Isaya 13:9 - Bhibhiliya Nya Guage

⁹ Wonani, li nguta Litshigu la Pfhumu Nungungulu, litshigu nya guthise ni likhulo li khondrago, gasi gu vbindrugedza litigo li khala marumbi, gumogo ni gu mbembisa sighohi si vbanyago umo.

Isaya 13:9 Iomraidhean Croise

Dzindzimo 104:35

Sighohi si na fuviswe mafuni momu, ni va nya guvivba va nga manegi gambe, Uwe hefemulo wangu bonga Pfhumu Nungungulu. Bongani Pfhumu Nungungulu.

Mavingu 2:22

aholu va nya guvivbedwa khu monyo, va na fuviswa mafuni, ni vasengedzeli va na mbembiswa.

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 34:8

Kholu gu na bani guri litshigu nya guphodze ga Pfhumu Nungungulu, ni mwaga nya gubweledzele valala, khu kotani ya Siyoni.

Isaya 63:4

Kholu litshigu nya gu dzi phodzele li diri monyoni gwangu, ni mwaga nya gu dzegise vathu vangu, wu di vbohide.

Isaya 66:17

A na mbembisa vatshavbo avo va dzi agisago ni gu dzi handza, gasi gu bela mahangeni va landrisela nungungulu nya nyamayi a guromo khu vbakari, va hodzago nyama nya khumba, ni silo nya gunyenyeze ni magondzo.

Isaya 9:19

Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Ezekiyeli 13:5

Kha mwa tshikedzela malufa nya libhiyo, enu va na Israyeli gasi mu kodze gu dwana nyimbi litshiguni la Pfhumu Nungungulu.

Ezekiyeli 30:3

Kholu litshigu lomo vbafuvbi, lisine, lomo vbafuvbi litshigu la Pfhumu Nungungulu, litshigu nya mazuvi; a na bani ari gikhati nya tsayiso wa va nya mayigo.

Joyele 1:15

Yowe! Litshigu lile! Kholu litshigu la Pfhumu Nungungulu lomo vbafuvbi.

Joyele 2:1

Wombani pundru Siyoni; mu lila khu lito nya gukhugege gigomoni gwangu nya guage; va na khale hwanga vavbanyi vatshavbo va tigoni, kholu litshigu la Pfhumu Nungungulu li ngu vboha, gambe lomo vbafuvbi;

Joyele 2:31

Lidambo li na vbindrugedza li khala gidema, ngima wu fuvila wu khala novba, li si gu vbohi litshigu nya likhongolo nya guthise la Pfhumu Nungungulu.

Nahume 1:2

Pfhumu Nungungulu nya wufu ni gu dzi phodzela! Pfhumu Nungungulu a ngu dzi phodzela na tade khu likhulo! Pfhumu Nungungulu a ngu dzi phodzela ga avo va mu wugelago, na gu yeyedza likhulo laye ga valala vaye.

Nahume 1:6

Khu mani a na gu emago mbeli nya likhulo laye? Khu mani a tiyelago guvbisa nya likhulo laye? Likhulo laye li vbalagide nga nilo, khungumulede siwindri mbeli gwaye.

Nahume 1:8

aholu khu ndrambi nya gukhulunge, a na mbembisa khu gumogo basi wulanga wowu nya lidhoropa; khu gidema a na lundra valala vaye.

Sofoniya 1:15

Litshigu lolo, li na bani liri litshigu nya likhulo, litshigu nya wuvi ni sigaradzo; litshigu nya gupfhungumule ni gutshaniseka, litshigu nya gidema ni guphuma, litshigu nya mapfhi ni mazuvi.

Zakariya 14:1

Wonani, li ngu vboha litshigu la Pfhumu Nungungulu, avbo phango wanu wu na guta kabaniswa vbakari gwanu.

Malakiya 4:1

Kholu wonani nya gukhenu nya guvbise kha nga nilo nya magala; vatshavbo va nya matshandza, ni vatshavbo va girago guvivba va na gira kha nga mwasi nya gubange; litshigu lolo li na vbohago, li na va vbisa nyamba tshiya gilo gwawe, ambari khamba mwendro matamo, a ngu ganela Pfhumu Nungungulu nya Tshivba Yatshavbo.

Gutuledwa 18:8

Khu kharato, khu litshigu limwedo yi nata mitungu yaye khu gipitipiti: Gufa, gililo, ndzala; a na tsagamiswa khu nilo, kholu Pfhumu Nungungulu a mu lamudego, a na ni tshivba.”