Isaya 10:9 - Bhibhiliya Nya Guage

⁹ Gasi kha sa girega idzosaye ga Kalino ni Karikemisi, gani? Hamati kha giri kha nga Aripadhe, gani? Ni Samariya kha giri kha nga Dhamasiko, gani?

Isaya 10:9 Iomraidhean Croise

Genesi 10:10

Phede khu gu fumela madhoropa yaya: Bhabheli, Ereki, Akade ni Kaline yatshavbo ya gipandrengulu gya Sinari.

2 Samuweli 8:9

Avbo Toyi, mufumeli wa Hamati, a nga pwago gupwani Dhavhidhe sasede dzinyimbi dzatshavbo dza Hadhadhezeri,

2 Dzipfhumu 16:9

Mufumeli wa Asiriya a di mu yingisa, a gwela aya dwana ni Dhamasiko, a li wandra, a mola vathu vakone a va gira dzikhumbi, a va yisa Khiri, a songa Rezimi.

2 Dzipfhumu 17:24

Mufumeli wa Asiriya a di resa vathu va Bhabhiloni, va Kuta, va Avha, va Hamati ni va Sefarivhayimi vata khala madhoropani ya Samariya, vbawulangani gwa va na Israyeli, va dzega Samariya a khala thomba yawe, va khala madhoropani gakone.

2 Dzipfhumu 18:34

Vomo hayi vanungungulu va Hamati, ni va Aripadhe? Vomo hayi vanungungulu va Sefarivhayimi, va Hena ni va Ivha? Ina va tshudziside Samariya mandzani gwangu, gani?

2 Dzikoronika 32:14

Khu wevbini nungungulu vbakari nya vanungungulu nya mayigo yaya ma khozisidwego khu vababe vangu, a dzi kodzidego guvbulugisa vathu vaye mandzani gwangu? Gasi enu mwa gu tumba gukhenu Nungungulu wanu a na mi vbulugisa mandzani gwangu?

2 Dzikoronika 35:20

Khu hwane nya satshavbo sesi, avbo Josiya a nga bani na lulamisede Nyumba ya Pfhumu Nungungulu, Neko, mufumeli wa Egipito, a di gwela gasi guta dwanisa Karikemisi, vbafuvbi ni tsongo wa Ewufrate nari ni gikwata nya gikhongolo nya masotshwa. Josiya a di mu khinga.

Isaya 10:8

Kholu uye a di wudzisa, khuye: “Ina vafumeli vatshavbo khandri dzindruna dzangu, gani?

Isaya 17:1

Mahungu mayelano khu lidhoropa la Dhamasiko: Wonani gukhenu Dhamasiko gu na fuviswa gu si khali gambe lidhoropa, aholu, gu na khala marumbi basi.

Isaya 17:3

Likhokhola la Efrayime li na fuviswa, gumogo gambe ni mufumo wa Dhamasiko; ni mitshaledwa ya Siriya, yi na mana wudhumo nya gufanane ni wa sanana sa Israyeli, a ngu ganela kharato Pfhumu Nungungulu nya Tshivba Yatshavbo.

Isaya 33:8

Dzindzila dzi khade marumbi, mwalo muthu a gimbilago gambe khidzo; kholu gu fuvisidwe gidzumeledzwano, madhoropa ma gu hembuludwa, mwalo a ma khathalago.

Isaya 36:19

Vomo hayi vanungungulu va Hamati ni va Aripadhi? Vomo hayi vanungungulu va Sefarivhayimi? Ina avo, va di nga dzi kodza gu vbulugisa Samariya mandzani gwangu, gani?

Isaya 37:11

Uwe u pwide gwadi esi vafumeli va Asiriya va giredego mambe mayigo, idzo va ma pfhungumudego khidzo muphelo; ina khuwe basi u na vbulugago, gani?

Isaya 37:13

Womo hayi mufumeli wa Hamati, ni mufumeli wa Aripadhe, gumogo ni mufumeli nya lidhoropa la Sefarivhayimi, wa Hena ni wa Ivha, gani?

Isaya 7:8

Kholu tsindza wa Siriya khu Dhamasiko, Ni mufumeli wa Dhamasiko, khu Rezimi; ndrani nya livbandre na limwedo magumi ni livbandre myaga, Efrayimi, a na mbembiswa muphelo, a si khali gambe litigo!

Jeremiya 46:2

Khu mahungu ya Egipito, khu nyimbi ya Faro-Neko, mufumeli wa Egipito, a nga bani na khade bambe nya tsongo wa Ewufrate, dhoropani ga Karakemesi, avbo a nga palago Nabhukodhonosori, mufumeli wa Bhabhiloni, khu mwaga nya wu na nya gufume ga Jowakimi, mwamana wa Josiya, mufumeli wa Judha, khuye:

Jeremiya 49:23

Mayelano khu Dhamasiko. Hamati ni Aripadhi va thedwe dzitshoni, kholu va pwide magana nya guvivbe, myonyo yawe yi tade khu rerema, ya gu vila kha nga mavimbi ya linene, nyamba rudziswa khu muthu.

Ezekiyeli 47:16

Hamati, Bherota, Sibhrayimi gu khalago vbakari ni vbakari nya vbingano wa Dhamasiko ni Hamati, lidhoropa la Hazeri-Hatikomi gu manegelago vbafuvbi ni vbingano wa Hawurami.

Habhakuka 1:10

Va poyila vafumeli ni dzindruna va dzi gira nga gihegiso. Avo va na hagana khu makhokhola yatshavbo, kholu va na wungedzela mafu, va ma dzega.

Mitengo 34:8

khu gigomotunu ga Hori mu na wu pandra kala nyangwani ga Hamati, vbingano waye wu na bani wuri mahegiso ga Zedhadi;