Isaya 13:11 - Bhibhiliya Nya Guage

¹¹ Nyi na tsayisa litigo khu kotani nya guvivbe gwaye, ni va nya guvivba khu kotani nya gughohe gwawe, nyi fuvisa matshandza ya avo va dzi khusedzago, nyi thela dzitshoni avo va dzi gugumugisago ni va nya dzihanyi.

Isaya 13:11 Iomraidhean Croise

Joba 40:12

Khedza vatshavbo va dzi gugumugisago U va thesa vbavbatshi, U gandredzela sighohi satshavbo malangani gwawe.

Mavingu 11:31

Muthu nya gululame a na mana tshatshazelo waye mafuni momo; ahati va nya guvivbedwa khu monyo ni sighohi va na gira kharini?

Mavingu 8:13

Uye a thavago Pfhumu Nungungulu, a gu nyenya silo nya guvivbe; nyi ngu nyenyana ni matshandza, gu dzi khusedza, dzindzila nya guwegele, ni magana nya gunyenyeze.

Isaya 11:4

aholu, a na lamula sisiwana khu nayo, a pila mahungu ya va nya gu dzi nogisa va tigoni khu gululama; a na veta litigo khu lipitso nya magana yaye, khu furugedzo wa kanani gwaye, a na songa va nya guvivba.

Isaya 14:21

Lulamisani wulanga nya gusongele avbo sanana sawe, si livba nandru nya sighoho sa vavelegi wawe, gasi va si wugi va fuma litigo va tadza litigo khu madhoropa yawe.

Isaya 14:5

Pfhumu Nungungulu fanyeledzede ndronga ya va nya guvivbedwa khu monyo, ni ndronga ya vakhozisi.

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Isaya 22:14

Aholu, Pfhumu Nungungulu nya Tshivba Yatshavbo a nyi lembedzide dzindzeveni gwangu, khuye: “Gighoho gegi, kha mu na tsetseledwa kala mufa” a ngu ganela Mune, Pfhumu Nungungulu nya Tshivba Yatshavbo.

Isaya 23:9

Khu Pfhumu Nungungulu nya Tshivba Yatshavbo a hungidego makungo nya guvbedze matshandza yatshavbo nya wumburi, ni gu vbwasamisa vale va gu ni ndruma tigoni.

Isaya 24:21

Khu litshigu lolo, Pfhumu Nungungulu a na lamula mabutho ya ndzadzini, gumogo ni vafumeli nya mafu, tigoni.

Isaya 25:3

Khidzo kharato, vathu nya dzitshivba va na gu dhumisa; lidhoropa nya tsindza wa va nya mayigo nya dzihanyi li na gu ninga githawo.

Isaya 25:5

kha nga guvbisa nya lihani mugiwulani. Uwe u ngu degudza ligwaha la va nya mayigo, kha nga idzo u vbungulago khidzo guvbisa khu mutsa nya lipfhi, si na girega kharato sizimba sa va nya mayigo.

Isaya 26:21

Kholu, wonani nya gukhenu Pfhumu Nungungulu, a na khuga khu wulangani gwaye guta tsayisa vavbanyi va mafuni, khu kotani nya sighoho sawe. Mafu ma na funungula novba wawe, ma si sihi gambe vale va songedwego umo.

Isaya 29:20

Vathu nya dzihanyi ni vatshanisi, va na fuviswa khu Pfhumu Nungungulu, gumbembiswa gambe vatshavbo va thumago guvivba,

Isaya 29:5

Gidzemo ya valala vago, gi na fanana ni lipfhi nya kudzudzwane, ni gidzemo nya vatshanisi, gi na fanana ni mavivi ma vbuvbiswago khu phuvbo; khu gikhati gidugwana, isoso si na girega.

Isaya 3:11

Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Isaya 5:15

Vathu vatshavbo va na theswa vbavbatshi, va nya guthavisega va na hembuludwa, ni maho ya vale va dzi khusedzago, ma na thedwa dzitshoni.

Isaya 65:7

Pfhumu Nungungulu a ngu ganela kharati, khuye: Khu guvivba gwanu, gumogo nugo ga vababe vanu, va vbisidego libani sigomoni, va nyi vala na vari musigomwanani; khu guralo, nyi na simama gu pima mithumo yawe ya gale vbakari gwawe.”

Jeremiya 48:29

Hi pwide na gu ganedwa khu matshandza ya Mowabhi, gu dzi khusedza gwaye ni gu vega vbavbatshi vambe vathu, khu matshandza ya monyoni gwaye.

Dhaniyeli 4:34

Aholu, khu hwane nya matshigu yoyo, eni Nabhukodhonosori, nyi di khusa maho nyi khedza ndzadzini, mapimo yangu ma di bwelo khavbo ma wuya, nyi bonga Uye a Khusegidego ngudzu, nyi rungudza ni gu dhumisa uye a vbanyago kala gupindruga, uye mufumo waye wu si vbeligo, wu thaphelago ga mimela ni mimelana.

Habhakuka 2:4

Lova, khuwe: “Muthu nya guvivbedwe khu monyo kha na vbanya; aholu uye nya gululame a khodwago ga Nungungulu a na vbanya.”