Isaya 16:2 - Bhibhiliya Nya Guage

² Kholu khu bambe nya tsongo wa Arinoni, vanyamahegyane va Mowabhi, va na tutuma khu eno ni eno gufanane ni sinyoni si phalalegisidwego khu sihagani gwawe, khavo:

Isaya 16:2 Iomraidhean Croise

2 Dzipfhumu 3:4

Khavbo avbo, Mesa, mufumeli wa na Mowabhi, a diri mufuyi nya mitshambi, uye khu mwaga ni mwaga, a di gu livba gikhaba ga mufumeli wa Israyeli, khu lizana magumi mazana (100.000) dzinvuta, ni mawoya nya lizana magumi mazana (100.000) dzihamba.

Mavingu 26:2

Gukhwatshi khu ginyoni gi vbuvbago nyamba mbaka, gukhwatshi khu ndrewulewu guvbuvbani gwaye, kharato nugo guyuyuta nyambana gighelo, kha gu phasi gilo.

Mavingu 27:8

Kha nga ginyoni gi vbuvbelago hwindzo ni gihaga gyaye, kharato nugo mwama, a digago ndranga yaye.

Isaya 13:14

Moyo ni moyo a na thava kha nga yisya, a fanana ni tshambi wu gu mwalo muhavisi; muthu ni muthu, a na bwelela ga va na gyawe, vatshavbo va thavela tigoni gwawe.

Jeremiya 48:20

Mowabhi tade khu dzitshoni, kholu pfhungumudwe! Laledzani na mu gu lila! Mu embela Arinoni khenu Mowabhi khungumudwe.

Jeremiya 48:46

Libango gwanu enu va na Mowabhi! Enu va na Khemosi, mu vbohedwe khu litshigu lanu nya mahegiso! Sanana sanu nya sikhwathana nesi nya vanyamahegyane, si na yiswa wugumbini.

Jeremiya 48:9

Ningani dzimbapi Mowabhi, kholu a gu vbuvba a na duga, kholu madhoropa yaye ma na khala giwula, mwalo a na gu khalago umo.

Mitengo 21:29

Libango avbo gwago Mowabhi! Mu vbede, enu vathu va nungungulu Kemosi! Giride madzaha yanu ma thava, ni dzimbiri dzanu dzi khala dzikhumbi ga Seyoni, mufumeli wa Vaamori

Dhewuteronome 2:36

Gukhugela Aroweri, li guromo bambe nya kova wa Arinoni, gumogo ni lidhoropa li guromo umo, kala Gileyadhi, li diri mwalo ni limwedo lidhoropa li nga vbulugago mandzani gwathu; satshavbo sesi khu Pfhumu Nungungulu wathu, a hi ningidego.

Dhewuteronome 3:12

Hi dzegide khu gikhati gyogyo litigo leli li khala thomba yathu, gukhugela Aroweri, a khadego vbafuvbi ni kova wa Arinoni, ni gipandre nya gigomo gya Gileyadhi, ni madhoropa yaye, nyi ningela va na Rubheni ni va na Gadhi.

Dhewuteronome 3:8

Khu gikhati gyogyo, hi dzegide litigo latshavbo mandzani ga vafumeli va vavili nya Vaamori, vale va nga bani vari khu khisikheyi ga Joridhani; gukhugela tsongoni wa Arinoni kala gigomoni gya Herimoni.

Josuwa 13:16

Litigo lawe li di khugela Aroweri, li manegelago bambe nya gitsongwana gya Arinoni, gukhugela ga lidhoropa li guromo vbakari nya kova, ni panini gwatshavbo, vbafuvbi ni Medhebha;

Valamuli 11:18

Khu gulandrela, va na Israyeli, va di gimbila khu giwula va dzundruluga litigo la Edhomi ni la Mowabhi; va vbindra khu phuvbo ga Khugadambo vaya zumba khu bambe ga tsongo wa Arinoni; khu guralo, kha va nga bela tigoni ga Mowabhi, kholu Arinoni a diri vbingano wa Mowabhi.