Isaya 13:3 - Bhibhiliya Nya Guage

³ Nyi ningide nayo sihathwa sangu, ina, nyi ranide dzindrena dzangu, edzi dzi dwanelago wugulu wangu, gasi va thuma thumo nya likhulo langu.

Isaya 13:3 Iomraidhean Croise

Dzindzimo 149:2

Israyeli a na nengele ga Muvangi waye, vathu va Siyoni va na tsakele Pfhumu yawe.

Isaya 23:11

Pfhumu Nungungulu khusedzide gyandza gyaye vbatshani nya yiphwa, a gu ndrendremedzisa mifumo; Uye rumide gu pfhungumudwa makhokhola ya Khanani.

Isaya 5:26

Pfhumu Nungungulu a na khusedza ngavbya yaye a rana mayigo ya hwindzo, a na ma wombela ndrodzi a ma ranisa khu mahegiso gwatshavbo nya mafu; ayo ma nata khu guvbiredza khu gututuma.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 51:46

Mu nga pilegi hwambo mu thava khu gupwa iso si na gu ganedwago tigoni ga Bhabhiloni, kholu khu mwaga yoyu, mu napwa esi; wumbe mupwa sile, ni ghudzeghudze tigoni, mufumeli a na wugela mufumeli kwawe.

Jeremiya 51:53

Bhabhiloni ambari nari a di lita kala damboni, aya tiyisa iyoyo makhokhola yaye, Eni nyi di hadza gu rumela vasaseli vaya mu mbembisa, a ngu ganela Pfhumu Nungungulu.

Joyele 3:11

Tombanani enu mayigo nya vaakelane, mu ta tshangana mwatshavbo avba, Uwe Pfhumu Nungungulu reledza vbale dzindrena dzago!

Sofoniya 1:7

Degulani mu khala khu githawo mbeli ga Pfhumu Nungungulu, kholu litshigu la Pfhumu Nungungulu lomo vbafuvbi ni gu vboha, Pfhumu Nungungulu dongisede miphaso, agiside avo a va ranidego.

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.