Isaya 18:7 - Bhibhiliya Nya Guage

⁷ Khu gikhati gyogyo, gu na reswa gihiwa ga Pfhumu, Nungungulu nya Tshivba Yatshavbo, vathu nya vadandrangulu, na vari ni wumburi, avo va thawago khu vathu gukhugela gutumbulugani gwawe, litigo nya dzihanyi nya guganele sihonohono, Eli li tsemakanywago khu vbakari ni vbakari khu mitsongo. Va na resa miningelo yawe gigomoni ga Siyoni, avbo gu khozedwago lina la Pfhumu Nungungulu nya Tshivba Yatshavbo.

Isaya 18:7 Iomraidhean Croise

2 Dzikoronika 32:23

Nya vangi va di resa Jerusalema, miningelo nya gute luva Pfhumu Nungungulu, ni sombo nya lisima ngudzu ga Ezekhiya, mufumeli wa Judha, hwane nya esi, uye a di manega na khusegide ngudzu mbeli ga mayigo yatshavbo.

Dzindzimo 68:32

Enu mifumo ya tigoni, embani dzindzimo ga Nungungulu, zundzani Pfhumu khu dzindzimo.

Isaya 16:1

Rumelani dzinvuta nya guye ga mufumeli a fumelago litigo, gukhugela dhoropani ga Sela, a tsemakanya giwula kala gigomoni ga nyamahegyane wa Siyoni.

Isaya 18:2

Li rumelago sirumwa saye khu linene, na siri ni mataro nya gugirwe khu madadanga, khilo: Gimbilani kha nga myango nya mazambo, ga litigo nya vathu nya vadandrangulu, vathu nya guthise gukhugela guvelegwani gwawe, litigo nya tshivba va palago vatshavbo, litigo lawe li tsemakanywago khu mitsongo.

Isaya 18:4

Kholu Pfhumu Nungungulu a nyi embede kharati, khuye: “Nyi na khedza na nyiri khu nyumbani gwangu, na nyi rude ni gutangala, kha nga guvbisa nya lihani gikhati nya gugye, mwendro kha nga lipfhi nya hunguva vbanangotunu nya guvbise, khu nango nya guvbwere.”

Isaya 45:14

Pfhumu Nungungulu a ngu ganela kharati, khuye: “Thomba ya Egipito ni wugwewo wa Etiyopiya, ni vavbanyi va Sabha, vathu nya vadandrangulu, va nata gwago vata lumba uwe; avo va na landra khu hwane gwago na va hungidwe makhetshe; va na noga mbeli gwago, va gira milombelo avbo gwago, khavo: Khu lisine Nungungulu womo avbo gwago basi; vbavbandze gwaye, mwalo mumbe Nungungulu.”

Mikeya 4:13

Khuga u vbula uwe nyamahegyane wa Siyoni, kholu nyi na gu girela dzikheho nya dzisimbi, ni samba nya sugu; u na sasela mayigo nya mangi, thomba yago yi na phasedwa Pfhumu Nungungulu, ni dzithomba dzawe, u phasela khidzo Mune nya litigo latshavbo.

Habhakuka 1:7

Vathu nya guthise va thelago hwanga, va gu gira ni sevbini va si golago.

Sofoniya 3:10

Gukhugela khisikheyi nya mitsongo ya Etiyopiya, vakhozeli vangu, a gu vathu vangu va phalalegidego, va na nyi resela miphaso.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Matewu 2:11

Va di bela nyumbani, vaya wona gyanana ni mayi waye Mariya; va di khidzima va gi khozela; va di tula sikhwama sawe, va gi luva khu ndralama, khu libani ni mafura.