23

khuye a vbwasamisago manganagana, a thesa vbavbatshi valamuli va mafuni gasi va si khali gilo.

Isaya 42:15

Nyi na khungumula sigomo ni sigomwana, nyi bangisa mwasi waye, mitsongo yi na vbindrugedza yi khala sidwa, nyi bangisa matsiva.

Isaya 5:15

Vathu vatshavbo va na theswa vbavbatshi, va nya guthavisega va na hembuludwa, ni maho ya vale va dzi khusedzago, ma na thedwa dzitshoni.

Isaya 61:2

Pfhumu Nungungulu a nyi rumede guya tivisa mwaga nya wadi ni litshigu nya gu dzi phodzele ga Nungungulu wathu; ni gu tangadzisa vale va lilago.

Jeremiya 12:9

Ina Vathu nya thomba yangu va thendregedzide va nyi wugela va khala kha nga liphala nya nyaduguli yi pomedwago khu makoti? A gu bani ari kharato, makoti ma na nyi randrela khu malangani yatshavbo; tombanani enu sirengo satshavbo sa khabini, deluni mu ta va vbadzulela.

Jeremiya 13:9

Pfhumu Nungungulu a ngu ganela kharati, khuye: “Khidzo kharato, nyi na hinisa matshandza ya Judha ni gu dzi khusedza ga Jerusalema.”

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Jeremiya 46:10

Kholu eli khilo litshigu li lumbago Mune, Pfhumu Nungungulu nya Tshivba Yatshavbo. A na bani nari litshigu nya guphodze, a dzi phodzela ga valala vaye; matshari ma na sasela kala ma kodwa, ma na leva khu novba wawe; kholu Pfhumu Nungungulu nya Tshivba Yatshavbo, a na ni phaso nya mhamba tigoni ga Wuronga, bambe nya tsongo wa Ewufrate.

Jeremiya 50:31

Wona nya gukhuwe eni nyi dzi emisede gu dwana nago, uwe nyamatshandza wewe, a ngu ganela Pfhumu Nungungulu nya Tshivba Yatshavbo, kholu, li vbohide litshigu ni gikhati nya tsayiso wago:

Ezekiyeli 13:5

Kha mwa tshikedzela malufa nya libhiyo, enu va na Israyeli gasi mu kodze gu dwana nyimbi litshiguni la Pfhumu Nungungulu.

Dhaniyeli 4:37

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Amosi 5:18

Libango ga vale va vbwetago gu wona litshigu la Pfhumu Nungungulu! Mwa gu li vbwetela ginani gu li wonani litshigu leli la Pfhumu Nungungulu? A na bani nari litshigu nya gidema, nyambana wenengedzo.

Mikeya 2:3

Khu guralo, Pfhumu Nungungulu a ngu ganela kharati, khuye: “Wonani nya gukhenu nyi ngu luga makungo, gasi gu resa libango ga vathu vovo, ilo mu na gumba dzi kodza gu vbuluga ga ilo; gambe kha mu na gimbila khu matshandza, kholu gikhati gyogyo gi na bani gi vivbide.

Mikeya 5:11

nyi na khungumulela madhoropa ya tigoni gwago, nyi thesa vbavbatshi makhokhola yago yatshavbo.

Sofoniya 1:16

Litshigu nya guwombwe pundru, gu wombwa huwa nya nyimbi nya gudhumedwe madhoropa ma bhiyidwego khu siwindri nya tshivba ni dzilangwe nya gulaphe.

Sofoniya 3:11

Litshigu lolo, uwe khu na ngapwa gambe dzitshoni khu sigiro u nyi giredego, kholu nyi na fuvisa vbakari gwago, vatshavbo va nya matshandza ni gu dzi khusedza, uwe gima khu na dzi gugumugisa gambe mugigomoni gwangu nya Gukatege.

Malakiya 4:1

Kholu wonani nya gukhenu nya guvbise kha nga nilo nya magala; vatshavbo va nya matshandza, ni vatshavbo va girago guvivba va na gira kha nga mwasi nya gubange; litshigu lolo li na vbohago, li na va vbisa nyamba tshiya gilo gwawe, ambari khamba mwendro matamo, a ngu ganela Pfhumu Nungungulu nya Tshivba Yatshavbo.

Malakiya 4:5

Wonani, nyi ngu mi rumelani muprofeti Eliya, na li si gu vbohi litshigu nya likhongolo ni guthisa la Pfhumu Nungungulu.

Matewu 23:12

Uye a dzi khusedzago a na sodziswa; gasi uye a dzi sodzisago a na khusedzwa.

Luka 14:11

Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”

1 Vakorinto 5:5

hi ningele mwama yoyo ga Sathane, gifela gu pfhungumudwa givili gyaye, mwendro saye wu na vbanyiswa hefemulo waye, litshigu Pfhumu a natago.

1 Vatesalonika 5:2

Enu mu ngu dziti gwadi nya gukhenu litshigu la Pfhumu li nata nga mbafa, vbakari nya wutshigu.

Jakobe 4:6

Uye a ngu ninga giphaso; kholu, Milowo nya Guage yari, khiyo: “Nungungulu a ngu wugela va nya matshandza, a phasedzela va nya gu dzi nogisa.”